تعالو يابنات واستفيدو من تجارب الليزر

موضوعك مفيد وياليت كلنا نتساعد فيه

الدولة المملكة العربيه السعوديه

/ المدينة: انا عملته في الرياض

المكان: مركز ديرما

المناطق اللي شليتي منها الشعر: الوجه كامل

سعر كل منطقة شليتي منها الشعر:1600 ريال وبعد مده صار 1500 من غير العلاج

اسم الدكتور: نسرين
مادري اذا موجوده ولا لا

الفائده: ( لاحظت تحسن كبير واختلف نمو الشعر بشكل واضح معني ماستمريت عندها غير ثلاث جلسات والاخير عند وحده ثانيه لكن مو مثل شغل نسرين والله للحين فيه مناطق مافيها شعر او خفيف جدا وانشاء الله بكمل اللحين لكن في الكويت بحكم سكني )


يالله بنات شدوا حيلكم

السلام عليكم ورحمة الله وبركاته



حبيت افيدكم

ان الليزر ليس حل نهائى لازاله الشعر مثل ماهو شائع عنه

الليزر فقط بيمنع نمو الشعر لمده اقصاها 6 شهور

بعدها يعاود الظهور مره اخرى

ده غير ان الليزر نتايجه مش فى كل الحالات مضمونه


:smile:



حبـــــــيبـــــــــــــــــــــــه

انا سويته في الرياض

في مركز السعودي الألماني

المكان اللي شلته الوجه وتحت الابط

السعر 600 ريال

اسم الدكتور نعيم والممرضة تسويلي تحت الابط


وبصراحة استفدت كثيير شعري كثيف واذا شلت بخيك يطلع لي حبوب


لكن الحين ارتحت وشعري خف

عرايس دوت كوم.... مشكوره الغاليه على الرد ويزاج الله الف خير :smile:



حبيبة110.... مشكوره حبيبتي على النصيحه :smile:




red-eye ... تسلمين حبوبه والله يعطيج العافيه :smile:



بس بغيت اسألكم الشعر مارد يظهر مره ثانيه؟؟؟




بس وين باقي البنات؟؟؟؟؟؟ :down:

*-*انا افكر اسوي ليزر لشعر الوجه بس عندي مشكلة الهرمونات من اتعالج عنها انشالله بسوي الليزر*-*

وقلت يمكن اسويه في مركز اوباجي في ابوظبي...

وسعر اول جلسه 1400
وبعدين يبدا السعر ايقل لين 800


وسلاامتكم

المدينه: دبي

المنطقه اللي شلتها : الوجه كله

مكان العياده: مركز مزايا عند الدكتور حميد تقدس ايراني الجنسيه

السعر : 1500 للوجه كامل

والتحسن صارت بشرتي موره وخاليه من الشعر بس الكلام هذا من سنه واللحينه رديت شرات قبل :(

الدولة / المدينة:
دبي

المكان

دكتور كلداري ست جلسات نصف الوجه و فوق الشفاه 3000 درهم
و للأسف زاد بدل ما يــخف ..

دكتورة سعاد لطفي 5 جلسات نصف الوجه و فوق الشفاه كل جلسة ب 700 درهم و للأسف ما في تحسن ...

بيوتي سبـا 10 جلسات الجلسه ب 400 درهم نصف الوجه و فوق الشفاه و للأسف تي تي مثل ما رحتي جيتي ةيا خساره على الفلوس اللي راحت بلا فايده ...:down:

و للعلم ما عندي مشاكل لا في الهرمون و لا شي سويت تحاليل و الحمدالله ما في مشاكل بس للاسف ما نفع معاي الليزر ابدا ...:confused:

الدولة / المدينة: دبي

المكان: مركز الخليج للجراحات التجميلية
الممرضه هي اللي تسوي الليزر

المناطق اللي شليتي منها الشعر: الوجه ونصف الرقبة

سعر كل منطقة شليتي منها الشعر: 1500 بس خصم 1250
اسم الدكتور:
علي النميري الممرضه هي اللي تسوي الليزر


الفائده: خف الشعر ووايد وصار خفيف قبل كنت مثل الريال لحية كثيفة

يعني يوم استخدم التشقير الشعر يتم اسود بس الحين على طول

يتقشر ومايبين:up:

الدولة : الامارات العربيه المتحدة

المدينة: دبــــــــــي

المكان: عياده فاطمه المدني في حمر عين

المناطق اللي شليتي منها الشعر: الشنب واللحيــــه

سعر كل منطقة شليتي منها الشعر: 400 درهم

اسم الدكتور: فاطمه المدني

الفائده: الشعر طلع خفيف وياخذه فتره طويله الين مايطلع بس انا الحمدالله

احسن عن قبل وتقريبا لي 4 او 5 جلسات ما اذكر الصراحه ..


وراح اكمل عند دكتوره ثانيه ان شاءالله ..




بنت ديره

انا بصراحه ما سويت
بس خالتي سوت صار لها تقريبا 4 شهور او اكثر

المناطق اللي سوتها ايدها والوجه وماشاء الله تبارك الرحمن تقول ان حتى لو يطلع يطلع وايد خفيف اقل من قبل بوايد

ان شاء الله بسألها وبرد لكم خبر

:confused:ليش انا ما فادني حد عنده فكره:confused:

(1)

* الدولة / المدينة:

الإمارات - دبي

* المكان:

مركز دبي الطبي - في مركز حمرعين

د. فاطمة مدني

*المناطق اللي شليتي منها الشعر:

الوجه و نصف الرقبة

* سعر كل منطقة شليتي منها الشعر:

أول كان 600 درهم ، بعد الديسكاونت 500 !

( ديرة ليش انتي بـ اربعمية :s2 بسير اخذ بيزاتي عنهم :D2)

* الفائده:

10 جلسات ، لمدة سنة

خف الشعر بنسبة مممم 70% تقريبا ً

بس بعدين وقف التطور ، ما قام يخف أكثر

و بعد آخر جلستين أو ثلاث سويت عندها ، رد يطلع بكثافة أكثر

مثل أوائل الجلسات

هالشي أحبطني :down:

بالتالي بدلت عنها و سرت عند
.
.
.




(2)


* الدولة / المدينة:

الإمارات - دبي

* المكان:

مركز المرأة الطبي - في مركز الممزر (بالقرب من الملا بلازا)

د. أمينة الأميري

*المناطق اللي شليتي منها الشعر:

الوجه و نصف الرقبة

* سعر كل منطقة شليتي منها الشعر:

1100 درهم ! غالي بس يستاهل

* الفائده:

للحين سويت عندها جلسة وحدة بس

لكن النتيجة مبين أنها أفضل بكثير ، مر شهر و الحمدلله مافي شعر

الاسبوع اللي طاف كان موعد الجلسة الثانية

بس ما رحت أنتظر نتايج تحليل الهرمونات و سكان المبايض اللي طلبتهم مني

شكلي بكمل عندها ، وايدين مدحوها لي ،

و النتيجة من بدايتها حلوة والحمدلله :up:

--

أتمنى أكون أفدتكم

شكرا ً Girl و الجميع ..

:flower:






^
^
^
^
د. أمينة الأميري

مركز المرأة الطبي

أخصائية الأمراض الجلدية، علم أنسجة الجلد، الجراحة الجلدية التجميلية و الليزر

جامعة بوسطن - الولايات المتحدة الأمريكية

عضو الأكاديمية الأمريكية للأمراض الجلدية

مركز الممزر - شارع الاتحاد (طريق دبي الشارقة) بالقرب من الملا بلازا


( هالمعلومات من بطاقتها )

على فكرة كانت تشتغل قبل في مستشفى الكويتي

:smile:

تسلمون والله يابنات على ردودكم الحلوه والله يعطيكم العافيه يارب

بس بغيت اسألكم قبل ماتسوون الليزر تشلون الشعر؟؟؟



:smile:

مرحبا بنات

انا اليوم كانت لي اول جلسه وبصراحه كانت تعور

سويتها في مستشفى الامارات الدولي في العين
وسويت لويهي كامل 500درهم عند اخصائية التجميل ابتسام

والنتيجه الله اعلم بخبركم بالتطورات
ادعولي

الله يستر علينا من ها الليزر

المنطقة : ابوظبي
المركز: مركز الامير الطبي
مكان: الوجه كامل
السعر :600
كملت 5 جلسات الشعر شوية خف هب وايد ويطلع لي بسرعة وبكمل باذن الله
وصليت استاخارة قبل اروح لها لاني للاسف مقدر احف وجهي باي شي لانه جدا حسساس

اسم الدوله:السعوديه
المدينه:الرياض
المركز:جوفا في شارع التخصصي
طبعا" شلت الوجه و كامل الجسم من غير البطن والظهر
السعر:2400ريال
الفائده:خف نمو الشعر بشكل ملحوظ ونضاره في البشرهالكل لاحضها حتى ان لي الان شهرين من اخر جلسه وماطلع الشعر