هرمون البروجسترون - منتديات عروس

M

Mrs Chocolate

عروس متألقة

23-11-2004 | 12:39 PM

قوه عرايس شخباركم..وحده من رفيجاتي متزوجه صار لهاسنه وللحين ما حملت ولما راحت للفحص طلع عندها ان هرمون الحمل (البروحسترون) ناقص وايد والحين عطاها الدكتور كلوميد تاخذه لثلاث دورات شهريه واذا ما احملت تروح للطبيب مره ثانيه والحين هي صار لها دورتين وللحين ماحملت فهي وايد خايفه انها تتأخر في الحمل أكثر..وخصوصا انها بتموت على اليهال...فقلت أسألكم اذا احد مر في هالتجربة واحملت علشان اطمئنها

وما تقصرون حبايبي عرايس منتدى عرووووووس

م

مرموم

نائبة المشرفة العامة

23-11-2004 | 01:06 PM

السلام عليكم ورحمة الله وبركاته

أختي شوفي راح أقول لك اللي أعرفه عن هرمون البروجسترون...من واقع سؤالي المتكرر للطبيبة عنه...

هذا الهرمون هو هرمون الحمل...إذا قدر الله و صار حمل...هذا الهرمون مفروض يرتفع أول 3 شهور في الدم علشان يحافظ على ثبات الجنين...

بعد ال 3 شهور بيبدأ الهرمون يفرز من المشيمة...و بالتالي تقل إحتمالات الإجهاض...

لو الهرمون هذا قليل ماذا يحصل ؟

ممكن يحدث حمل و لكن لا يثبت...و تلاقي إنقباضات الدورة العادية تنزل الحمل...و تظل السيدة معتقدة إنها ما حملت...و هي كانت حامل...لكن الحمل نزل مع الدورة لأنه هرمون الحمل قليل...

اللي قالت لي الدكتورة عليه...إنه علاجه إنه السيدة تاخذ حبوب الدوفاستون ( هي عبارة عن صورة من صور هرمون البروجسترون ) من خامس يوم للدورة الشهرية...

بالتالي لو ربك كتب و صار حمل...حبوب الدوفاستون راح تساهم بشكل كبير في تثبيت الجنين...مع الأخذ بعين الإعتبار إنه يكون ممنوع الجماع أول 3 شهور...ممنوع سواقة السيارة..ممنوع الإنفعال...ممنوع الحركات العنيفة...لحد الشهر الثالث ما يخلص...و تبدأ المشيمة في إفراز الهرمون...نتوقف عن أخذه خارجيا...

هذه معلوماتي أختي...أتمنى إنها تفيد صديقتك إن شاء الله...

M

Mrs Chocolate

عروس متألقة

23-11-2004 | 03:04 PM

مشكوره حبيبتي مروم الحين ادق على رفيجتي واطمنها..:smile:

هل فتره العلاج اطول لين ما يصير الحمل؟؟

م

مهــا

عروس مشرقة

23-11-2004 | 05:37 PM

تسلم الايادي حبوبة مروم ..

الله يعطيك العافيه وتسلمين ..:)

معلومات حلوه ..:clap:

ح

حبيبة110

مشرفة سابقة

23-11-2004 | 09:43 PM

السلام عليكم ورحمة الله وبركاته

هلاااااااا Mrs Chocolate

أضيف على كلام مرمووم
شئ مهم جداااا

ان هرمون البروجيستيرون قليل
اكيد الفتره اللى انتى تقولين انه قليل فيها المقصود بها فتره التبويض

معناها عدم حدوث تبويض

يتم معرفه التبويض وحدوثه من عدم حدوثه من نسبه هرمون البروجستيرون

اذا قليله معناها ان هذى الدوره من غير تبويض
مثل ماحدث مع صديقتك

والدكتوره اعطتها كلوميد كمحفز للتبويض لان التبويض عندها ضعيف

ولازم تستمر على العلاج كورس كامل

وكمان تشوف باقى الهرمونات وخصوصا هرمون الحليب؟؟؟؟

وقوليلها تصبر لسه بدرى
والله يرزقها :smile:

حبـيـــــــــــــبـــــــــــــــــــــه

M

Mrs Chocolate

عروس متألقة

24-11-2004 | 12:57 PM

مشكوره اختي حبيبة على الرد:smile:

م

مهــا

عروس مشرقة

24-11-2004 | 01:28 PM

حبوبة Mrs Chocolate اشدعوه طوفتيني :o

يالله .. حصل خير :smile: