هذا بنـات اليـوم برقـع وجـوال
والاعبايـة كتـف هـم يلبسـوهـا
والراس فوق الراس طرحه مع الشال
حتـى الخصـال الطيبـة افقدوهـا
يوم البنات اللي غـدٍ سبـت اهمـال
ويـوم السبايـب اهلهـا هملـوهـا
الأم نامت والابـو صـار تمثـال
والبنت راحت ويـن مـا يسألوهـا
بالليل تسهر بيـن هاتـف وجـوال
والا علـى دش الفلـس سهروهـا
اقفاي هي ما بين الاسـواق واقبـال
بلا غـرض راحـت ولا انشدوهـا
اللبس تلبس كل ما يطـرب البـال
وفلوس لو تنقص عليهـا عطوهـا
من شافها باللبس يا ساتـر الحـال
يسبهـا ويسـب مــن خلفـوهـا
كومة لحم وعيون والرمـش قتـال
ويلا مشت كـل الشبـاب اتبعوهـا
هم ما دروا لـون البراقـع بتنشـال
ونشوف وش تحت البراقع خفوهـا
يرتاح من صابه من اسبابها هبـال
ويشوف والله من عيونـه هووهـا
وين البنات اللي بهم تضرب امثـال
ليت السلـوم الطيبـة مـا تركوهـا
البنت زين البنت لا زانـت الحـال
ما هو بلبـس ولا علـوم خذوهـا
وين المراجل ما بقى غيرة ارجـال
ليـت الشـوارب واللحـى حلقوهـا
اللي على عاره رضي الـذل ينقـال
ليـت الكرامـة ليتهـم يرفعـوهـا
ما عاد ينفع قـول فيهـا ولا قـال
لا الأم والله ولا الأبـو انفعـوهـا
اصبح ضياع البنت بسبـاب جـوال
البنت ضاعت والأهـل ضيعوهـا
منقولة
بنات اليوم .......للأسف
ع
06-12-2004 | 02:49 PM