تعاولو حضرو معاي زهبتي

السلام عليكم ورحمة الله وبركاته


الله يوفقك اختي ...

بقولك نصايح من خلال تجربة اختي و من تجربة بنات جهزوا من قبل ... عشان ما يروح مهرج عالخرابيط اللي مالها داعي

و مثل ما فهمت انتي تبين تجهزين بطريقه اقتصاديه


لا تكثرين من العطور واشتري الغرشه الصغيره ( 50 مل ) ...اشتري 4 عطور فرنسيه و طبعا دهن العود والخلطات على راحتك....بس انتي راح تملين بسرعه حتى زوجك بيمل... لازم تغيرين العطور ..عشان كذا لا تكثرين


الملابس لا تكثرين منها واجد ... شوفي شنو ذوق زوجك بالاول و طريقه اهله بعدين كملي اللي ناقصك عقب العرس ... يعني اشتري ملابس حق شهر ونص تقريبا ... لا تكثرين


الدراريع اذا انتي مع اهله تسكنين و عندهم عيال بالبيت... اشتري لك دراريع استر لك من البدلات والبلايز ...بس طبعا دراريع حلوة ومرتبه .... اختي كثرت منهم و زهقت بسرعه و ندمت


المكياج ... اشتري الاساسيات ماركه مثل الكريم والبودره والمثبت ... و الروج و البلاشر اخذي من الهنود ..في العلبه الكامله اللي فيها بلاشر و قلوس و روج ... هذي اقتصاديه و حلوه اذا ما تبين حوسة مكياج .. في ماركات رخيصه مثل قولدن ليدي و مبروك و جوليت و اقلام التحديد بعد من الهنود و قلم الحواجب .. بكذا خلصتي المكياج


لا تنسين الملافع والعبي


انا اشوف ان الوحده تكثر من الذهب و تشتري لها طقم الماس وساعه احسن لها من الخلاجين والخرابيط اللي ما تنفع ... مثل ما قلتي كل اسبوع بتروحين السوق و من هواة التسوق يعني لاحقه عالشغلات الثانويه



هذا رايي بس ما يمنع نسمع راي خواتنا المتزوجات عشان حتى انا استفيد

مشكوورررررررررررررره اختي جويل على النصايح الحلوة

وانا كنت اقصد الاقتصاد من ناحية الاغراض مش الميزانية

تسلمييييييييييين فيج الخير (انتي الوحيدة اللي عبرتني) :up:

اذا في عرس اول شي ابدأي فيه بدله العرس والصالون والمسكه ..الخ
الأشياء اللي تخص العرس ..

بعدها بدلات الطلعه والبيت يعني اخذي لج من 5-8 بدلات
والدراعات نفس الشي الفخمه والعاديه وحطي فبالج انه بيتغير
جسمج بعد الزواج بسبب الحمل وغيره ..

وقمصان النوم لاتكثرين لأنه مثل ماقالت لج الاخت جويل ما تعرفين ذوق
زوجج من ناحية القمصان وراح تملين منها ولا تاخذين غالي لأنه الرياييل
ما يفرقون بين الغالي والرخيص وحسافه تاخذين قميص حق كم يوم
بالشيء الفلاني ونوعي بين الطويل والقصير والشورتات وغيره ..

برأيي اهتمي بملابس البيت البدلات السبورت الخفيفه :up:
مثل التنانير القصيره والشورتات والبرمودات ..

الأحذيه والشنط والأكسسوارات بعد ما تجهزين البدلات والدراريع
الفخمه عشان تاخذين اللي يناسب الألوان ..

العبي خذي وحده فخمه ووحده عاديه وكم ملفع طقم مع العبي
او حسب احتياجج لها ..

الذهب على حسب ذوقج ونفس الشي لا تكثرين كم طقم ناعم
مع ساعه الماس وطقم الماس ناعم ..

المكياج اهم شي الكريم والبودره والشدو والفرش والماسكرا
اخذيهم ماركه والباقي مثل الارواج والقلوسات والمحددات والبلاشر والكحل والآي لاينر اخذيهم من ماركات عاديه مثل ريفلون وريميل
وميبلين وماكس فاكتور ..الخ

وان شالله اكوووووون افدتج والله يوفقج يا احلى عرووووس:up:

مشكوووووووووووورة اختي قمراء

ماقصرتي :smile: :smile: