متى بدأ يتحرك ..؟؟

شعرت بحركه الجنين في الاسبوع 20 و انا الان في 21

احساس جميل و ربنا يتم علينا الحمل بخير

حسييت بحركته في الشهر الرابع على نهايته تقريبا وكانت
خفيفه مرررة ... كنت متسطحه على السرير على ظهري لما حسيت بحركة النونو ...

بس في الشهر الخامس صارت الحركة اوضح واحلا كنت افرررح لما يتحرك
وعلى طول اخلي زوجي يلمس بطني :D2

والحين انا في الشهر التاسع وصايرة الحركة شي ثاني بطني مرة اشوفه في جهة اليمين

ومرة في اليسار :shy: فديت اليهال الحلوين ...

والله يسهل علينا جميع .. ومشكورة اختي على الموضووع الحلوِ

أنا حسيت بحركة الجنين أو بالأصح انتبهت عليها في الأسبوع 21 أو 22 .. كانت مثل احساس الغازات أو على شكل رف خفيف وما كنت أعرف إنها حركة الجنين لأنه أول حمل لين ما نبهتني ربيعتي .. بعدها فعلا ركزت واستانست عليها وايد .. وفي الشهور اللي بعدها تصير واضحة أكثر إلى أن تتطور للركل والرفس وممكن تشوفيها من فوق الملابس وحتى اللي حواليكي يشوفها .. أنا ألحين في الشهر الثامن والحبيب مو مقصر في أمه .. ما صار يتعامل إلا بالرفس :D2 :D2

الله يحفظهم لنا ويكونوا أبناء بارين يا رب :up:

هلا و غلا يا بجعه:shy:

أنا حسيت بالحركة بحملي الاول في الشهر الخامس

أما حملي الثاني حسيت بالحركة بنهاية الخامس:rolleyes:

هي الحركة تعتمد احيانا على طبيعة الطفل

إذا كان شديد الحركة يتحرك في البطن بدري

أما اذا كان هادي يتحرك بالبطن متأخر او ما يتحرك وايد

هذي تجربتي الشخصية:cool2:

[ALIGN=RIGHT]انا في حملي الاول ما اذكر متى تحرك بالضبط , يمكن في الشهر الخامس بس كان و ايد شيطان :D2 , ما شاء الله عليه حركي و ايد .

اما حملي الثاني فحسيت بالحركه من وقت في الشهر الرابع بس ما كان هادئ اما احين انا في الشهر السادس و احس بحركته زادت و صارت اوضح :smile: الله يتمم لي و لكم على خير ان شاء الله .

الله يتمم عليكم:shy:

احس ان شي جميل ..

انا الحين في نص الشهر الرابع .. اتريا حركة البيبي بس ماكووو شي ..

يالله عاد بشوف ولدي بيطلع شيطان مثل ابوه ولا هادي مثل امه :D2

انه حسيت فيه بأول الرابع ..

واول ماحسيت فيه ضحكت عبالي غازات بعدين قالولي هذي حركة البيبي

انا حسيت بحركة الجنين في اخرالشهر الرابع
وكانت حركة بسيطة والحين انا الحين في نص الخامس
واحس بحركة اكثر

السلام عليكم

و الله العيايز يقولن انه حركة البنت غير عن الولد...

البنت تدور..اما الولد يرفس..>> طفس من يوم يومه


بالنسبه لي..كانت بنتي تتحرك و انا راقده يعني فالليل

و فالنهار ما تتحرك..ترقد فديتها...يمكن انتي نفس الحاله

لانه بنص الرابع خلاص الحركه واضحه..و الله يوقمج بالسلامه

و ايسر عليكن كلكن..آمييييين

عزيزتي bj3a

أولا مبروك عليج الولد
تراج كشفتي نفسج :D2

وإن شاء الله بتحسين بالحركه بعد أيام..

أنا في بنتي البكر .. تحركت أول يوم من الخامس..
وفي ولدي حسيت بالحركه نص الرابع..

أما هذا الحمل فحسيت بالحركه..
نص الثالث..

والله يوفق الجميع..

اما أنا فحسيت فيها في بداية الرابع حركة خفيفة وبعد اسبوعين رفسات قوية
وانا الحين في بداية الشهر الثامن يعني ما شاء الله متأذية من قوة الرفسات وكثرة الحركة

نا عن نفسي كنت احس بحركة في الشهر الخامس بس ما كنت اعرف انها حركة البيبي لانه اول حمل لي وكن اعتقد انها غازات لا اكثر لكن من قرأتي في المنتدى وكلام البنات عرفت انها حركة البيبي وانتبهت عاد اكثر عرفت انها هي الي ترافس لاني حسب ما قالت لي الدكتورة انها بنوتة ان شاء الله وانا نفسي في بنت باذن الله تعالى

والحين انا بالسادس يعني اسبوع ونص وادخل السابع ما شاء الله ترافس طول الوقت تخبط


:D2:smile::smile::smile:

انا حسيت بالبيبي في الاسبوع العشرين و كنت عند الممرضه تسمع نبض البيبي جاااان يطلع صوت نفس الفقاعه:D2 واااااي قفطت قلت وقته اتيني الغازات الحينه ههههههه وعرفت من الممرضه انها حركة البيبي..مع انه هذا الصوت سمعت على الخامس وكنت اتحرى غازات.....:pain:

بس الصراحه شعوووور جميل و روعه..وخصوصا لما تحطين ايديج على بطنج وقت ما يتحرك..احسه يعرف اني امه...واحسه يتفاعل معاي اكثر من اي حد ثاني.....(a)

الله يتمم لج على خير يااارب
ويسهل على جميع الحوامل.....آمييين يااارب العالمين

ويرزق اخواتي بالذرية الصالحة.....

انا الحين في الاسبوع 21والى الحين ماحس بحركه يمكن شي بسيط مثل النبض مادري حركه اويتهيأ لي

حسيت بها في نص الخامس تقريبا

وقاعده تزيد ماشالله انا الحين في الاسبوع الثاني من السادس وحركته حلوة خصوصا لين انبطح

حلوووووووو الشعور كله انام ويدي على بطني الله يخليه لي يارب ويرزقني بالذرية الصالحة وبنات المسلمين يارب

وانا الحين بروح انبطح اشوي لاني تعبت من القعده :D2

مدري انا الى الحين ما حسيت بشي مدري هو بنت ولا ولد ؟ ههههههه

انا الحين في بداية الرابع بس شكله راقد وبارد على امه هههههههههه

الله يبارك فيكم ..

والله يتمم علينا ونشوفهم يشيطنون ويكسرون ويخربون ان شاء الله .. بيتي انا كلة زجاج واشيا فخارية يايبتنها بطلعت روح .. اذا كسرها فدا راسة ..

بشاير

هي اصلا مكشوفة خلاص .. بس اقلج خليها سر بيني وبينج .. :D2:D2:D2

MISS_MATH

ان شاء الله عقب اسبوعين بتعرفين .. اذا حابة:up:

أنا بالاسبوع ال21 والبيبي حركتهم قليله يعني رفسه ثنتين عالكثير..

:down:

متى بيتحركون عدل وبيرافسون علشان افرح فيهم..؟