يالله نتعارف على بعض

شهادة 07-12-2004 19 رد 1,888 مشاهدة
ش
[CELL=filter:;][ALIGN=center]السلام عليكم الغاليات ...شو اخباركم حبيباتي.....
اليوم حابه اقدم لكم فكره حليوه ...مايخصها في الازواج والخرابيط والدلع ..خلونا اشوي لفكر في انفسنا كله ازواجنا لا اله الى الله .
المهم هذي الفكره اتخلى الشوي التعارف بيبنا اقوى ...اتمنى تعجبكم وتدخل مزاجكم....واتايدوني فيها ...

الغاليات دام احنا اهنيه في هذا المنتدى الراقي شرات الخوات والحمدالله انخاف على بعض وانحاتي بعض ومشاعرنا وحده ومافيه فرق بيبنا والحمدالله وبين الاخوه الي من بطن واحد...واحس انه ولله الشكر احنا بعد علاقنا اقوى منهم ..
شورايكم انوطد العلاقه اكثر ...؟؟؟؟
قولوا كيف..اها قلتوا كيف ...اسال واردعلى عمري هههههه...
شورايكم نتفق كل بنات يكونو متقاربين في السكن (مثلا اماره بوظبي..او بوظبي ودبي والشارجه) انه نتلاقى في يوم محدد كلنا في مكان او في بيبت وحده او مركز نسائي او اي مكان بس يكون خاص للنساء وكل وحده اتسوي طبق واحد بحيث ما ايكون الكلفه على وحده...ويتم التعارف بيبنا ...والله احس انه فيه وايد بنات يعرفون بعص من سنين لكن الزمن ومشاغل الدنيا فرقتهم...يكفي انه بنكون بنات منتدى واحد...
ونحدد وحده اتسوي درس اصغير ...ونقرا قران بحيث الجلسه ما تخلى من ذكر الله تعالى...ونسوي شوي مسابقات بسيطه والعاب.. ومواقف ...وشذيه يعني..والله اني احس انها بتكون روعه من الخاطر
حنا محتاجين نتعرف على بنات مثل بنات هالمنتدى الروعه...خلونا نتعارف
والى عندهااخو يبى يعرس اتشوفله وحده من المزيونات الموجودات..هههههه والله امزح...
ها شو رايكم بالفكره ...اتمنى ما اتفشلوني...
وبعدبنات البحرين وقطر وعمان ومصر وغيرهم وغيرهم ...الكل حسب المكان القريب له.
والله احس الكل بيستفيد ان شالله من صداقات واتجاهات واسلوب يديد
اتمنى مااتخيبون ظني....الله يخليكم لا اتفشلوني
[/CELL]
ش

يالله منكم ....محد يرد .....
ن
فكرة حلوة وجديدة اختييي


:o بس انا خجولة واستحي اندمج مع البنات مااعرفهن
ا
حرام عليج انا من اهل الامارات وتزوجت قطري وبسير الامارات بعد شهر لان راح تكون عندي اجازه وياريت تنتضروني ونطلع مع بعض هاه ليكون عندك مانع اذا عندك مانع عادي حبيبتي ماراح ازعل لكن بتضايق ههههههههههو :salam:
ا
تسلمين شهودة يالغلية

و الله فكررررررررررة اتجنن :up:

يالله ها و ين الباجيات

:cool2:
ش

يالله ايدي على ايدكم ....انا مستعده ...الحمدالله انه الفكره لقت صدى عندكم....والله فرحتوني....
اختي انت وانا ...انا ان شالله راده يوم الاحد اذا الله كتب لنا عمر ...وان شالله بنتشاوف ...انا والله ما ارد حد انا الود ودي اتعرف على كل بنات المنتدى الغاليات...
اختي المياسة ..ان شاله بتطبق لو على عدد قليل ...
تسلمون على المرور
اختي نوووسه...خلى يالغاليه الخجل فصوب ...واتعرفي ترى الدنيا فيها وايد ناس طيبين .واندمجي :shy::shy::shy:....
ش

:pain::pain::pain:ها بنات انتوا ويييييييييييييييييين...ما عجبتكم الفكره ...
ش

فشلتوووووووووووووووووووووووني...وانا متحمسه وقاعده اكتب واكتب..في الاخير:o:o:o .والله قفطه.يالله الله يسامحكم
ص
ياريت بس انتو وين وانا وين

اتمنى والله بس انا في صنعاء "اليمن" ولو في وحده من صنعاء تتفضل وتراسلني ونتشاوف باذن الله.

على فكره: في وحده من بنات المنتدى راسلتني وطلعت يمنيه بس عايشه في الإمارات ورحبت بها وانشاء الله اذا كانت عندي سفرات للإمارات او اهي جايه اكيد بنتواصل.

وحتى انتوا اذا انا جايه للإمارات اكيد بأخبركم او اذا اي وحده جايه لليمن تتواصل معي وانا حاضره لكم.

تحياتي.
o
مرحبا شهاده كيفك ..؟؟؟

فكرة التعارف هي بتخوف شوي والا شورايك ... صح كلنا بنات ممكن

بس كمان الفكره شوي بدها تفكير .. انا بابوظبي انت وين عايشه ؟
ش

ليش الخوف انا ما فهمت...حنا كلنا بنات ...
انا والله من الامالاات وتحديدا من دار بوخليفه الله يرحمه ان شالله ويغمد روحه الجنه ...
انا حاليا بامريكا وان شالله راده يوم الاحد...
يالله عاد خلونا خوات
o
حبوبه .. خوات من دون ماتحكي .. الله يوفق الجميع يارب
م
هلا والله حبوبه شهاده ..

فكرة حلوه .. وبصراحه انا جربتها :smile:

وتعرفت على خووووش بنات بارك الله فيهم

ووفقهم بالدنيا والآخرة وصار لنا تقريبا سنتان

ولازلنا نتقابل مع الاهل بعد ما شاء الله

والله يوفق الجميع لما فيه خير لهم
ح



السلام عليكم ورحمة الله وبركاته



غاليتي


تسلمين على الفكرة الرائعة..

فكرة جميلة وهادفة..

وفي هذه الحالة الوقت ما راح يضيع بالفاضي..


نستفيد ونفيد..


بارك الله فيج.. وأنا من المؤيدين لهكذا الأفكار


وعلى دروب الخير والمودة نلتقي


تسلمين يا ام الأفكار الروعة
ش

الله يخليكم ان شالله ...وعسى الله يكتب الخير ان شالله ....
ف
هلا و غلا الغالية شهادة:shy:

فكرة ممتازة و حلو الواحد يتعرف على ناس طيبين:smile:
و لله الحمد عندي صديقات كثار بالمنتدى:up:
و نفسي اقابلهن جميعااا:up: بأقرب فرصة
و لحد الآن قابلت وحده فقط من السعودية:cool2:

:up:
ح
السلام عليكم ورحمة الله وبركاته
الفكره وااااايد حلوه
وانا صراحه احب التعارف
وان شاء الله راح تتطبق هذي الفكره
ش
[CELL=filter: glow(color=burlywood,strength=5);][ALIGN=center]
الحمدالله انه فيه ناس تقبلوا الفكره...عسى الله يكتب لنا التشاوف...الحمدالله انا ان شاالله نازله بكره الامارات الصبح ....واتمنى اشوف حد من بنات المنتدى اذا الله اراد....يالله مع السلامه واسمحولنا على التقصير حبيباتي....[/CELL]
ح
فكره جهنميه
وان شاء الله تتطبق
بس عاد انى انطوائيه واستحي يعني مافي امل اتعرف على البنات
الا بالنت :o ( ماشاء الله علي بالنت جريئه :D2 )
ا
انا معاااااااااااااااااااكي ومتحمسه زيك بس زوجيني اخوك
X