بنتي عمرها 8 اشهر..و عطيتها كف !!

السلام عليكم ورحمة الله وبركاته
مرحبا اختي كيف الحال .. الله يخليها لج ان شاءالله
بس بالراحة عليها وطولي بالج شوي لأن الياهل في هالمرحلة
يحتاج صبر وخصوصا عند الأكل .. حبيبتي حاولي تعطينها خليط من
ملعقة من الحلبة المطحونة وملعقة من العسل .. اخلطي الحلبة والعسل
في فنجان وخلال شهر بتلاحظين التغير ان شاءالله ..
وحاولي تلاعبينها وتلقمينها شوي شوي ..
الله يخليها لج وان شاءالله نسمع الأخبار الطيبة عن قريب ..

تقبلي تحياتي
ام عدول

:eek2::eek2::eek2::confused::confused:
حرراااااااااااااااااااااام عليك لاتضربيها مسكينه ممكن هي تشتكي من شي وماتقدر تاكل الا الضرب عاد او ممكن تكون اتعودت على الرضاعه الصناعيه وفيها نسبة سكر عاليه وصارت تحب الحلو من بعدها حاولي تعطيها موز مهروس او مهلبيه او رز بلبن يحبونه الاطفاااااااااااااال

اتقي الله في فلذت كبدك حرام عليكي دلعيها مو تضربيهاااا

فيه ناس محرومين منهم اشكري ربك انه اعطاك اياااه

ربي لاتذرني فردا وانت خير الوارثين

لا يا اختي طولي بالك على البنت وأياني واياك تدعي عليها لأنه سبحان الله يمكن يصير فيها شي وتجلسي بعدها تلومي نفسك.

في طريقة حلوه لتاكيل الأطفال يمكن راح تنفع معاك إذا عندكم باليت حيوانات مثل غنم دجاج عصافير قطط أو أي نوع من الحيونات لما وقت الكل شيلي بنتك لعند الحيوان اللي عندكم وجلسي سولفي معاها وأكليها وحاولي تمزحي معاها انك تعطيها لقمه ولقمه ثانيه توديها بالهوى عشان ياكلها القط أو الغنم او الحيوان يعني .

يمكن البنت ملت من الروتين يعني نفس الأكل وبنفس المكان .

أنا ولدي لحد الحين ما يحب يشرب حليب غير الحليب اللي من صدري ومحتاره معاه ؟؟

فهذي أمور عاديه اختي الكريمه أنتي بس طولي بالك وعرضيها لدكتور وإن شاء الله بتلاقي الحل

[ALIGN=CENTER]:cry: :cry: :cry:

ما فيه احلى من الاطفال لا تضربيها والله قطعتي قلبي لا تسويها ارجوووووووكي


والله هذيلا ملائكـــــة على الارض

ام عدول...

و عليكم السلام و الرحمه..

تسلمين حبيبتي...و بحاول وياها..و ان شالله خير...

و انا و الله احاول ..اصبر عليها..بس هي بزيه واايد

و الله يعيني,, و يعينها..و بجرب اللي قلتي عليه..

مع انهم يقولون العسل ما ينعطى قبل السنه..لكن جرب..


taleena

و الله غصبن عني...صدقيني...هي ترفع الضغط...و هي

ما تشرب صناعي ابدا..حاولت اعطيها من فتره..ما طاعت..

و سويت لها عيش بلبن..و مهلبيه..و موز..و كل ما تتخيلين

بس تاكل لقمه و خلاص..و احيانا و لا لقمه..الله يعين..


ورده القصيم

الحمد الله...انا اشكر الله الله على نعمه...و لا تحاتين

الدلع..اهل البيت مب مقصرين...ماعندنا طفل غيرها

و تخيلي الدلع !..


أم انوار

اشكرج عالرد..و يزاج الله خيررر.., بحاول وياها...عندنا فالبيت دجاج

و هي تحب صوتهن...و ان شالله بجرب الطريقه اللي قلتي عليها..

و عسى خير...و الله يخليلج ولدج ان شالله


و اشكركم عالردود...

كاتب الرسالة الأصلية : ورده القصيم
اتقي الله في فلذت كبدك حرام عليكي دلعيها مو تضربيهاااا

فيه ناس محرومين منهم اشكري ربك انه اعطاك اياااه

ربي لاتذرني فردا وانت خير الوارثين

:cry: :sad: :cry: :sad: :cry: :sad: :cry: :sad:

اللهم ارزقنا ولاتحرمنا يامنان

:confused::confused:

أختي الرميسه..
شوفي أنا بقول لج شي في يهال ما ياكلون من أمهاتهم..فحاولي تخلين حد ثاني يأكلها..وهذا شيء عادي ما يعني إنها ما تحبك..لا بالعكس هي حاسه بدلالك وحبك..علشان جذيه تتغلى..ولا تقول انهم ما يفهمون ترا اليهال أذكى عنا ويعرفون كيف يخلونا ندللهم :)
في طريقة ثانيه حطيلها شريط تيليتابيز...البرنامج حق اليهال..وترا أغلب اليهال يحبونه و حتى بارني لأنهم شخصيات ملونه وتلفتهم بتلقينه في محلات ألعاب اليهال فحاولي..والله يعين

نفاف & أشجان أنثى & micky

لا تلوموني...روحي و الله متلومه...حتى تصدقون

يتني حمى فالليل...و قلت اكيد السبب لاني ضربتها


هنادي..

تصدقين معاج حق...دروليتنا فلبينيه...و تاكل اذا عطتها..

لكم من الخدامات ( اندونيسسات) ما تاكل..ما ادري شو السبب

و يزاج الله خيررر...بحاول وياها...و شكل ما قلتي..الله يعين

بسم الله الرحمن الرحيم
رميسه
من فضلك الرفق مع النعمة التى عطها لكى الله وهذهى طفلة لا تدرك شيئ أذهبى بها الى الطبيب وأعرفى منه طفلتك ما بها
أختك صبوحة

وعليكم السلام ورحمة الله وبركاته

الف شكر اختي صبوحه..ناويه ان شالله

اخذها للطبيب

السلام عليكم ورحمة الله وبركاته

حرام عليج!!!!!!!!

مثل ما قالت صبوحه، وديها الطبيب و بأسرع وكت .

إنشاالله تتحسن و تاكل و تستوي دبدوبه بعد .

بس طولي بالج عليها

السلام عليكم ورحمة الله وبركاته

هلا اختي

والله عورتي قلبي شلون تضربينها و تدعين عليها :confused:

المهم طمنينا عليها بعد ما تودينها للطبيب.. و لا تنسين يمكن هالمشكله هذه كلها سببها التسنين !

كان الله في عونك و عونها

تحيااتي

:down::down:

نفس حالة بنتي(عمرها6 شهور) .. صدري فيه شوي حليب وما يكفيها ... وما تاكل اي شي غير موز .. ويسببلها شوي امساك .. ومن يومين جربت أكل الاطفال .. نصحتني الدكتوره فيه .. وقالت انه هذا احسن نوع ..
وجربت معاها كذا نوع .. وحبت الفواكهة انناس مع الموز .. وحبت الجزر