شوفوا الوصل شو سووا فيني.

[السلام] السلام عليكم ورحمة الله وبركاته[/السلام]

كيف الحال يا بنات..

في البدايه بغيت أشكر نوووسه وكل من دعى لي وأنا بشدتي

والله ما أعطى ولله ما أخذ..

بس بغيت أنصحكم لوجه الله... لا تولدون بمستشفى الوصل بدبي..

أنا بهدلوني وشفت ولدي وبنتي يموتون جدام عيني وهم يتفرجون علييهم..:confused:

بس خلوني أحكيلكم السالفه من البدايه..

أنا كنت رايحه لدكتورتي علشان أكشف جنس البيبي فشفتها تطول معاي أكثر من اللازم وشكلها قلق فسألتهاشو السالفه..؟
فقالت لازم أشرب ماي وايد وأروح انتظر لأنها بتكشف من تحت علي..

أنا استغربت ورفضت بس هي أصرت علي..

ومجرد ما كشفت طلبت مني أروح المستشى حالا لأني أبي عمليه ربط عاجله..

رغم اني رحت الوصل وأنا حامل ب13 أسبوع ورفضو وقالوا اني ما فيني شي ومش محتاجه رغم انه اول حمل بعد 3 سنين زواج وبتوأم بعد.

ما كذبت خبر وركضت للبيت ولميت حاجتي وودخلت الوصل الخميس الفجر من الطوارى.

الدكتوره قرت التقرير اللي دكتورتي دزته لها وفحصت داخلي وقالت انا ما فيني شي واللي فسني شويه ارهاق وهو بيخلوني يوم وبعدين بيطلعوني..
رغم اني عرفت بعدين أنها كاتبه أن عنق الرح مفتوح 1 سم وما سوت شي

وجلست من الخميس للسبت والدكاتره يطوفون دقيقه كل يوم ولما أسأل عن عنق الرحم يقولون ما فيه شي وأني محتاجه تحاليل سكر حمل بس!!!

وما أخذ دوى غير الكالسيوم والحديد
وبالسبت العصر خذوني للسونار والدكتوره اللي هناك نادت الاستشاريه اللي قالت أت عنق الرحم فتح 2 ونص سم..

وبكل بساطه وبرود قالت لي الله يعوض عليج وأنتي لسه صغيره وخلاص الاطفال بينزلون وانتي ما بأيدج شي..

لساعتها أنا انهرت وجلست أصارخ ليما عطوني ابره مهدء

وجاتني دكتوره ثانيه وقال اني أنا المفروض اكون بالسرير وما اتحرك نهائي لآخر الحمل من اول ما فتح ا سم..

وأنا ما كنت عارفه ولا هم طلبوا مني لا الدكاتره ولا الممرضات..

وربطت عمري بالسرير ورفعت رجلي ونزلت راسي لتحت لمده 4 أيام حتى الحمام ما أسير كله عالسرير..

وجاتني الاستشاريه وقالت لي ممكن نسوي لج عمليه باجر بس مش مضمونه النتيجه..

وافقت والعصر بدوا يعطوني ابر لما اسأل عنها يقولون تحضر الرحم للعمليه.. وبديت احس عقبها بتقلصات غريبه ببطني

وعالمغرب وأنا اكرمكم الله اتنضف من البول مسحت بالكلينيكس وشفت بقعه دم ورديه فجلست أصارخ وامي وخواتي يصارخون معاي عالدكاتره اللي حولوني على غرفه الولاده وأنا وزوجي نبكي وجلست فيها 3 أيام والدم وردي وخفيف والماي مش راضي يفتح وراحوا يعطوني ابر طلق وحده ورى الثانيه وانااتألم وأدعي ربي يعوض علي بغيرهم..

وولدت الولد وطلع حي وتحرك شوي وعقبها مات وماحطوه بالحضانه..

والبنت ولدتهاعقبه وسميتهم عبدالله وشما..

وأدعى ربي ماحد يشوف الل شفته من عذاب وعسى ربي يجعلهم غرس بالجنه لي..
بس نصيحه لا تروحون للوصل قمه الاهمال والتسيب منهم..

اللهم لا مانع لما أعطيت ولا معطي لما منعت..