ولد العم (( أولــــى )) ببنت عمه !!

شيخــة المزاين 19-11-2004 16 رد 2,166 مشاهدة
ش



ولد العم (( أولــــى )) ببنت عمه !!
:down::down::down:

هذا اعتقاد سائد قديما بشكل كبييييييييييييييير ..
و الى هذه الايام هو سائد
بعض العوائل مازالت تعتقد به ..
ان ابن العم اولى ببنت عمه ...
و كثيرا ما تترتب عليه مشاكل كبيرة بين الاهل بسبب رفض الطرفين او احدهم ...
فالاطفال من و هم صغارا ..
فلان لفلانه
و فلانه لفلان .......


عندي كذا سؤال ...لكم انت أخي وأختي ونبي الصراحة


اخــي:
اذا صار معاك هالموقف ( قالوا لك تزوج بنت عمك ) ..
توافق علشان خاطر اهلك و عمك ..
و تفاديا للمشاكل ..؟؟
يمكن تحبها بعدين

اذا ماتبيها ...
شلون تتصرف بدون ماتجرح عمك او تضايق ابوك





أختـــي :

اذا صار معاج هالموقف ..
توافقين
و اذا ما تبينه شلون ترفضينه بدون مايزعل احد
( لا ابوج و لا عمج و لا ولد عمج )...

و اذا ولد عمج يبيج ..
بس انتي تعتبرينه نفس اخوج
او ببالج شخص ثاني



في احد صار معاه هالموقف ......؟؟

اذا كانت الاجابه بنعم
شلون تصرفتوا فيه ؟؟؟؟؟؟



أختكم في الله
شيخة المزاين



ب
مشالله موضوعك حلو :smile:

صار معاي انا

بصراحه الحمد لله ولد عمي محترم وكل الصفات الحلوه فيه ولله الحمد

وبعدين فكرت لو رفضته ايش بيصير موقفي قدام اهله

احسها عيب بس الحمد لله الي جاني واحد كويس ولله الحمد ويخاف ربه :cool2:

وادعوا لي :smile:

وولد عمي انا ماعتبره زي اخوووووي ابدا
في بعض الناس يقولون زي اخوي
لانو يككشفون على بعض وهذي العادات مو عندنا ولله الحمد
وماكان في بالي اي احد :cool2:
ا


السلام عليكم ورحمة الله وبركاته

مشكورة عزيزتي شيخة المزايين على الموضوع الطيب

وسيكون رأيي وموقفي بكلمة ... (( لا ))

ولكن عزيزتي من الممكن ان يكون رأيي لا يمت للواقع بصلة لأنني لم

أعش هذا الموقف ... وكما قال المثل (( اللى ايده في الماي مب مثل اللى

ايده في النار )) .... فيبقى جوابي جواب تلقائي وليس من منطلق تفكير

عميق وعيش تجربة خاصة ....

وانا ارفض وبشدة هذه العادة السيئة التي فرضها أبائنا علينا وأخذت

تستمر .. من هم حتى يحددوا مستقبل ابنائهم .. ولم تذكر في اعراف

ديننا الاسلامي العظيم ولم يحبذا الدين والشرع ... واعطى المرأة الحق

الكامل في اختيار شريكها في هذه الحياة

بارك الله فيك وسدد خطاك وعلى طريق الحق ودروب الخير نلتقي

العــــــتب
ر
الحمد لله احنا في عليلتنا ما أحد يجبر أحد وما عندنا مثل هذا المنطق يعني كل وحده حره في اللي تختاره

موضوع حلو
ش




أختي بنـ النور ـت
شكرا على مرورك ومشاركتك الطيبه
سعدت كثيرا لمشاركتك...
والله يوفقك دنيا وأخره ويسعدك يااااااااااااارب

أختي العتب
شكرا على مرورك ومشاركتك الأكثر من رائعه
وأنا معاج أن الأهل لازم مايضغطون على الأبناء
ويكون الهم حرية الأختيار لأن هذي حياتهم وهم الي بيعيشونها
والله يهدي الناس الي تفكيرهم بهذي الطريقه
لأن معظم هذي الطريقه كانت نهايتها حزينه ومؤديه للطلاق


أختي روزا
شكرا عزيزتي على مرورك الطيب
والحمدالله ان عائلتكم ليست مثل معظم العوائل
أتمنالج التوفيق من كل قلبي


أختك في الله
شيخة المزاين



أ
هلا وغلا بالغالية شيخــة المزاين

بالفعل عزيزتي ..انه اعتقاد سائد ..وللأسف يزعج الكثير منا ..

اما بالنسبة لسؤالك ..(اذا صار معاج هالموقف ..
توافقين
و اذا ما تبينه شلون ترفضينه بدون مايزعل احد
( لا ابوج و لا عمج و لا ولد عمج )...

و اذا ولد عمج يبيج ..
بس انتي تعتبرينه نفس اخوج
او ببالج شخص ثاني )

بالطبع سيكون ردي بالرفض ..

ومافي طريقة ما تخليهم يزعلون ..بس مصيرهم يرضون ..لأن هذا مستقبلي والرأي الأول من حقي انه يكون لي ..وبعدين هم يبون راحتي
وسعادتي ...وسعادتي في انهم مايفرضون علي شخص ويبوني أتقبله بكل سهولة ...

هذا صعب على كل وحده فينا ..وان شاء الله ماانحط في هالموقف ...

موضوع رائع غاليتي شيخة كروعة شخصيتك ..

دمت بخير ..

أختك ..أحزان ...
ش




أختي أحزان شاعريه

شكرا على مرورك ومشاركتك الطيبه
والأكثر من رائعه...
سعدت كثيرا بمشاركتك
وأنا أأيدج غاليتي...لأن هذي حياه طول العمر
مش يوم أو يومين...اذا زعلوا الأهل مصيرهم
مع الأيام ينسون ويعرفون ان هذا نصيب
وان الأنسان له حرية أختيار شريك حياته
هب شرط أني أخذ ولد عمي عشان أرضي الأهل

أختك في الله
شيخة المزاين



أ
والله هذا ظلم
ليش يعني يظلمونهم جييه حراااااااام

الحمدلله انا مفتكة ماعندي عيال عم كلهم صغااار :D2
وعندي عيال عمة بس كبار ومعرسين :cool2::cool2:
وبعدين حتى ولو صارلي هالموقف لازم ارفض واقول لاااء
ليش اظلم عمري مع انسان ما اباه واظلمه معاي حرااام :smile:
وشي ثاني المفروض الاهل ما يجبرون الولد او البنت على الزوااج
والمفروض يشيلون هالافكار المتخلفة من راسهم :down:


شيخة المزايين مواضيعج دايما حلوة وهاادفة
تسلميين حبيبتي ولا خلينا ولا عدمنا من مواضيعج الحلوة :smile:
ف
فعلا موضوع رائع


انا الحمد لله ان ما عندي عيال عم اعرفهم و يعرفوني لان انا في الكويت و عيال عمي في السعوديه يعني ماراح اشوفهم و لا راح يشوفوني و امي اساسا رافضة مبدا زواج القرابه و هذا شي مريحني :smile:


و دمتم سالمين :shy:
ش
السلام عليكم ورحمة الله وبركاته
اختى شيخة اشكرك على طرح هذا الموضوع
لانه يمس شريحة كبيرة منا ..
غاليتى بالنسبة لى نعم حصل لى هذا الموقف
ولكن اهلي لم يفرضوا علي ابن عمي على العكس
كانت الأولويه هي رأيي في الموضوع وانا رافضة
ليس لانه ابن عمي فية عيب او مشابه ذلك على العكس
انسان خلوق ومتعلم ... ولكن اعتبره وكأنه اخي
لذلك لا أستطيع تقبل فكرة انه زوجي .. هذا هو السبب
الذي جعلني لا اوافق ..ولله الحمد لم يتضايق احد
من عدم موافقتي سواءً اهلي او ولد عمي او اهله ايضاً
وها نحن نزور بعض وحبايب ... وما فيه غيم بالجو :D2
ولله الحمد ..بس تبين الصج افضل اتزوج من برا العائله :smile:
لكم اطيب التحايا
ا
تسلمين على الموضوع

وهذي العادات منتشره عندنا للاسف



انا الحمدلله ما تعرضت لمثل هااي المواقف :up:




بس احب ابدي رايي:shy:



مممممممممم اذا قلت لا اقوولهم اسبااب وبكل صرااحه



عشاان يراعون وما اعتقد في اهل يرضوون على تعااست بنتهم بيزعلون في البدايه بعدين بيتعودون على الموضووع


وقوم عمي بيتقبلوون الموضوع لان ما بيننا حواجز ويعتبروني بنتهم واقرب الناس لاناا



انا اختي نفس الحاله بس ما قالت لا لان مافي اسبااب تمنع بس اذا في ولو سبب بتقول


والي فيه الخير يصير ان شاء الله :up:
ع
بالعكس يابنات

ليش الموضوع يضايقكم

مع اني اشوف انه ممكن تحبين ولد عمك

اكثر لانك عشتي معه طفولتك وتعرفينها زين

انا عن نفسي ايد الموضوع

خاصة اذا فيه حب عفيف بينك وبينه شلي يمنع

انك تتزوجينه واذا كان انسان شاريك وملتزم ويخاف ربه

اغلب اقاربنا متزوجين بنات عمهم وان شاء الله اكون واحدة منهم

بس نصيحتي لا تعلمينه بعد الزواج انك كنتي تحبينه

احسن
ش




أختي بنفسجة العين
مرحبا ملاين بي بنفسجية العين (سنسوجا امبااااااع)
:cool2:
مشكوره على المشاركه الحلوه
وأفتكيتي أن ما عندج عيال عم كبار والباقين معرسين
:D2:D2:D2
كلنا في الهوااااااااااء سوا
استانست بوجودج ومشاركتج
:up:


أختي فاتنة العرب
شكرا على مشاركتك ومرورك الطيب
والله يوفقك يارب دنيا وأخره


أختي شجونه الحلوه
مرحبا بشجونتناااااا الحلوه نور المكان
:smile:
الحمدالله أن أهلج متفهمين وأن ولد عمك أتفهم الموضوع
وانشالله الكل يكونون بها الطريقه لأن هذي هيه الطريقه الصح
والي لازم كل الناس تستوعبهاااااااا


أختي احساس انسانه
شكرا على مشاركتك الحلوه
والله يوفقج دنيا وأخره ياااااااااارب
:up::up:


أختي عاشقة الحرم
شكرا على مرورك ومشاركتك الرائعه
وأنا معاج في هالنقطه اذا كان ولد العم أخلاقه زينه
وأن البنت تباه بس اذا كانت البنت تحس انه مثل أخوها
وتربواااا مع بعض فهذا لا يمنع البنت اذا رفضت ويجب
على الأهل ان يحترموا رايهاااا لأنها هيه عارفه مصلحتها


أختكم المحبه
شيخة المزاين



ا
الثلام عليكم
انا ابغي اقول رايي
انه ولد العم مب مجبور ياخذ بنت عمه ولا بنت عمه كذالك بث الاهل واعتقاداتهم انه النت اولى حق ولد عمها وعثان الحلال لا يطلع برع وياخذة الغريب
بث وااااااااااااااااايد مثاكل تصير من هذا الزواج واذا صار بعده طلاق ياول اللي يقول ابغي اثير بيت عمي
الله يثتر
ثانكيووووووووووووووو
:pain: مثكلة اللي يتفلثفووون
ش
:smile:
أ
السلام عليكم ورحمة الله وبركاته..

الحمدلله ان ابوي مب مؤيد فكرة الزواج من ابناء عمتي..
واذا كان مؤيد كنت بوافق بشرط انه يكون صالح ومحترم ويصلي :up:
وقبل الملجه بسوي تحليل دم عشان avoiding ان الجنين يطلع مشوه..

بس الحمدلله انا متزوجه:shy: واتخبل على زوجي واحمدالله واااايد انه زوجي كان من نصيبي.. تزوجته عن قناعه ولين الحين مقتنعه والحمدلله والا مره ما ندمت عليه..
ب
اختي شيخه المزاين
المشكله مو في اني اقبلو ولا لاء
المشكله لو كان كبير مره عني ومتزوج وعندو عيال ويقول اني اولى ببنت عمي
هنا بتكون المشكله

والله لايحطنا في مواقف زي دي:cool2:
X