اماكن بيع الخرز والكريستال

هلا عزيزتي ريم الصحراء :smile:


الصراحة أنا بغيت أطرح هالموضوع اعرف مكان بالعين محل يبيع أدوات الخياطة من أولها وأخرها وبشكل حلوووو وكل شيء يخطر ببالج عنده وأسعارة أوكية ... ودايمن يوم أروح أشوف الهنود الخياييط ياخذون شغلان من عنده من فصوص وهالاشياء وحتى مرة شفت فلبينيات شكلهن يشتغلن بمشغل ياخذن أغراض مثل الخرز والاحجار والكوارتز.


شوقتج لاسم المحل :smile:

<<<< نذالة
.

.



.



.

أوكي اسم المحل الخيط الذهبي ومكانه بالعين عدال صالون بريميفيرا بنص السوق عدال مسجد الشيخة سلامة... بس الصراحة أنا يوم رحتله ويا أختي... كل اسبوع انطبة نشتري شغلات نحطها للعبي والشيل نصمم شيلنا من نفسنا... يبيع كريستال أحجام وألوان ويبيع مثلها بعد كريستال وخرز وكوارتز كل ألألوان بلمع ومن غيرها وفصوص وشرايط ويبيع الاشياء الرئيسية من خرز وغيرة للفساتين وفستان العروس

:up: خواتي اللي عندها موهبة التصميم وتبدع تروح المحل وبتييها أفكار حلوة من الشغلات اللي عندهم.
:shy: أتمنى أخت ريم إني أفدتج.

السلام عليكم ورحمة الله وبركاته

مشكورة أختي ليالي العين والله وفيتي وكفيتي وأفدتيني وايد. عسى الله يوفقج دنيا واخرة :smile:

مثل ما قلتي الخرز والكريستال تعطيج أفكار حلوة. كان عندي كمية من الخرز وسويت منهم اكسسوارات أشكال وألوان من عقود وحلق أذن واساور وخواتم بزين منهم الشيل بصراحة طلع روعة :up:

بس أختي ممكن ترسلي لي رقم تلفون المحل على الخاص. أنا قريبة من العين بس أحيانا اتوه في شوارعها.