وين الخبراء في القسم

هلا أختي العزيزة..
ما أقول اني خبيرة.. بس أعتقد السبب في ان المتصفح مايفتح الروابط هو انج لازم تعرفين الاتصال في المتصفح.. بصراحة ما اعرف اشرح بس اتبعي هالخطوات وان شاءالله اقدر افيدج..

الخطوة الأولى..

افتحي Tools >> Internet Options

الخطوة الثانية..

اختاري connection من الخيارات الموجودة في أعلى المربع الحواري.. بعدين شوفي المكان اللي مكتوب فيه My connection .. هذا اسم الاتصال على جهازي.. يمكن يطلع عندج باسم ثاني.. اذا كان موجود.. اضغطي على اسم الاتصال و بعدين اختاري Setting..

الحين بيطلع لج مثل هالصورة .. وفي الجزء اللي انا راسمه عليه مربع لازم يكون عندج اسم عنوان السيرفر Address والبورت Port الخاص ببلدكم.. اذا ماكان موجود لازم تكتبينه.. و تضغطين ok و ان شاءالله تقدرين تفتحين كل الروابط..

أما في حال ماكان عندج اتصال.. يعني المربع اللي في الصورة الثانية فاضي معناها لازم تضيفين الاتصال.. بأنج بدال ماتضغطين على Setting .. تضغطين Add.. و من ثم بيطلع لج مربع حواري يطلب منج تختارين نوع الاتصال عندج .. تختارين نوع الاتصال و بعدين تختارين Next.. بعدها بيطلب رقم الهاتف للاتصال بالانترنت.. مو رقم البيت اللي شابكة منه.. لا.. يعني مثلا عندنا في الامارات الرقم 4004444.. وبعدها تختارين Next.. وبعدها بيطلب تختارين اسم للاتصال ..اختاري اي اسم.. و اضغطي Finish..
بعدها بترجعين للصورة الثانية.. وبيكون الاسم اللي اخترتيه للاتصال موجود في المربع.. الحين تروحين Setting و تتبعين نفس الخطوات اللي فوق..

أتمنى أكون قدرت أوصل المعلومة.. لأن الكل يقول عني ما أعرف اشرح المطلوب :shy:

وأي استفسار .. او اذا في شي مو مفهوم بكلامي.. انا حاضرة..
واتمنى تنحل مشكلتج..

الله يعطيك العافيه ماقصرتي اختي عيون عربيه بجرب كل الخطوات اللي قلتي عليها وان شالله بتنحل المشكله

العفو عيوني..
وان شاءالله تكون انحلت المشكلة ..