قبلة حمراء على قميص زوجك ؟؟؟ شنو موقفك

واااااااااااااااي ، باموت أول ماجوفها، يمكن أتصيدني حالة وآخذ ولدي وآروح بيتنا، بعد أكثر من جذي مافي ، دليل خيانة واضح...

الصراحة واضح أن الرجل عنده شي، يعني ماكان مع زوجته وأنت عارفة أن هو يلعب بذيله، فأكيد ماراح أتصدقينه لما ينكر..

راح آستشير لج أصحاب الخبرة وأرد عليج..

:confused: تعرفين هالموقف صعب لازم شوي بعد نعطي الزوج فرصة أخيرة يمكن يحس على دمه ويستحى ، عزيزتي الغالية عندك فكرة كيف أحصل على ايميل الأستاذ/ محمد المطوع هو أستاذ في قضايا حلول العلاقات والمشاكل الزوجية هم يحطون برنامجه في قناة أقرأ ، والله ما تعرفين من الصدمة صار الشي عادي عندي أحس ان جسمي منشل.. الله يهديه ويبعده عن البنات... ويرجع لصوابة وعقله... وبعد أختى لازم الزوجة تكون عاقلة موب أي شي يصير بينهم خلاص بتطلق وتروح بيت اهلها، انا يمكن اريد اكذب على روحي اني لازم اكون عاقلة مع العلم ان اعرف انه ما في امل منه ، لكن بالدعاء والصبر الله راح يفتح عينه علي انشاءالله.
ولا تنسين الله مع الصابرين... وانشاءالله لا تذوقون اللي اذوقه :confused: :confused: :confused: :confused: :confused: :confused:
الله كريم.

ياهلا أخت نودو، فعلا برنامج البيوت السعيدة في قناة أقرا مساء كل يوم ثلاثاء روعة، أنصحج بأنك تابعينه، صار لي أسبوعين أجلس زوجي معي ونتابعه، كانت الحلقة الماضية عن الشك والغيرة مع الزوج،

الله يهديه ويصلحه لك.....

[SIZE=4][ALIGN=RIGHT]الله يعينك ويبعد روجك عن بنات الحرام والعلاقات المشبوهة ويحافظ على بيتك واطفالك

اقراي هذا الدعاء دائما

يا راد يوسف على يعقوب... رد زوجي الي

والله يوفقك[/SIZE]

اخت نودو الله يصبرك ويصلح زوجك.

شكر لكم ريم الحب ، umadil على مشاعركم اتجاهي ، الله يبعد الهم عنكم وادعوا الله يفرج كربتي عاجل غير آجل.

السلام عليكم ورحمة الله وبركاته

أختي ....الموضوووع جميل ..حلو طرحه..بس يباله نوع من الجراءة
والحكمة والصبر واللين.....
طبعا تختلف نظرة الموضوووع من وجة النظر من شخص لشخص
لكن انا بتكلم عن نفسي...
!
!
!
!
:shy:

بصراحة لو حص ها الموقف لي شخصيا ..ما بتسرع في الحكم لانه رابطة الزواج اكبر من اي روابط أخرى.
بحاول فهم الموضووع
ما بعطيه فرصة إنه ينكر
بعطيه شيء من الامان
علشان المركب تمشي.....!
بحاول اني أتجاوب معاه لحظة صراحته
لانه الرجل أحيانا يحتاج زوجته تكون مثل الصديقه اللي يفرغ همومه ومشاكله ونزرواته بالاصح
أتقبل بصدر رحب بحيث أنه مايرجع للموضوع ثاني
أن كان صادق بفعلته وصارح صدقووووني مستحيل يرجع لنفس الموقف
وان كان أيضا صادق ومايدري بشي بالاصح(أستعباط) مافيها شي المعامله بالمثل كأني مصدقتنه بس

أنتبه له جيدا وبيكون هو اللي جنى على نفسه:down:

السلام عليكم ورحمة الله وبركاته

و الله أختي نودو إحترت كيف أرد على مشكلتك..

بالذات مع علمي السابق بالمشاكل اللي تواجهينها بسبب معرفتك بخيانته...

بس بصراحة هذا شيء ما ينسكت عليه...يعني لو الموضوع مر مرور الكرام...زوجك سيتعوّد على الوضع...و يصير ما يشوف فيه أي مشكلة...

لكن لو كان لك وقفة...مش لازم بخناق و زعيق...بس على الأقل يعرف إنه هذا مش وضع سوي...ما أعتقد هذا الشيء ممكن يتكرر ثاني...

بالنسبة للأستاذ جاسم المطوع...شوفيه على قناة إقرأ...يوم الثلاثاء الساعة 9 بتوقيت السعودية...و هم يضعوا في البرنامج عنوانه...

الله يفرّج همك أختي نودو...طمنينا عليكي...

أما مرموم والله اني مفتشلة منك وايد وايد لأني خليتك بدوامة مع موضوعي عزيزتى الغالية انا واجهته ونكر ، شنو سويت كلمته بهدوء ان لازم هو يضحى نفس ما انا اضحى ، لكن هو يغضب ويقول الساعة اللي اجلس فيها معك تريدين تنكدين علي اطلع برع البيت احسن لي ويلبس ثيابه ويطلع ، المهم انا شفت القميص يوم الجمعة بالليل يعنى اليوم الأحد البارحة خليت له القميص جدامه ما غسلته عشان يعرف اني كشفته وكتبت له ورقة فيها ان خل نبتدي صفحة جديدة وراح انسى الموضوع وانا ما اريد اضيعك مع ــــــ البنات اريد احافظ على بيتى وبنتى وعليك ولا تعتقد اني خايفة من كلمة الطلاق .
.ابداً هوووو واثققق جداً اني احبه واموت فيه ومستحيل اتجرأ اطلب الطلاق منه.

المهم جاء بالليل الساعة الثانية طبعاً قرأ الرسالة وجاء على السرير عطاني ظهره وانا سويت روحي نائمة ، عقب دقائق جاء ولمنى وباسنى على جبهتى ، انا بعد بسته على راسه... ولا كأن صار شي ..

ألحين انا قررت اعطيه مجال شهر بس ما راح آكل جدامه ، اذا بيطلع معاي راح اعتذر واقول اريد اجلس بالبيت ، يجوز على وعسى يتغير ويحس ان انا فينى شي ،،، اذا بيظل يتأخر الى منتصف الليل ووووو راح اطلب الطلاق بالنهاية ، لأن اعتقد حرام اترك باقي عمري مع واحد ما يستاهلني.

هل اللي اعمله سليم وعين العقل أم انا ساذجة وغبية...

السلام عليكم ورحمة الله وبركاته

ما تفتشلي و لا شيء يا نودو...و ما تقولي هذا الكلام...إحنا إخوات...

بس ما شاء الله عنّك...و الله واحدة غيرك كانت قلبت الدنيا و ما قعّدتها...

ما شاء الله عنّك و عن عقلك...

و الله جبر بخاطرك...كفاية إنه زوجك حس بغلطه و إعتذر لك بطريقته...على الأقل مجهودك ما ضاع...

حاولي نودو ما تخلّي في أي نوع من النكد في حياتك...خلّي بيتك علطول منوّر و يشيع بالبهجة و السعادة...و دايما إنتي بتضحكي...يعني إحرجيه بطيب معشرك و أخلاقك...ما تخلّي أي شيء ضدّك يقدر يقول بعدين : و الله كانت تعمل و كانت تسوّي...

و الإنسان ممكن تحرجيه بمثل هذه الأشياء...

إدعي الله في كل صلواتك و في قيام الليل إنه يهدي لك زوجك و يرجعه لك...اللهم آميـــن...

هذا الله يوفقك ويبعد عنك وعن بنات حواء الهم والغم يا قادر يا كريم ، انت ما تعرفين هو كيف يريدني اكون (عمياء ، وما اتكلم ) يعنى يطلع ويعمل الهوايل وانا لازم اسكت ، هاي نوعية زوجي يعنى ألا متى اضحى واضحك وما انكد عليه ، انت تعرفين انا انوم مسكينة بنتى غصباً عنها ما اخليها تنام بالنهار وهي مسكينة تريد تلعب معنا بالليل انومها غصب عشان استحم واسشور شعري وابخر البيت واتبرز والبس احلى الثياب وبالنهاية اتعب وانووووود يأتي المنزل الساعة الثانية بالليل ما فينى قوة حتى اتكلم معاه ، طبعاً هو يعطينى ظهره وينام ، غصباً عنى اكون معصبة وبالنهار والله العظيم باليوم اشوفه ساعة بس طبعا، بهالساعة يكون يابالحمام كرم كم الله او نائم او جدام التلفزيون وبعدين بسرعة يبدل ويطلع والى الليل ما يتصل يسأل عنى ولا يفتكر فينى واذا انا اروح مع غيره ألى السعودية والله انه ما يدري ، لكن الحمدالله بعيد الشر عنى اني اتجه لهالطريق ... من القهر اللي بقلبي من كم يوم قلت له اشكر ربك ان الله عطاك زوجة شريفة ، جان انت تطلع من صوب وبعدها بنصف ساعة زوجتك تطلع مع حبيبها وترجع قبلك بنصف ساعة تستحم وتبدل ولا كأنها طالعة مع حبيبها ،، غضب من كلامي وقال يعنى هاي تربيتك أصلاً انا واثق فيك.

المشكلة امه لين قلت لها تعرفين شنو ردها طبعاً بيروح لغيرك شنو تتوقعين انت مذوقة ولدى المر والنكد اكيد يشرد من البيت ،،:pain: شنو تتوقعين قلبي يكون مع هاي العائلة المجنونة ، هي تريد ولدها يطلع ويستانس لأنها مرت مع زوجها بنفس الطريقة لكن ما تقول ان بنت الناس حرام ما يصرف عليها وما محسسها انها زوجة :confused: ابداً لازم اكلمه اترجاها كلميه وخليه ابوه يكلمه ، ما ترضى تقول انت حره معاه اولاً عدلي من طريقتك معاه وبعدين هو بيتعدل ..يعنى شيلي النكد وابتسمي معاه دائماً ، يعنى تقصد اذا شفته مع عشيقته بسريري لازم اسكت عشان ارضي ولدها.. راح اجن آآآآآآآآآآآآآآآآه تعرفين ليش يا مرموم يا بنات المنتدى ليش تقول لي هالكلام امه وليش تريد وناسة ولدها ومو محاسبة لأمي الفقيرة المسكينة اللي ذايقة الحسرة علي هي وابوي ،، لأن ما عندها بنت .
بس اقول حسبي الله ونعم الوكيل ، يمهل ولا يهمل .

اقول الي عندها ولد وتريد تزوجه ، عاملوا زوجات اولادكم مثل بناتكم .

الله يهديه ويصلحه ويسخره لك:(

:mad2::mad2:

لاااااااااااااااااا

لي البوسه وخلاص بالعه موووووس يكفي

والله لسبه سب واسب رجولته واقوله ان هالشنب بويهك مو كفو

واشيل شلايلي واروح بيت هلي اكرملي:angry:

عيني عينك الروج من وين ياك:think:

بالله مافي مجال لنكران


:sad:الله لايكتب لي هاليوم ان شاء الله:sad:

مرحبا اختي

لو كنت في مكانج افكر برويه وما اكلمه واني معصبه ومتوترة انتظر لحد ما اهدأ وبعدين اكلمه وبيدي قرآن واخليه يخلف على القران ان كلامه صح واذا كان فعلا يخونني اكيد ما اقدر انساها له واكيد و100% ما راح ارجع له ما اقدر اتخيل انه يخوني موبعد روج على قميصه واللي يوصل الى البوسه اكيد وراها شئ اكبر بعد

لاااااااا مستحيل اكمل معاه حياتي

والله يساعدج على ريلج

الصراحة ماعرف شاقولج

بس انتي طلبتي ايميل الاستاذ جاسم المطوع

وهذا موقعه تقدرين اتراسلينه عليه
www.almutawa.info

والله يا nodoo

اني اول ماقريت مشكلتج قلبي عورني عليج...اقول حرام عليه ليش يسويه فيها جذه شو ذنبها الفقيرة تحبه وتراعيه وتحافظ على بيته

الله يكون في عونج يارب ويشيل عنج الضيج ويصلح ريلج ويهديه..اللهم آمين

حبيبتي لاتيأسين حاولي بكل الطرق انج تردعينه عن الي يسويه ذكريه بالله وبعذابه من الي قاعد يسويه...يبيله اشرطة دينيه عل وعسى يتعظ

لاتتسرعين وتطلبين الطلاق الا اذا حسيتي انه كل الطرق مانفعت وياه ولا انعدل حاله..وانتي طبعا حالتج بتكون حالة عاد هني اطلبي الطلاق ولو اني ماانصحج فيه مول

حاولين تراسلين جاسم المطوع وتقولي له عن مشكلتج والاخت جمر الآهات عطتج الموقع وانشاء الله راح يخفف من العذاب الي انتي تعيشينه

والله يوفقج يارب ويسهل امورج

:confused:


أكيييييييييييييييد ما أقعد عنده ولا دقيقه

مادري شو أقول لج حبيبتي..
الله يعينج على هالحالة.. والله يهديه و ينتبه انه متزوج درة .. لو وحده غيرج ماقعدت له دقيقة وحدة.. بس ماشاءالله عليج رزينة و خايفة على بيتج و بنتج وريلج..
احسن شي سويتيه انج واجهتيه بطريقة عاقلة و ردة فعله اكبر دليل على انه حس باللوم و الغلط.... يمكن قبل انتي كنتي عارفة بس مو محسسته انج عارفة.. و هو حاط في باله انج ماتدرين وماخذ راحته وانتي عايشة العذاب بصمت.. واللي زايد الطين بلة امه.. الله يهديها..

المفروض انه يبدا يتغير.. اصبري عليه و ان شاءالله الله بيهديه.. ياما شباب كانوا في قمة الانحراف و الغلط بس الله هداهم..
انتي ادعي.. كثري من الدعاء و ان شاءالله الله بيرد لج زوجج و يبعده عن البنات و مايشوف في الدنيا بنت غيرج..

لكن اذا استمر على هالحال معناها لازم تاخذين موقف.. و ان شاءالله ماتوصلون للطلاق.. بس حاولي تخلين اي شخص من العائلة تكون كلمته مسموعه غير امه و ابوه طبعا.. عشان يحاولون يحلون الموضوع..

اسمحيلي عالاطاله.. بس والله مو هاينة علي تعيشين هالحالة..
الله يسعدج و يحفظلج بنتج ووالديج..

بصراحه ما أضمن ردت فعلي
لاتنسون إن ذا الشي مو هين ومو من الممكن ان الوحده تستحمله
لان الزوجه ممكن تستحمل اي شي وتتغاضى كثييييير وتصبر الإ على ذا الشي
وعذرا اللي تقول غير كذا مع إحترامي أتحداها تستحمل الخيانه أو تقبل إنها تعيش معاه بعد كذا
حتى ولو فرضنا انها سكتت راح تضل داااائما شاكه في كل تحركاته و أفعاله..
فمن الاجدر انها تريح عمرها!!!

وشكرا على الطرح الجريء،،،