الي محبين عطالله فرحان

مرحبا جميعا

قرات قصيدة للشاعر عطالله فرحان ولم استطع منع نفسي من نقلها لكم...

ارجو ان تعجبكم...



سوّ اللـي براسـك ..ولاتذكـر أسبـاب
لاصرت بايعنـي توكـل علـى الله !!
مابينـي وبينـك مشاريـه.. وعـتـاب
شف دربـك اللـي جيـت منـه تدلـه
مـاراح تغلبنـي لـو الحـب غـلاب!
من حضرتـك عشـان قلبـي تذلـه ؟؟
في ذمتـي لاجعلـك عبـره للاحبـاب
لين الخليـل يتـوب عـن جـرح خلـه
زلاتـك اللـي مانفـع فيهـن حسـاب
لا جيـت اعددهـن علـى القلـب علـه
أحرجتني بين (القرايـب) و (الاجنـاب)
كـن الجفـا سيفـن بوجهـي .. تسلـه
ما كنت أقصر فيك.. من كثر الاعجـاب
يومـك تسـاوي عنـدي الكـون كلـه
كنت القريب .. وكلهـم كانـوا أغـراب
حتى القمر لا غـاب شفتـك محلـه !!
خلاص لاترجع.. ترى خاطري طـاب
الخاطـر اللـي كنـت عايـش بظـلـه
رح .. واعتبرني واحدن أذنـب وتـاب
مانيـب ثوبـن تلبسـه.. ثـم تملـه !!
ما يجتمـع بالحـب صـادق ..وكـذاب
رزقي على الله ..وانت .. رزقك على الله