هل اتزوج متزوج ؟؟؟

الاخت فطيم:)

الاستخارة لا بأحلام و لا بأحاسيس....


الاستخارة بالتيسير


لو بالاحاسيس.... جان صارت علوووم:)

السلام عليكم

مشكوريين والله خواتي وماتقصرون .. والله استانست يوم شفت ردودكم .. والصراحه فتحتو عيوني على اشيا وايده .. وشكلي بغير رايي خلاص


قلوووووووب
تسلمين اختي على نصيحتج .. ومثل ماكتب قبل ربيعتي قالتلي بعد اني بحلم في الشي .. بس حسب ماقريت من ردود الخوات ... مب شرط اني احلم هو مجرد تيسير ايي من الله والا يستوي شي وما يكتمل ونعرف ان مب في صالحنا ...




نبع الوفاحبيبتي ريحني ردج .. وصدق بديت افكر بالاشيا اللي ممكن تستوي عقب ..... امي ما اقدر اناقشها..لانها رافضه بقوه .. وانشاءالله بستخير كمن مره .. وحاليا انا غيرت رايي



جمر الحزن

بس من خلال قرائتي لموضوعج حسيت إن وراء هذا الإختيار إحتمالين((

الأول: تحسين بنقص في الحنان لأنج يتيمة و خايفة من باجر و مب حابة تفرطين بولد عمج إللي لو ما حبج"لا سمح الله" ما راح يظلمج بسبب القرابة..... إنتي هذا اللي تقصدينه؟؟؟

الثاني: إنتي في الأساس تحبينه و عاجبج في كل الأحوال سواء متزوج أو لا....... ))

كل اللي قلتيه صح وهالشي اللي خلاني احتار .. الاهل يمدحونه ويمدحون اخلاقه .. حتى ابويه الله يرحمه كان يحبه اكثر واحد من اخوانه لانه عاقل ومدين .. فقلت اذا رفضته اخاف ما ايني واحد مثله .. واذا وافقت ابلش عمري في مشاكل خصوصا ان حرمته من الاهل بعد .. والحمدلله الخوات ما قصرو .. نبهوني على اشيا ماانتبهت لها



فطيم-19 الحرمه وايد متعبتنه .. والكل يدري .. ودوم دوم مشاكل مبينهم ... هو مايبا يطلقها لانه عنده اطفال .. بس يبا يعيش مرتاح .. عشان جيه يفكر يبا يتزوج



فتاة مسلمهتسلمين عزيزتي عالنصيحه .. وانا مب مستعيله عالزواج .. بس مثل ماقلت قبل شو اللي يضمن لي القى مثله .. بس خلاص الحينه انا غيرت رايي وبعد بستخير وبشوف.




Rhma

الصراحه ما احس الزواج هدم للبيوت .. الا اذا كان الريال ما يفكر في الزواج وسعيده ويا اسرته .. ويت وحده ثانيه ولعبت بعقله لين ما خلته يتزوجها ويتبعد عن اهله .. هذا اسميه هدم بيت ..



جمر الحزن
الله يسمع منج .. ويحفظلي امي واخوي ويطول بعمارهم .. آمين



اعناب
صح كلامج والله .. مب كل الرياييل يهمهم الشكل .. واكبر دليل عليه .. ان زوجته احلى عني بس متينه .. بس بعد احس الجمال مطلوب




Mayana ياريت عندي اخت مثلج


تسلمين حبيبتي الصراحه ردج هو اكثر واحد خلاني افكر وافكر وافكر ... لين ما غيرت رايي .. صح اني غيرت رايي بس بستخير كذا مره عشان ارتاح
...

((و بعدين تعالي....


منو قالج انج خسفة؟؟؟


انتي ما عندج ثقة بنفسج

و هذا الشي مأثر عليج وااااااااااااااااااااايد))

تبين الصراحه ... ثقتي بشكلي شبه معدومه .. واضن سببها هي امي .. صح مب زين الواحد يقول عن امه جذي بس هذا اللي انا حسيته .. لانها دوم تقولي انتي مب حلوه وتقارن شكلي ببنات ثانيات وحتى اذا لبست شي تقولي لو كنتي امتن او ابيض بيكون حلو عليج .. وحتى اخويه اللي اصغر عني سمعتها مره تقارن بينه وبين ربيعه .. مع ان اخويه احلى عنه ... يوم طلع اخوي قلت لها حرام عليج ليش قلتي جذي اخوي وايد احلى عنه.. قالت انا اقول جذي عشان يهتم بشكله ويسمع كلامي ويعالج حب الشباب اللي في ويهه .. ساعات احس كلامها صح وما الومها لانه ماشاءالله عليها حلوه واهلكم كلهم فيهم جمال .. وساعات احس كلامها يأثر تاثير سلبي عالنفسيه ...




Deira
الغاليه.. اضن انج تلخبطتي انا عمري 20 وعمر ولد عمي 29 .



ومره ثانيه مشكورين كلكم على ردودكم .. ومثل ماقلت انا غيرت رايي .. بس بستخير بعد عشان ارتاح وبخبركم شو استوا



اختكم
احب عيمان

كاتب الرسالة الأصلية : rhma
أخـــــــــــتي في الله توكلي على الله واستخيري ولو كان في نصيب راح تاخذينه وتذكري ان اللي يقولون ان راح تهدمين بيت وله شي هم اللي هدموا المجتمع وصار عندنا بنات وايد عاطلات عن الزواج بس علشان ما نهدم بيوت من العنكبوت ........................

وبعدين الرجال مثل مااقلتي اختي .. عايش في مشااكل مع زوجته

الحين يبغى يشووف نفسه .. ولقى رااحته وسعاادته معااش

اذا بتاخذيه حطي في بالش انه به عياال من غيرش وزوجه

واهتماامات لهم .. يعني مو تزعلين وتضاايقي على اقل شيئ واتفه

الاسباب .. ولاتنسي العدل .. اذا مااشفتيه عدل بينكم ..

يعني عطاش اكثر منها .. قولي اله .. ذكريه ..

حتى تصير حيااتش سعيده وتكوني مرتااحه ..

استخيري وتوكلي على الله .. الله يكتب اللي فيه الخير ..

طمنينا .

تحيـــــــــــــــاتي ..:smile:

تحياتي ..:smile:

السلام عليكم ورحمة الله وبركاته

شكلي جايه على الموضوع متأخر :o

بس أتفق مع رأي أختي نبع الوفا ...هو نفس رأيي في الموضوع...

الله يهديكي و يسخر لك الخير أختي...

و طمنينا عليكي دايما...

انا مع الأخوات انج تنتظرين شوي

و بعدين اهو ليش يبي يتزوج ؟؟؟

شوفي اختي العزيزة

الزواج قسمة ونصيب واذا الله كان كاتب لج تاخذينه بتاخذينه بتاخذينه حتى لو كان متزوج وعنده عيا ل وانتي تقولين انه ما عليه زود يعني يقدر يلعب اويتزوج بدل الوحدة عشر بس

اعتقد انج اولى من الغريب ومادام ما مرتاح مع زوجته اكيد بيروح يدور راحه باله مع وحده ثانية سواء كنتي انتي او غيرج

عشان جذي استخيري ربج وما عليج من كلام البنات لانهم بعدهم صغار وما يفكرون بالموضوع من جوانب عده لان عمره مناسب حق عمرج وانتي مب صغيرة 20 لان هالسن هو سن الزواج للبنت واذا نطرتي كم سنة ما اعتقد الخطاب بيزيدون ولا تنسين ان امهاتنا تزوجوا واعمارهم اقل بكثير من عمرج


فكري بالموضوع مرة ثانية ولاتتاثرين بكلام البنات لانج انتي اللي بتتزوجين وانسى لفترة انه متزوج وفكري باشياء ثانية كايجابياته اكثر ولا سلبياته واهم شي تكونين انج مرتاح نفسيامعاه وانه هو اللي بيسعدج بغض النظر اذا كان متزوج ولا لا!!!؟؟

هلا اختي
انا مع ام ناصر2000

ومادام ما مرتاح مع زوجته اكيد بيروح يدور راحه باله مع وحده ثانية سواء كنتي انتي او غيرج

استخيري ربج والله يوفقج
واهم شي في الزوج
اذا احبها اكرمها واذا كرهها لم يضلمها فاضفرو بذوي الخلق والدين

صلي استخاره


واذكري انك بتبني حياتك

على انقاض حياه ثانيه

واحتمال يحن للقديمه

خلي كل هذا في بالك قبل لاتخطين اي خطوة

اولا اختي مافي مشكلة في انه متزوج الرسول عليه الصلاة والسلام قال من ترضون دينه وخلقه ماقال شاب مو متزوج ومن كلامك انه انسان صالح وشاب وسنه مناسب لسنك توكل على الله واستخيري والله يكتبلك الى فيه الخير

الغاليه الإستخاره مب حلم ولا إحساس
الإستخاره هي في تيسير الأمور
يعني إنتي إستخيري وكلمي الوالده وحاولي
كل الوسائل اللي تقدرين عليها وإذا شفتي إن
الموضوع مب متيسر وإن الله مب رايد خلاص
إنسي الموضوع وإنشاء ربي بيعوضج باللي أحسن عنه...

اختي...
انتي للحين صغيره...وتو الناس لا تستعجلين .....فكري كثيييييير قبل لا تقدمين علي هالموضوع...والله يكتبلك اللي فيه الخير...

السلام عليكم



انا خلاص رفضته وانتهى الموضوع





ادعولي بأن الله يعوضني بواحد مثل اخلاقه وصفاته بس مو متزوج

اللهم يافارج الهم وياكاشف الغم ياربنا ورب كل شي ومليكه سبحانك تباركت وتعاليت اللهم اني اسالك بانك انت الله الواحد الاحد الفرد الصمد الذي لم يلد ولم يولد ولم يكن له كفوا احد اللهم فرج كربة أختنا (أحب عيمان) واكشف غمتها وارزقها من حيث لا تحتسب الله باسمك الوهاب الرزاق أرزقني وارزق أخواتي باالزوج التقي النقي انك على كل شي قدير



حبيبتي اذا انتي فاضية.... عليج بقيام الليل... و قراءة سورة البقرة... و ادعي ان الله ايزوجج بالانسان إلي يستحقج


و صدقيييييييييييني.... الله ما بيخيب ظنج

و اكثري من الاستغفار.....

الله بيعوض صبرج هذا بشي احسن من إلي اتوقعتيه

الله يحفظج

الله يوفقك ياارب ...

بصراحة مدري أيش أقول ... صح الامر محير لش أكيد ... بس كل شخص له وجهة نظر مختلفة ... وأحيانا الظروف تحكم ....


يعني الخلاصة يا عسل ... :smile:

أستخيري ... وأن شاء الله تتزوجي أحسن رجال بالعالم كله ......


:shy:


تحيااااااااتي


توووووووووتة

أوبس :o


الحين قريت ردش بأنش رفضتيه ....


الله يعوضش خير منه يارب ... :up:


تحيااااتي

توووووووووتة

و اتذكرت شي بعد....

انا إلي اتقدمولي و انا في عمرج كانوا يا مطلقين او متزوجين.... يتني حالة احبااااااااااااااااط..... من شهرين بس... اتقدمالي واحد مش متزوج.. و اخلاقه رااااااااااائعة... و اهله ناس طيبييييين..... و جامعي ...... يعني كلللل المواصفات إلي انا اباها


اهلي رفضوا!!!!!


ليش؟؟


لأنه مش أصل


احتررررررررررررررررررقت من داخلي


و لين ألحينه احترق

لأن عمري ألحينه 26... و على نهاية السنة بيكون 27!!!!!

متخيلة هالشي!!

إلي بس اسويه ألحينه... استغفر وايد... اقرا سورة البقرة.... و احاول كثر ما اقدر اصلي القيام.... عسى ربي ايعوضني

لا تعتمدين على البشر... لأنهم بيخيبون ظنج... اعتمدي على ربج... لأنج لو فعلا اعتمدتي عليه..... بيعوضج بشي ما بتتخيلينه

و انا انتظر الفرج.....

لا تزعلين و لا اتشيلين هم.... دام انج مستشعرة بوجود الله في كل خطوة تخطينها..... صدقييني.... الخير بييج من كل جهة




اختج إلي حاسة فيج

انت بعدك صغيره لا تستعجلي العمر عندك بس الافضل تفكري وتشوفي رأي الكبار وإذا انتي مقتنعه فيه خلي اهلك هم يقرروا وإذا كان نصيبك راح تاخذيه مهما كان رأي الكل

انا اقول توكلي علي الله وصلي استخاره والله يجيب كل الخير وقولي لنا اخر الاخبار

:up::up::clap::clap::clap::clap::clap::clap::clap::clap::clap::clap::clap:
الحمد لله طمنتيني عليج يا رببببببببببببببببببببببببببببببببي زوج إختي الزوج الصالح إللي هي تبيه و إصلح لها شأنها كله ... اللهم اَمييييييييييييييين

الحمد لله طمنتيني عليج يا رببببببببببببببببببببببببببببببببي زوج إختي الزوج الصالح إللي هي تبيه و إصلح لها شأنها كله ... اللهم اَمييييييييييييييين

الحمد لله طمنتيني عليج يا رببببببببببببببببببببببببببببببببي زوج إختي الزوج الصالح إللي هي تبيه و إصلح لها شأنها كله ... اللهم اَمييييييييييييييين
:up::up::up::up::up::up::up::up::up::up::up:

الله يوفقج يالغاليه بابن الحلال وحن وياج ونا مشكلتي مثل الاخت Mayana بس انا اصغر بسنه وكله خيره والله يوفقنا باللي يرضاه لنا


آآآآآآمين