نوكيا 6260 اللي شاشته تتحرك

مواصفات الجهاز العامه ..


الجهاز عامه سريع جدا جدا جدا في تصفحه ، يعني الاستوديو و كذا مع اني معبيه اشياء بس ما قد طلعت رساله الـOpening ابد ..
بس عيبه الوحيد في الـStartup ، بطيئ جداااا ن و يأخذ تقريبا 30-35 ثانيه ..



هذي واجهه الجوال ..



هذا شكل الأيقونات في القائمه .. (المينيو يمكن ربع هذا بس انا حطيت كل شي في الصور عشان توضح المقصود)



قائمه الرسايل ..


و الجهاز يكتب عربي بدون تغيير اللغه كامله



هذي الثيمات المرفقه مع الجهاز ..



ما فيه شي جديد بالأسماء غير الخيار الأوسط اللي هو Positioning ،، و ينحط فيه الناس اللي قابلين خدمه التعقب (هذي خدمه من الشبكه ،، اظن المتحده بتقدمها )



تقدر تتحكم في الـLog و تختار كم مكالمه يحسب و فيه خيار آخر يطلعلك جميع الأشياء اللي استخدمت الشبكه مثل الـGPRS و المكالمات و الرسايل الخ..



الكاميرا خصائصها زي الـ7610 بالظبط ،، لكن النقاوه تختلف ، هذا جوده الصوره مثل 6600 او اقل ،، لكن الفيديو حتى تنتهي الذاكره ..
عينه من صور ملتقطه بالهاتف
(872KB)



برنامج الـReal Player الجديد ..



هذا متصفح الانترنت و الواب ،، يفتح مواقع انترنت عادي بدون اي برامج ،، و سريع و حلوه طريقه العرض Full Screen ..



هذي قائمه الـSettings ...



الراديو Stereo ... واضح جدا جدا جدا ،، بس ما يشتغل الا اذا شبكت السماعه ، و تقدر تحط سبيكر ..

شوف لو من ناحيه المميزات ، فانه فيه شي يكمل شي بين الـ7610 و الـ6260 ،، يعني مثلا الـ6260 فيه راديو و الـ7610 ما فيه ، كاميرا 7610 افضل من 6260 بس فيديو 6260 لين ما تخلص الذاكره وكذا يعني ..

انا عاجبني الـ6260 و داخل مزاجي فشريته ،، فيه ناس ما يهمهم الا الشكل ،، و فيه ناس ما يهمهم الا المميزات ،، و فيه ناس الاثنين ..
انا تهمني المميزات اكثر من الشكل ، و بالنسبه لمميزات 6260 تكفيني و زياده انا الكاميرا ما استخدمها ابد يعني يمكن صوره كل اسبوع ولا اثنين ..

و بالنسبه لأحسن ما احسن هذا انت اللي تقرره مو احنا ..
يعني مواصفات الـ7610 تعتبر احسن نسبيا من الـ6260 ،، بس انا شريت الـ6260 لأنه عاجبني ...

و كنت اقدر انتظر الـ6630 بس ما دخل راسي بعدين كل الناس بيصير معهم و هذا شي انا ما احبه

يا ريت تكون فهمت وجهه نظري
__________________

الصراااحه مووبايل عجيب..

واذا حاابه لاي استفساار انا حااضره..

والله أنج ماقصرتي يا أم مهير كفيتي ووفيتي أنا أصلا شاريه الموبايل من أيام ومثلج بالضبط شريته للأسباب اللي قلتيها بس كنت حابه الأسود لكن مانزل بس الموبايل عجيب وأنت خليتيني أتمسك فيه زياده لأني لحد الحين ماشفته عند حد وشكرا يالغاليه

مااعليه كلاام موبايل حلووو

الموبايل عندي

مميزاته واااايد حلوه

كفايه شكله ومواصفاته وكل شي فيه وكامرته واااايد حلوه

لكن الشي إللي مو زين فيه إن مو عملي يعني طريقته بالفتح والتسكير يمكن تأثر على الجهاز بعد فتره

رايي من رايج يالجونه بس تدرين أحس أنه يناسبني لأني ما أطلع وايد وما أشتغل فماعندي مشكله أنه يفتح أويسكر أنا على طول أقلب شاشته وأخليها للواجهه بالعكس يعني وأرد عالمكالمات عادي بس أنا حبيته للمناسبات حلو ولونه رسمي يعني أحس راح يعمر هالموبايل بالسوق لأنه مش صرعه وتروح

(u) (u) (u)


اللي يعرف زياده لا يبخل علينا

السلام عليكم ورحمة الله وبركاته
يعطيكم العافيه على التوضيح
بس حبيت اسأل كيف اعرف الكيبل
على الكمبيوتر وكيف استخدمه لنقل الملفات والصور
من الكمبيوتر للجهاز؟؟