بنات ابي مساعدتكم خصوصا اللي مسوين عملية انانبيب او تلقيح مجهري

السلام عليكم ورحمة الله وبركاته

و الله أختي ريهـــــام أنا ما عندي خبرة في هذه العملية...

بس أدعي لك من كل قلبي الله يسهّل لك أمورك يا رب و يرزقك بالذرية الصالحة إن شاء الله اللي تسعدي بيها إنت و زوجك قريبا إن شاء الله...

و ما ذلك على الله ببعيد أختي...

أدعي لك من كل قلبي الله يسهّل لك أمورك يا رب و يرزقك بالذرية الصالحة إن شاء الله اللي تسعدي بيها إنت و زوجك قريبا إن شاء الله...

و ما ذلك على الله ببعيد أختي...

السلام عليكم ورحمة الله وبركاته

(u)(u)أختى العزيزه ريهام (u)(u)

إلى أعرفه إن الدكتور يقول تمارسين حياتج اليوميه

طبيعى بس بدون إجهاد نفسج

لانى اعرف حريم يسون العمليه ويروحون دواماتم

وفى ناس يسون العمليه ويروحون بالسياره لمدة

ساعتين أحيانا":smile:

الراحه أختى مطلوبه بس مش لهذه الدرجه :rolleyes:

الله يرزقنا جميعا" إن شاء سبحانه

:flower: :flower: :flower: :flower: :flower: :flower:

تمنى لك الشفاء العاجل وان يرزقني واياك وجميع اخواتي المحرومات الذرية الصالحة ..

وانشاء الله البنات ما يقصرون لك ....

يارب ترزق كل محرومة
وما تشوفين شر والله يقومج بالسلامة ويرزقك بالذرية الصالحة

مشكورين على مروركم ودعواتكم لي ويا ربي ترزقني وترزق كل محرومه واتمنى من الاخوات الباقين يردون علي

بسم الله الرحمن الرحيم

وعليكم السلام ورحمة الله وبركاته

مرحباً بكِ غاليتي

رزقكِ الله بالذرية الصالحة إنه على كل شيء قدير

الحقيقة أن التلقيح المجهري وأطفال الانابيب يعتبر مثل الحمل العادي لا يتطلب راحة زائدة هذا حسب معلوماتي التي أخذتها من استشاري أطفال الانابيب الذي كنت أتعالج لديه لأني في كل مرة أعمل طفل أنابيب يفشل وعندما سألت الطبيب عن سبب الفشل وفيما إذا كان الحركة فنفى ذلك وبشده ولكن بما أن الطبيبة التي تعالجك نصحتكِ بذلك فعليكِ اتباع أوامرها وأعتقد تجنبي النوم على البطن وصعود الدرج بكثرة والجماع ما عدا ذلك مارسي حياتك الطبيعية

اللهم أكتب لها الخيرة من أمرها

أختكِ

المرتحله

الف شكر لك اختي المرتحله ويا رب يرزقني واياك الذريه الصالحه

السلام عليكم ورحمة الله وبركاته

اسمعي كلام الدكتور ونتبهي على حالك......و الله يرزقك و يرزقنا بالذرية الصالحة

شلونج وان شا ءالله بخير

اعتقد ان الطريج اللي الحين تمشينه يشبه طريجي اللي الحين امشيه وهو اني ما اقدر الحمل طبيعيا لان زوجي يحتاج علاج فلذلك علينا بالتلقيح الصناعي وشكلي فلست منه والحين متجهه لطفال الانابيب والحقن المجهري

بس بقولج تعليمات في امريكا وحده اعرفها عملت الحقن المجهري واطفال انابيب فقالوا لها الراحه التامه لمده اسبوعين وكذلك الاكثار من شرب الماء والحليب تقول لي درجه ان كانوا يحطون جنبي بطل كامل ماي ويغصبوني اشرب تخيلي

ويوم اسألت الطبيب قالها من الضرووري اللي تعمل اطفال انابيب او تلقيح مجهري تشرب سوائل كثير وخاصه الحليب والماي

والحمد لله احملت :up:

والعلم عند الله ليش

وكذلك اهيا ارتاحت عندهم بالطبيب طول هذه الفتره يعني الاسبوعين

وانا انصحج انج تسمعين كلام الطبيبه و الدعاء

واذا كنتي خايفه من النومه ابتعدي عن النوم على البطن ونامي عادي


والله ايسر لج ولي ولجميع المحرومات والليماشي في هالدرب يااااااااااارب ويرزقنا قريب يارب العالمين اللهم امين

مشكوره اختيgis عى المرور
وانتي اختي غرابه الف شكر لك اخيرا لقيت احد يفهمنى ومشترك معاي في نفس الشيء وماشى على نفس الدرب
اختي انا فعلا ظليت بالمستشفى اسبوع وكانوا يطلبون منى اشرب ماي عصير المهم اشرب سوائل كثيره بس قبل لا اطلع من عندهم كانت عندي دوخه وكنت ما اقدر امشي وكنت اب اروح عزك الله (للحمام) وما قدرت انتظر ليما الممرضه تجي فرحت بروحي ويا ليتني ما رحت تدرين اش صار من كثر الدوره اللي فيني طحت وضرب راسي في الباب الحديد وكانت الطيحه قويه لدرجه انهم خيطوا راسي خمس غرز علشان كذيه كنت متوقعه فشل العمليه والحين بعد فتره راح اكررها مره ثانيه احتمال بعد عيد الاضحى ادعيلي انه الله يوفقني ويرزقني ويرزقك ويرزق كل محرومه
اختك ريهام

الله يوفقك يا ريهام أنتي و غرابه

و يا رب تقر عيونكم بالذرية الصالحة الحافظة القرآن يا رب

اهلا اختي ريهام وان شا ءالله يارب هالمره تكون افضل من اللي قبل وما تدرين شنو الخيره في طيحتج ان شاء الله خير لج يااارب المره الجايه

ويارب نتوفق يارب فيها

وانا احتمال اعملها هالشهر او اللي بعده الله اعلم براجع الطبيب واشوف ماادري متى يحدد لي

بس ما لتي لنا ريهام شنو الاستعدادات اللي لازم تستعد فيها المقبله على اطفال الانابيب ؟؟

والله يوفقج ويرزق ك محروم من حيث لا يحتسب يااارب



ومشكوره فوانيس والله يرزق الجميع بالذريه الكامله الخلقه والخليقه



ننتظرج ريهام

عندي صديقتي مسويتها المهم لازم الراحه وبعد لحياء في العلم عند الدخول عزكم الله للحمام اهم شي مايكون لاسهال ولا امساك لان الدفع ماهوزين اوكي وبعد اراحه ووضع خديات تحت الرجول تكون ناعمه وماهي مرتفعه وايد اوكي وعدم اكل الفلفل والاشياء الحاره ويكون الاكل دافي وشرب الحليب بارد وعدم الصياح بصوت مرتفع والخوف الزايد وراعي نفسك خلال الفتره الاولى من الي 15 يوم بعدين سوي تحليل وخبرينا بن النتايج وراسليني علي الخاص لاي معلومه اخري وخبريني ايج صاير معاج وبالتوفيق وادعي الل في الثلث الاخير من اليل ولاتنسيني من دعاج

هلابنات انا نفس الشى سويت تلقيح مجهرى من سنو تقريب لاان عندى ضعف وماصار شى وقالتى الدكتوارة انى لى فرصة بعد ست شهور وطنشت الموعد والى سويتة انا نزلت وزنى 27 كيلو وراحتلة هالااسبوع وسويت تحليل كاملة والحمد اللة اطلعت كلة زينة حتى الصعف تعدل مش مثل قبل بس تدروين ايش الجديد ؟؟؟
طلع معاى هرمون الحيب مرتفع شوى على كلامة وخذت منى تحليل ثانى علشان تتاكد وبعدة راح تسويلى التلقيح المجهرى ؟
بس بغيت اسال عن الهرمةن الحليب ايش الحل معة وايش عطوج وهل ينتهى مع العلااج ولا لا ؟
وبغيت اسالك سؤال ثانى انتى فى اى مستشفى راح تسوسن التقليح ؟



بس نسيت اقولج بعد ماسويت التلقيح العام قالتى الدكتوارة حولى ترتحين وترفعين رجلك شوى بس مش طول اليوم لاا بعد فترات وتقدرين تقعدين عادى بس اهم شى لاترهقين نفسك .


ومشكور.

[QUOTE]كاتب الرسالة الأصلية : غرٌِابه
[B][FONT=Tahoma][COLOR=crimson]

اهلا اختي ريهام وان شا ءالله يارب هالمره تكون افضل من اللي قبل وما تدرين شنو الخيره في طيحتج ان شاء الله خير لج يااارب المره الجايه

ويارب نتوفق يارب فيها

وانا احتمال اعملها هالشهر او اللي بعده الله اعلم براجع الطبيب واشوف ماادري متى يحدد لي

بس ما لتي لنا ريهام شنو الاستعدادات اللي لازم تستعد فيها المقبله على اطفال الانابيب ؟؟

والله يوفقج ويرزق ك محروم من حيث لا يحتسب يااارب



ومشكوره فوانيس والله يرزق الجميع بالذريه الكامله الخلقه والخليقه


هلا ومرحبا باختي غرابه
الله يسمع منك وبعد يقولون كل تأخيره وفيها خيره
شوفي ياختي انا احتمال اعملها بعد عيد الاضحى اذا ربك اراد لانه الشهر الجاي اكون كملت ست اشهر وعندي مراجعه بتاريخ 11من الشهر القادم على اساس نبتدي العلاج ونشوف متى راح تحدد لي وان شاء الله نتوفق انا وانتي وكل اخت محرومه
وبالنسبه عن الاستعدادات راح اقولك من البدايه اول شيء كنت انا اراجع حق هرمون الحليب عندها واول ما ضبط استمريت على الحبوب بالاضافه الى حبوب ثاني يساعد على فرص الحمل واللي اهو فوليك اكسيد بمعدل حبه في اليوم وقالت لي استمري عليها وبالفعل ضليت مستمره عليها وعطتني موعد علشان نبتدى العلاج بالابر واهو من اول يوم الدوره الشهريه وراح تكون الابر على نوعين اول ثلاثه ايام ابر في الكتف بس واستمر عليهم سبعة ايام ومن اليوم الرابع نبتدي ابر في الفخذ ولمدة ثلاثة ايام وراح يكون عندي موعد للفحص عندها يوم سابع من الدوره الشهريه على اساس تسويلي التراساوند علشان تشوف حجم البويضه
واذا كان الحجم اوكيه تعطيك موعد علشان ابرة التفجير واللي قبلها راح توقف لك الابر الثانيه وتعطيك راحه يوم بعدها تكون ابرة التفجير ولازم تكون بموعد ووقت معين يعني انا اخذتها يوم الاثنين بالليل الساعه 12 ويوم الثلاثاء راحه ما فيه شيء بس وصتني انه انام بدري واتعشى قبل الساعه10 ومن بعد الساعه10 ما فيه لا اكل ولا شرب وهاذي الشيء لي وزوجي هاي الكلام يوم الثلاثاء لانه الاربعاء موعد العمليه ووصتني انه اول ما اقعد الصبح قبل لا اروح المستشفى لازم اسبح بماي بارد واروح لها وانا صايمه طبعا صوم من يوم الثلاثاء الى ان تخلص العمليه هاي الاستعدادات كلها
الحين راح اقولك ايش صار بالعمليه طبعا الوقت اللي كنت صاحيه فيه قبل البنج دخلنا انا وزوجي المستشفى الصبح وحتى قبل لا يوصلون الممرضين واول ما دشينا بعدنا بخمس دقايق وصلوا الممرضه والممرضين على طول دخلونا عندهم في غرفة العمليات لبسنا اللبس وقالت ارتاحوا ليما توصل الدكتوره وبالنسبه لي حطت في ايدي غرشه نفس الدواء ولما سئلت الممرضه ليش قالت علشان البويضات وبعد علشان تساعدك تتخلصين من اي شيء في جسمك عزك الله (البول) وطبعا خلصت الاولى وحطت الثانيه طبعا هاي السالفه خذلها ساعه وزود وفي هاي الفتره خذووا زوجي وسووا له العمليه وخذوا الخزعه اللي فيها الحيوانات وما خذله وقت وايد بدليل انه خلال ربع ساعه اهو طالع من عندهم واهو مبنج كامل ولا يدري عن شيء وانا انتظر على الساعه 9 وصلت الدكتوره وقالت لي الممرضه روحي الحمام الحين وبعدها دخلت امشي الى غرفة العمليات برجلي واول ما دشيت شالت الغرشه اللى في يدي وحطت لي بدلها البنج وعلى طول حست بدوره وما دريت عن شيء هاي اللي صار معاي من اوله الى اخره وطبعا بعد ما اخذت البويضات نمت عندهم لانه شالت بويضات كثيره منى وقالت احتمال تصير مضاعفات مثل انه ينتفخ بطني او اي شيء ثاني وظليت يومين عندهم الى يوم ترجيع الاجنه وفي هاي اليوم رحت لها وطبعا بدون بنج عادي كانها تسويلك فحص ترجع الاجنه بس بتحسين بوخز خفيف بعدها حطوا وساده تحتي وخلوني نايمه ساعه بعدها رجعتني الجناح وقالت لي لازم تظلين يوم معانا وبكرا راح تطلعين وصار الي صار طحت والباقي قلت لك عليه ووصتني انه اكل لحم وسمك ودجاج واشرب سوائل كثيره وابتعد عن البهارات وارتاح فترة اسبوعين وبعدها اسوي تحليل ونشوف النتيجه ولما سويت فحص طلع ما فيه حمل وكررت الفحص بعد اربع ايام وبعد مافيه وهنيه قالت اوقف حبوب الفوليك اكسيد وعلى فكره نسيت شيء اللى اهو من اول يوم يشيلون البويضات يعطونك تحاميل مهبليه وتواصلين عليها الى نتيجه الفحص ووظيفتها انها تثبت الحمل اذا كان فيه وتساعد الرحم على استقبال الجنين واذا طلعت نتيجة الفحص توقف التحاميل وتقولك انه بعد كم يوم راح تنزل عليك الدوره وراح تكون ثقيله مع الاالام وفعلا هاي اللي صار
اتمنى اني اكون كفيت ووفيت واذا فيه اي سؤال في بالك او بال اي وحده من الاخوات تتفضل وانا راح ارد عليها
اختك ريهام

هلا وغلا باختي ام زعل
شوفي يا اختي الهرمون انا نفس الشيء معاي والدكتوره وصفت لي حبوب اول شيء كان الدبروجين بس بعدين غيرته لانه ما ناسبني كلش وغيرته الى حبوب الدوكستين ولانه سعره غالي عندنا بالبحرين طلبت منها تغيره لي والحين اخذ حبوب بارادول وناسبني ونزله الى المعدل الطبيعي وطبعا مثل ما خذيتها بتدرج يعني بدت فيه نص حبه الى ان وصلت الى حبه الى ان قالت لي الدكتوره خلاص الهرمون طبيعي الحين وما يحتاج تاخذين الحبوب ووقفته لي والحين من شهرين هاي الكلام وعندي تحليل الشهر الجاي علشان اتاكد انه مازال طبيعي وبعدها عندي موعد معاها علشان ابتدي العلاج علشان العمليه
وانا العمليه سويتها في المستشفى العسكري عند الدكتوره موزه
ونسيت اقولك الف شكر على مرورك على موضوعي وترى يام زعل كلامك صح بالنسبه عن الراحه وقولي معاي يارب نتوفق في هاي العمليه ونشوف عيالنا انا وانتي وكل اخت محرومه
اختك ريهام

الف شكر لج ريهام وكفيتي ووفيتي والله يكتب لنا يااارب في كل خطواتنا خير والحمد لله على كل حال الخيره فيما اختاره الله

وان شا ءالله نشوف الخير ياارب قريب

ولنا ان شا ءالله لقاء قريب

امين انشاء اللة ياريهام .
انا انشاء اللة راح اسوى التلقيح هالشهر بس انا مش عند موزة لاا عند هدى شريدة .