منو يقدر يحل هالمشكله بس بأمانه وبدون مجامله

وعليكم السلام ورحمة الله وبركاته


والله يا أختى الفاضلة إذا كان على (((دين وخلق))) فأنصحها بالزواج منه ولترمي بكلام الناس عرض الحائط

والله اني اعرف وحدة شديدة البياض متزوجة واحد شديد السواد وعايشين احلى عيشة

وطبعا شفت اولادهم ماخذين شئ من ملامح الام وشئ من ملامح الاب

بس ياأختى ياليت تسأل عن الولد كيف صلااااااته وكيف دينه كيف أخلاقة

هل هو بار بوالديه ام لا؟؟

لان اللي مافيه خير لاهله مافيه خير للناس


قولي لها تدرس الموضوع من كل الجهات ولا تجري ولا قلبها لان هذا زواج ارتباط مؤبد!!!

والاستخارة ماهي مرة واحدة فقط بل قد ماتقدر تصلي والافضل تتحرى ساعات الاجابة


لتلتجئ لله وتدعوه بإخلاص

الله يفرج كربتي وكربتها وجميع المسلمين

أشجان أنثى مشكووووووووووووره الغاليه عسى الله يحفظج
وين الباقي الله يسامحكم
:confused:

السلام عليكم ورحمة الله وبركاته

أختي ممكن توضحي لي هي كيف تعرّفت على هذا الشخص أصلا ؟

و لمّا اتعرفت عليه و ( حبّته )...ماذا كان الهدف من العلاقة أصلا ؟؟؟

يعني هي تعرّفت عليه لمجرّد التسلية لمدة سنتين...و لما قال لها راح أتقدم وضعت هذه الإحتمالات في بالها ؟؟؟؟

بانتظار توضيحك ...

والله شي غريب؟؟ يعني من سنتين تعرفه و لسا مب متاكدة اذا يحبها و لأ؟؟؟

من تجربتي: عشان تتأكد من حبه لها لازم يجي يتقدم لها و حتى لو اهلها رفضوا لازم يظل يلح و ما ييأس أبدا

اما بالنسبة لكلام الناس ؟؟؟ انصحها بأنها تعيد التفكير قبل ما ترتبط فيه لانه هيي الظاهر عليها انها ما تحبه ؟؟؟؟:eek2:

عشان لو هيي مقتنعه و راضية فيه (مع التذكير انه العلاقة عمرها سنتين) المفروض انه آخر شي تفكر فيه هو كلام الناس او انو هالشخص أبيض او اسمر


طمنينا عنها و اتمنالها كل التوفيق :up:

أختي ممكن توضحي لي هي كيف تعرّفت على هذا الشخص أصلا ؟

و لمّا اتعرفت عليه و ( حبّته )...ماذا كان الهدف من العلاقة أصلا ؟؟؟

_________________________________

ايش دخل كيف تعرفت عليه بحل المشكله

واي هدف والرجل يبي يتقدم للبنت ويخطبها؟؟؟؟؟؟؟؟؟؟!!!!!!!!!!!




المهم انه ما اشوف اي مشكله عشان نحلها وواضح انها مو مقتنعه فيه يعني المشكله داخليه ...لما تقتنع فيه 100% يتقدم لها وايش يعني اسمر وايد ليش الأسمر من خالقه مو رب العالمين؟؟؟؟؟؟

السلام عليكم ورحمة الله وبركاته

ردّا على الأخت مذهلة البحرين...

واحدة تعرف واحد من سنتين و عارفة إنه اسمر و بعيد عن ديارها...

ما فكّرت إنه ممكن ييجي يتزوجها خلال هذه السنتين ؟؟؟؟!!!!

الحين بعد ما قال لها راح أتقدّم فكّرت في هذه العيوب ؟؟؟؟!!!!

طيب بماذا كانت تفكّر الأول.بماذا كانت تتكلم معاه طول السنتين اللي فاتوا ؟..تتسلى معاه و خلاص ؟؟؟؟

واضح إنه الأهل ما يعرفوا عن الموضوع...هل هذا النوع من العلاقات حلال ؟؟؟؟

أعتقد قبل ما نحل المشكلة و ندوّر لها على مخرج...لازم نعرف طبيعة العلاقة بينهم...و ليش هي أصلا مش مقتنعة بيه...

مذهلة البحرين ليش معصبه ؟؟؟؟؟؟؟؟؟


أنا أشوف سؤال مرموم منطقي جدا ....

أي علاقه انبنت عن طريق التلفون بتكووون فاشله ،،، ممكن بعض الحالات عاشوا بسعاده بس القاعده انه بتصير بينهم مشاكل بعد الزواج ....

انتوا ناس اتفكرون بالحاضر وبالزواج ...

ونسيتوا بعد الزواج كيف بتكون حياتهم ...

وبعدين ما فيه فرق بين الابيض والاسمر الا بالدين والتقوى ولكن بالحياة الاجتماعيه فيه فرق ،،، يعني اي وحده بيضاء أهلها ما بيرضون ايزوجونها واحد أسمر الا في حالات قليله .... باجر ايعالها يطلعون سمر ،،، الولد اذا امه وابوه سمر ما راح ايحس بشي ،،، بس اذا جاها ولد اسمر واخوانه بيض والام بيضا اهني راح ايحس بالفرق ..

البنت لازم تنظر للمستقبل .... اذا الشي مبناي صح راح يستمر واذا الشي مبناي من الاساس غلط يعني اتعرفت عليه بالتلفون أو غيره لازم اتعرف أنه حياتها الزوجيه ما راح تستمر ...


وشو هذا الي استمر سنتين وكيف حصل الحب وليش ما صار الزواج قبل سنه مثلا ؟؟؟؟


أنا أقول الي جاي من الشارع اتخليه لأهل الشارع ....

والسموحه ....

[QUOTE]كاتب الرسالة الأصلية : عجيبه
[B]مذهلة البحرين ليش معصبه ؟؟؟؟؟؟؟؟؟


أنا أشوف سؤال مرموم منطقي جدا ....

____________________________

معصبه عاد

سلامتك ولا معصبه ولا شي

اقول حاولي تقرين الرد اكثر من مره :D2:D2:D2

( مذهلة البحرين )


ممكن ردج ما ايدل على عصبيتج بس فيه نوع من الاستنكار والاستغراب وحلج للمشكله سطحي ....


المفروض المشكله تنحل من جذورها مو بشكل سطحي ....

كاتب الرسالة الأصلية : عجيبه
( مذهلة البحرين )


ممكن ردج ما ايدل على عصبيتج بس فيه نوع من الاستنكار والاستغراب وحلج للمشكله سطحي ....


المفروض المشكله تنحل من جذورها مو بشكل سطحي ....

_______________

طيب خلصنا من سالفه العصبيه ودخلنه بمسأله السطحية

انتي اكيد راح تحلين المشكله من جذور جذورها

ولا راح تحلين كل المشاكل بأذن الواحد الأحد

خلي السطحيه لي والجذور لك

ألا ابسأل اكو مشكله بالموضوع ياناس ياهو

واحد اسمر ويمكن هلي ما يوافقون شفتو يمكن .....!!!!

وانه ما احس احبه الا اذا ابتعدت عنه

بالذمه وين المشكله؟؟؟؟؟؟؟؟؟

أختي مذهله البحرين احنا اهنيه نتبادل الآراء وكل وحده تقول رايها ...

يوم انتي شايفه الموضوع ماله مشكله ليش من الاساس شاركتي بالموضوع ...؟؟!!

والبنت ما كتبت الموضوع الا واذا حاسه انها فعلا في مشكله ...


يعني يوم تقولين لها ما فيه مشكله مشاركتج ما تهمها ... احنا اندور لها الحلول واهي اتشوف الي يناسبها والي يريحها ...

والاسمر الي انتي قاعده تدافعين عنه انا ما ركزت على لونه بل على طريقة تعرفها له ...


على فكره انتي شكلج اتحبين تنتقدين الناس وما اتحبين أحد ينتقدج ...

خلاص ولا تزعلي انتي صح وكلنا غلط ....

صراحه بدون زعل الاسمر زعال درجه اولى وعصبي واذا هي تعرفه لا تزوجه لانه احتمال يشك فيها وماترتاح هذه وجة نظري سامحوني
:D2 واااااااااااااي انتو اووووووووووووووووووووووووووووووف

السلام عليكم ورحمة الله وبركاته

عزيزتي ألم الشووق

كلام الاخت مرموم صح اذا هي مو مقتنعه فيه .... ولا حاسة بصدق

مشاعرها اتجاه هذا الشخص كيف يعني مترددة وهي تكلمة من سنتين

اللى نعرفه ونسمع فيه أن أغلبية البنات يشكون من الشاب رافض يتقدم

لهم بعد علاقة دامت سنوات وهذه العلاقة لا مترددة في خطوة الزواج منه

اذا كانت تبيه أهم شيء دينه وخلقة .. وبعد هل هو قادر يفتح بيت وأمور

غيرها ...

عزيزتي هذا الموضوع يغتمد عليها وتسأل نفسها سؤال صريح وتجاوب عليه

انا ابيه ولا لا ...

العـــــــــتب

هلا اخواتي
شوفيكم؟ صلو على النبي....
ليش كل هالضرابات نحن اخوات ولازم نتناقش في الموضوع جيدا لان لو الموضوع مافيه مشكله ماكنا بنلجأ لاحد صح ولا لاء....

بخبركم السالفه :rolleyes:
المهم بلخص الكم الموضوع.......
* هي تعرفت على الشخص منذ سنتين وشهرين عن طريق الهاتف...وكان هو عنده ظروف وهي حاولت اتنسيه اياه..
*تطورت العلاقه لدرجه انهم بدوا يغارون على بعض...فطلبت منه ان ترى صورته وفعلا رأت صورته عن طريق الايميل...فصدمت من شكله انه أسمر جدا..ولكن هي لم تشأ ان تجرحه..بس هي تحلف ان طيبه قلبه وخوفه عليها غطى على هالشىء( تدرون ليش اصبروا بكمل لكم )
*وهي كانت تتمناه زوج الها بس كانت خايفه جدا من الاهل وكلام الناس وطبعا بعد فتره قال الها لازم نتزوج عشان لو دروا اهلج نحن نكلم بعض بتستوي مشاكل يعني نستر على بعضنا وهو في خاطره ينجب منها أطفال وحتى أساميهم قررهم من الحين...
*البنت خايفه اتقوله ينصدم..المهم الريال لم يكذب عليها كلم اخته الكبيره وامه واخته كلمت البنت علشان الزواج والبنت رحبت فيها جدا لدرجه انه اخته ارتاحت للبنت وايد...
*المهم مرت شهور والبنت ماتتصل في الريال وانه كم واحد خطبها بس سبحان الله ماشي نصيب معاها ..
*فأهل الريال قالو له البنت هذي ماتنفعلك أبد وقالوله شيلها من راسك.
*مرت الايام والبنت اتصلت للولد الا ان الولد يصدمها بأنه مالج على وحده شافها..وكان يكلمها بنفس خايسه ويعصب عليها والبنت يلست اتصيح وتندمت ليش ماخذته...
*اتصلت مره ثانيه للريال وصارحها انه ماخطب بس كلم وحده عرفت قدره وهي واااايد تحبه وتحترمه عكس الفتاه اللي كلمها اللي هي ربيعتي..
*اشتعلت نيران الغيره في جوفها لدرجه انها قالت فكر يعني هي تبيه لانها حست انه الرجل اللي علمها معنى الحياهو الصلاه فماشاء الله الرجل يصلي وعارف ربه...
*اعطاها مهله علشان يقنع اهله يجي معاه لانهم اكيد بيرفضوها حاليا ولكن بعد الاقناع الاهل سيأتو لرؤيتها وشكلهم متخوفين...
((( الموضوع ان البنت خايفه من درت فعل الاهل والناس بس هو اقنعها ان هذي شغلت رياييل اهم بيقنعوا وكل شيء قسمه ونصيب))))
((( واربيعتي اتفكر وايد بالبنت اللي حبها وحبته وقال الها انا مابتخلى عن هالبنت الا لما تصير الخطوبه "" صراحه من حقه اش ضمنه ان هالبنت اهلها بيوافقوا ولا لاء"" بس حرام يعلق بنات الناس....بس اللي عرفته انه ماواعدنها بالزواج...)))))
واللي سألتني هل هو قادر على فتح البيت ...ايوه اهو مجهز كل ترتيبات العرس + الشقه+ انه بيبني فيلا لهم يعني هو شغلته وايد زينه ومقتدر..
فهمتوا الموضوع
ع فكره اللي عندهم مشاكل كثيره في البيت ساعات تخلي الواحد يلجأ لشخص آخر يحسسه بالحنان اللي فقده..بس هذا الطريق ان من وجهت نظري فاشل لان طريق ظلام فيه كثير من الصعوبات لانه قد يؤدي الى الدمار...
فهمتوا الحكايه والله هذا اللي فهمته وآسفه لاني من زمان ماكتبت يعني المهم المغزى ..
السموووووحه
الله يحفظكم ان شاء الله

أ حس انكم مابتفهمون شىء خلاص اسألوني وأنا بجاوب خلاص :D2
كلنا يد وحده :clap:
الله لايحرمني منكم قولو آمين:smile:

الله يحفظكم ان شاء الله ويبعد عنا كل سوء ..
اللهم آمين
:up:

يالله ولا وحده ردت الله يسامحكم وانا محطيه املي في الله ثم فيكم ؟؟
انتو طلبتوا الموضوع وخبرته لكم بدون اي اضافات
المهم أبي همتكم
السموووحه

يعني أختي هو اسمر بس بالشكل يعني ولا قصدك من ناحية الأصل هو أسمر وضحي أكثر عشان اقول لك رأيي.

اختي ألم الشوق الحل عند الأخت عجييييييييييييبه

احنا سطحيييييييييييييين :pain:

هلا اختي أم أنوار....اللي عرفته ان أمه بيضه وابوه اسمر بس اهو يقول انهم مش سمر يعني والله هي نفسها ماتعرف....وللعلم هو ابيض واحد من اخواته...



مذهلة البحرين
ليش انا بعد ابي رايج انتي كل احد ليه وجه نظر ...خلاص الغاليه ماأبيج تزعلي...أوعديني كله ولا مذهله..

واااااااااااااااااااااااااااي أعضاء عروس كله تتهاوشون والله فضاقه.." ألطف الجو"" مبيد حشري :D2
أتمنى من بنات الامارات المشاركه بالموضوع

وكــــــــــــ الاعضاءــــــل
ماتخيبوا أملي فيكم:clap: