افكر بالطلاق

السلام عليكم ورحمة الله وبركاته

اخواتي الغاليات انا ضاقت بي الدنيا ومالقيت غيركم اشكيله

لانه اهلي خلاص قالولي اذا زوجج ماتغيرت معاملته اتركي البيت وتعالي مع عيالج

وانا من اول شهر زواج وانا نادمه على زواجي وافكر بالطلاق لكن صبرت في البدايه لانه هو كان اختياري وبعدين صبرت عشان العشره اللي بينا وبعدين قلت خلاص اذا هو مافي امل منه بعيش عشان عيالي عشان مايتلتهون

بس انا حاسه اني ادفن روحي بالحيا احس الدنيا مالها طعم

من يوم تزوجته وهو على هذا الحال مايعيبه شي غير انه عايش حق نفسه بس من تزوجته وهو دوم اذا عنده اجازه يسهر مع ربعه لين الساعه5 الفجر واذا عنده دوام يرجع الساعه2او3 الفجر يطلع الصبح الساعه6 حق الدوام ويرجع الساعه 2 الظهر يتغدا ويرقد لين الساعه 5 وبعدين يطلع ومايرجع الا الفجر هذا حاله كل يوم

ويوم اكلمه واقوله انه من حقنا انه يقعد ويانا يضحك ويقول الايام يايه ونحن على هالحال من7 سنوات يوم اقوله ناقصني شي يقول ماعندي فلوس لكن عشان يسافر مع ربعه يقدر يسحب على المكشوف 5000 درهم

والحين داخل علي بموال ثاني انه نسيبه مايصرف على اخته بمعنى انه 1500 اللي يعطيني ياهاحقي وحق عيالي 3 وايد علي مقارنة باخته اللي مايعطيها زوجهاوترى هذي السالفه امه واخته مدخلينها في راسه انه نسيبه مايعطي اخته بس هم جذابين لانه اخت زوجي الكبيره قالت انه اختها تستلم مصروف كل شهر من زوجها بس هم يبون زوجي يقصر فيي وبعدين اذا زوجها يعطيها شهر وعشر شهور مايعطيها مثل ماتقول وهي عندها بنتين فكيف كل مازرتهم قالت حق زوجها قوم بنسير السوق بشتري اغراض وعمري ماشفت عليها قصيره قبل مده زوجها ماخذ بطاقت تسهيلات عاطنها من البطاقه 5000 درهم اشترت فيهن ذهب وانا اللي متزوجه من 7سنوات ماعندي غير دبلة العرس وحلقين صغار وخاتمين بس

هذا كله في كفه والسالفه اللي صارت قبل رمضان في كفه في 15 شعبان اخت زوجي الصغيره اتهمت خدامتي انها سارقه موبايلها وبعدين لقته تحت الكنبه والمره الثانيه ام زوجي اتهمت عيالي بسرقت نفس موبايل بنتها لدرجت اني فتشت اغراض عيالي وشنطتي في السياره ونحن تونا طالعين من بيت امه للعلم يعني الموبايل كان في الطابق الثاني وانا وعيالي مارحنا فوق لانه في عمال هنود يشتغلون هناك وبدال ماتسال الهنود اتهمت عيالي وانا الحين اكثر من شهر مارحت لهم وزوجي بين فتره وفتره يقولي بنروح وانااتعذر باني الحين انا صايمه بس خايفه اقوله السبب يعصب ويعاند وممكن ياخذ العيال من غيري كله ولا امه تزعل

بس للعلم زوجي لو يشوفهم يسبوني مايقول شي بيقول حبي امي على راسها واعتذري منها مثل مره صارت سالفه قامت اخته وشتمتني مع اني مالي ذنب قالت جدام اخوها (قحبه) لي انا واخوها ماقال شي وفي مره صارت مشكله بين ام زوجي وبين خوات زوجي من الابو وانا ماكنت موجوده في البيت قامت ام زوجي واطلعت من البيت خاصه انها على ذمة زوج ثاني غير عمي الله يرحمه قامت تقول حق الناس اني انا طاردتنها من البيت خصوصا انها كرهتني لاني حملت وما خلت كلمه ماقالتها قالت اللي فيها عيال بتحمل قبل سنتين مب بعد سنتين

انته قولولي في شي في الدنيا يستاهل اني اهين نفسي لهدرجه واسكت

لكن قبله ابغي اعطيكم خلفيه عن ام زوجي وبناتها الهنتين عمي الله يرحمه لقاها مع واحد في فراشه واهالسبب طلقها وبعدين اتركت عيالها صغار وقامت تشتغل في المعلايه ودور مع الرياييل وبناتها وحده من كانت صغيره تكلم شباب في التيلفون حتى زوجها كان واحد منهم ولين الحين لها علاقات غير شرعيه ويعطونها فلوس وبطايق وعطور حتى بنتها اللي عمرها 7سنوات تعرف بكل سوالف امها واخت زوجي الثانيه كانت لها علاقات وتتكلم في الموبايل معاهم وفي مره من المرات طلعت مع واحد فيهم الساعه 11 في الليل وامها قاعده في الصاله جدام التلفزيون مادرت بشي ومارجعت الا الساعه 4 الفجر بتقولون كيف عرفتي لان وحده من اهلها كانت معاها في الغرفه اهي اللي خبرتني انها اطلعت من الشباك شفتوا كيف سوالفهن ترى امهم علبالها انه بناتها اشرف بنات وبنات الناس فارطات وترى ام زوجي وبناتها دوم ييبون في سيرت اعراض الناس ويالفون القصص ويشوفون انهم احسن من الكل والناس ولاشي عقب هالكلام

شو تنصحوني لاني مب قادره اعيش معاه بديت احس اني اكرهه وانا ماابغي توصل السالفه لهالحد بس اهو يعرف كل سوالف اهله بس مايبغي يعترف انهم غلطانين

وانا شبعت اهانه ومذله صرت مب واثقه من نفسي واحس اني انا استاهل كل اللي يسوونه فيني صرت احتقر نفسي لاني ساكته عن حقي ومخليه ناس مب كفو يشوفون نفسهم علي

اعرف اني طولت عليكم بس لانه راح يكون القرار الاخير اللي بيحدد ان كنت باستمر معاه او بنهي عذاب 7سنوات مروا من عمري من غير لحظة سعاده او راحت بال

شكراً لكم على طولت بالكم معي .