هذي القصيده من كلمات
الشاعر ×?°بندر الرشود×?°
وهي رثاء في امه
وغناها الفنان ×?°خالد عبدالرحمن×?°
والله لولا الخوف من ربي وكرهي للذنوب
كان اقول ان التراب ابعد عليك من النجوم
ياإلهي تطمئن بذكرك أرواح وقلوب
لا إله إلا أنت نسجد له ولا غيرك يدوم
وجهك الباقي وعبدك ينتظر منك المكتوب
ماله إلا ماكتبت ومايطول إلا المقسوم
يالعظيم اللي بعلمك جنه ونار وغيوب
تنجي أمي من عذاب النار والقبر الكتوم
يمه الله اللي يعلم يوم اودعك مغصوب
يوم احطك في القبر ماادري اقوم او مااقوم
لا هقيت أمشي ولا خطوه ولا ألحق غروب
من عرفت إن الفراق اليوم صار أمر محسوم
صارت الدنيا تدور ولا عرفت الدرب نوب
مثل الأعمى صرت يمه ماعلي شرهه ولوم
الوكاد إني غديت بصوب والدنيا في صوب
والحياة الله يجيرك صارت اقسى من اللزوم
كل ماأذكرك يمه ينحرق شمع ويذوب
يخترق صدر المفارق كثر ماصار محروم
أذكرك وأنتي هنا وهناك ياصعب الهروب
وين ماأناظر اشوفك في عيوني كل يوم
اتخيل طلتك ومشيتك في هالدروب
حتى صوتك اسمعه نفس السوالف يارحوم
صار بيتي في عيوني موحش وكله عيوب
من رحلتي لاخبر لاعلم ولاعين تنوم
مابقى للبيت نور ومابقى للجرح ثوب
ولا ابقى الا ذكريات بيني وبينك تدوم
يمه الله لا يعاقبني ولاكني اتوب
ليت ربي ماخلق فرقى ولا موت وهموم
أدري الجنه تحت رجليك ولله الوجوب
اسال الله الرضا والفوز يالحي القيوم
اتمنى تعجبكم
