دكتور جلدية يا بنات

كيفي حلوة 19-11-2004 33 رد 15,147 مشاهدة
ك
السلام عليكم ورحمة الله وبركاته


كيفكم يا بنات ،،،


ما ابي اطول عليكم ممكن حد يخبرني عن دكتور جلدية زين لانه بشرتي كلهاااا حبوب:confused: بعد ما حفيته بالخيط ..

اتمنى اللي تعرف دكتور زين تقولي لا تتاخرووون علي الله يخليكم

وجزاكم الله كل خير اللي بترد علي
ا
:pain:
K
كيفي حلوة

والله انا توه داير على بالي اسال هالسؤال
وانا بعد والله ويهي كله حبوب بعد ما كان مختفي ومسوي لي ضيق وايد..


وانشاءالله الاخوات يفيدونا...



:shy:
ك
اختي غزل و Kind_Heart

مشكورين


وين خواتي ليش ما يردون علينااااااااا :confused: حرااام عليكم اللي تعرف دكتور زين تخبرنى بلييييييييييييييز
ك
:eek2:معقوله 64 وحده دخلت ولا قالت لي اسم دكتور


الله يسامحكم :confused:
ك
الله يسامحكم لو هب الحايه جان ما كتبت لكم



مشكورين :confused:
(
والله اختي انا اعاني من نفس مشكلتج عندي حبوب في ويهي

قبل كنت لو ظهرت حبة في ويهي تعجبت ليش ظهرت من كثر ما بشرتي صافية وحلوة لكن الحين كلها اثار للحبوب

وعن دكتورة جلدية خبروني عن دكتورة جلدية في دبي يقولون انها ممتازة موجودة في جميرا بس ما اذكر اسمها والله الحين بس هي ايرانية وايد يمدحونها وانا للحين ما صارت لي الفرصة اسير لها
بس ان شاء الله بييب لج اسمها

وممكن تسألين اهل دبي عنها لان على حسب ما سمعت انها مشهورة ومعروفة في دبي
ع
انا عندي حبوب بس مب واايد



و اللي اعرفه انه المستشفيات الحكومية يوم اتسيريلم يعطونج حبوب 6 شهور ويستوي جسمج صاااااااااافي ... طبعا اذا انتظمتي عليهم :cool2:

بس لازم تستخدمينم بانتظام وانا اخت اربيعتي استخدمتم ونفع ويااااها ..

ولازم اتكونين مب معرضة للحمل .. يعني مب مزوجة


أتمنى اني قدرت افيدج :smile:


وانا امفكرة استخدمهم اذا تمو الحبوب وما سارو لانه خواتي ايقووولوون بعدج صغيره على الحبوب يعني فالمرحلة لازم يظهر لج ..


أتمنى اني قدرت أساااعدج


عمق السكون:shy:
ك
(بنت البقيشي)
يا ريت تسالين عن الدكتوره وتردين علي بكون في انتظارج أختي



( عمق السكون )
بس اخاف استخدم الحبوب هذي لاني سمعت عنها تسبب العقم والله اعلم



الف شكر خواتي انكم رديتو علي

بارك الله فيكم والله يعطيكم الف عاااااااااافية
ص
مرحبا يالغالية

المهم ما ابغى اطول عليج

بس بقولج عن تجربتي مع الدكتور الجلدي

انا الحين اتعالج من آثار حب الشباب بجسمى و بويهى

بس بصراحة و يهى صار صافي وخالى من الحبوب بشكل ملحوظ

كل حد مدح بشرتى لأنها تغيرت 180 درجة

والحين مستمرة على العلاج لأن جسمى محتاج وقت علشان تخوز

الحبوب بس راح تحسين بتحسن كبير وتتشجعين انج تستمرين

مع علاجج

والدكتور هو ابراهيم الكلداري إلى في دبي

واذا تبغين تسألين عن اي شئ حياج أختى

واتمنى انج تستفيدين من ردود العضوات
س
أهلين.....

بالنسبه لمشكلة الحبوب ياما عانيت وعانيت.........وكم عيادة رحت لها ولاعندهم سالفة... وعطتني الطبيبة مضادات مرة توجع معدتي...

مع ذلك استمريت عليه.ولافاد........وأخيرا قريت بأحد المنتديات عن كريم للحبوب وجربته الصراحة النتائج مذهله(قولو ماشاء الله تراي ماصدقت على الله).......والله يجزاها خير واصفة العلاج وتقول إن الطبيب واصفه لها بعيادة ديرما بالرياض........

أما بالنسبه للحبوب اللي تقولين عليها أختي عمق السكون نسيت اسمها!!!!!
صح نتائجها إيجابيه بس بالمقابل لها نتائج سلبيه مررره......

أهمها.......
ماتحاولين تتركين العلاج
يسبب الإنتحار لأن حالتك النفسيه بتكون زفت..
يعطيك الدكتور توقيع إخلاء مسؤلية بسبب خطورتها
يمنع منعا باتا الحمل لمدة 6شهور بعد استخدام العلاج
أثناء استخدام العلاج بشرتك تبي تشقق من الجفاف وشفايفك
شعرك راح يتساقط
تنحفين مررره وتصرين سمراء مره


بس بالنهاية بتكون يشرتك صااافيه ومستحيل ترجع لك الحبوب.....

بس من يغامر
أنا الصراحه قلت هذا أخر حل بس أهلي رفضوا رفضا قاطعا بعد ماسمعو الأعراض..........

أختي صريحه.......ممكن سؤال وش اسم الحبوب اللي وصفها لك الطبيب.وآسفه على اللقافة.........


والحين الحمدلله مرتاحة مع الكريم اللي قلت لكم عليه
وهذي صورته تلقونه بالصيدليات...........
وعذرا على الإطالة ولكنكم فتقتوا الجروح ومعاناتي مع حب الشباب.......
ك
صريحة تسلمين اختي والله يحقق لك كل ما تتمنيين ياااااارب

بس ممكن ترسلين لي عنوان الدكتور على الخاص لو سمحتي


بارك الله فيج
ب
السلام عليكم ورحمة الله وبركاته

أنا بصراحه سمعت عن دكتوره في مستشفى النور أسمها دكتوره صبحيه خليل وايد يمدحونها ..

والسمووووووووووووحه
ك
سناالمجد

مشكوره اختي بس انتي كم تميتي تستخدمينه هذا الكريم .. يعني مفعوله سريع ولا .


بنت ليوا

مشكوره حبيبتي


مشكورين أخواتي والله يحقق لكم ما تتمنوووون يااارب


يعطيكم العاااااااااااااافية
ص
مرحبا

عزيزتى سنا المجد ردا على سؤالج

الحبوب هي مجموعة من الفيتامينات و أهمها فيتامين أ

وعطانى خلاطات من الكريمات هو إلى مسونها

والله يعطيكم العامية
D
الغاليه انا سمعت عن دكتور إبراهيم
الكلداري غنه أوكي.........
لكن بالنسبه لبوظبي روحي عند دكتور
إسمه سمير العلي :up: ومره سووا معاه
لقاء بتلفزيون بوظبي والكل يمدحه وريلي
عالج عنده حب الشباب ....... وكان يشتغل
في أوباجي لكن الحين بعياده ثانيه........
أ
انتي من بظبي

بعيد المكان عليج

اولا

لا تلعبين بالويه زيادة

لا تستخدمين غسول لحب الشباب لا تتعرضين لشمس وايد

لا تستخدمين الوكياج:up:
ك
مشكورين أخواتي الله لا يحرمني منكم يااارب ولا من ردودكم


بس شو رايكم اعلاج عند اوباجي تنصحوني به ولا لا

بنتظر ردكم
ر
اوباجي لا ولا اااااااااااااااااااااااااااااااااااااااااااااااااااااااااااا



سيري عند الدكتورة اليسار خوري في بوظبي


لكن اوباجي وسمير العلي ماانصح


وربي يوفقج
f
يمدحون الدكتوره سعاد لطفي

والدكتور ابراهيم كلداري
X