للبحرينيات (ضروري)

هلا أختي ... ومبروك الزواج وعسى الله يتممه بخير وعقبالج اذا انتي للحين عانسه وووووي قصدي آنسه مثلي :D2 :D2....


بما إنج مصره على مكان واحد للمكياج والشعر ... فأنا اقترح عليج 3 محلات تكون اسعارهم معقوله وشغلهم حلووو ومرتب ومكانهم بالمحرق طبعاً عندج

1. صالون نسيمه

2. صالون خوله

3. صالون لولو


وإذا تبين اشويه غالي وشغلهم اكيييد بروفيشنال عندج

1. صالون الريجنسي

2. صالون الشيراتون

مشكوره اختي على ردج..

لكن انا بغيت واحد من هالثنين.. لانهم مدحوهم لي وواثقه من شغلهم بس مادري اي واحد احلى لاني ما جربت الا العفراء و من جمن سنه يعني مادري احين شلون شغلهم..

يعني ابي يالعفراء او فردوس اللي في المعارض..

و بنت خالتي تبي تسألكم عن صالون آنسه البحرين و يقولون عنه اوكي.. بس احنا و لا قط جفنا شغلهم..

انتو شنو رايكم..

بليز ردوا..

مشكورين :)

اختكم..

قرقيعان

السلام عليكم

بالنسبة لصالون الفردوس انا ما جربت عندهم بس رفيجتي راحت لهم في خطوبتها وطلعت حلوة وايد 0 يعني شغلهم كان عدل

انا جربت صالون العفراء في ملجتي سويت شعري ومكياجي عندهم وكنت مجربته مرتين من قبل0والكل قال لي اني تغيرت وايد وان مكياجي وايد حلو يعني حطت لي مكياج بس طريقة لبناينة0 انا قلت لها ابي جذي اللي مكيجتي كان اسمها صفاء0واللي سوت شعري مريم0

بالنسبة لصالون انسة البحرين انا سمعت عنه وايد بس ما جربته0رفيجتي جربت عندهم الشعر والمكياج في ملجتها كانوا حاطين لها مكياج ناعم يمكن اهي اللي طلبت جذي0

الريجنسي يسوون الشعر وايد حلو وانا سويت عندهم بس طبعا السعر اغلى0

واتمني اكون افدتج

مرحبا قرقيعان

في رايي انج تروحين العفراء لان شغلهم بصراحه وايد عجيب بس فردوس اني ما جربته بس شفت صديقتي طلعت حلوة اما عن انسه البحرين بعد جربته هو حلو بس العفراء عندهم خبرة اكثر في هذة الامور


وخبرينا وين بتروحين:up:

مشكوريييييييييييييييين و ما قصرتوا.. :smile:

ريحتوووني :D2

بس بالنسبه حق بنت خالتي هيه محتاره بين الفردوس و آنسه البحرين و تبي تروح واحد منهم حق المكياج و الشعر..

من يسوي احلى؟؟؟؟

بلييز ردوا علي :o

ادري غربلتكم بس والله مثل ما يقولون ما باليد حيله !!!

تسلمون والله

اختكم

قرقيعان

انا الي اعرفه ان صالون عروس البحرين

مكياجه

يلوع الجبد وكريههههه

انا جربته في عرس

وصج صج مكياج فاشل يلوع الجبد

رحت الاوتيل ومسحته:down::down::down::down::down::down:

مشكوره ميمي بيبي عالرد..

لكن بصراحه احنا ما يبنا طاري هالصالون اللي هو عروس البحرين..

جان عندج اي معلومات عن الفردوس او آنسه البحرين بليز كتبيها لاني في امس الحاجه لها..:smile:

مشكوره حبيبتي :shy: ما قصرتي !!

اختكم

قرقيعان

انا انصحج فى العفراء اولا لانه عندهم خبره وشغلهم وايد وايد حلو طبعا حطى مكياج عند وحده اسمها نرجس اوفاطمه ام حوراء .
ثانيا اسعارهم اكيد بتكون اقل من فردوس اذا ما كنت غلطانه وعن نفسى صرت زبونه من كثر ما اروح لهم ويعجبنى شغلهم بس اهم شى تختارين التسريحه وانتى رايحه لهم والله اتمم لكم على الخير


تحيااااااتى ام النور

مشكوووره اختي بنت النور..

و انا انشالله بروح العفراء لاني خلاص اقتنعت.. بس بنت خالتي تبي تروح يا الفردوس اللي في المعارض او آنسه البحرين (مادري في وين!!).. بس ما تعرف اي واحد احسن لان ما قط جربت اي واحد فيهم..

تنصحونها في اي واحد..؟؟؟

مشكورييين..

والله تعبتكم معاي :o

اختكم

قرقيعان

السلام عليكم


أختي قرقيعان صالون آنسة البحرين في سترة شغلهم واجد حلو بس سمعت ان معاملتهم للزباين مو حلوة ,, وفي عندش صالون سلوى جان سمعتين عنه جربته جننوووني شغلهم مو عدل بس يطلعون العرايس يهبلوون.


تحيااتي

rawdh aljenan

انا مخلصه.. بس بنت خالتي مو عارفه ترح آنسه البحرين او فردوس.. يعني هي تبي شغل مضبوط يطلعها عدله.. يعني ما تبي تتغربل على آخر الوقت و يسوون لها شي مو عدل.. من جذي قالت لي اسالكم..

مشكوره عالمعلومه..

لكن بغيت آراء اكثر عشان اتطمن اكثر

اختكم

قرقيعان

:clap: مبروك

الله يبارك فيج اختي سهور

تسلمين والله :)

لكن ما تعرفين جان صالون الفردوس او صالون آنسه البحرين احلى حق شعر و مكايج في نفس المكان؟؟؟

مشكوره عالرد

اختكم

قرقيعان

الريجينسي والشيرتون باجر مسكرين off

اذا تعرفون صالون اب نفس المستوى في قص الشعر (ضبط) ياريت تقولون لي


ابي حق باجر

انتظر ردكم

شكرا

الريجينسي والشيرتون باجر مسكرين off

اذا تعرفون صالون اب نفس المستوى في قص الشعر (ضبط) ياريت تقولون لي


ابي حق باجر

انتظر ردكم

اختي( قريقان ) حلووووووووووووووو اسمك :smile:
انصحك لا اتروحين صالون (آنسة البحرين ) اذا تبين مكياج كشخة وروعة لانه صديقتي راحت يوم خطوبتها وصارت تحفة مسكينة بس الشعر صدق صدق مضبوط :up: انا اروح بس علشان قص الشعر والتسريحات بس المكياج لاااااااااااااااااااااا :down:
بس ترى صالون فردوس مكياجها حلوووووووووو بس اشوي غالي

dark star..

اسمج احلى و احلى حبيبتي..

اصلا مادري شلون يت فكره هالاسم في بالي لان كل ما احط اسم يقول لي مأخوذ !!

عالعموم.. مشكوره عالنصيحه.. و بقول حق بنت خالتي.. اشوه قلتيلي قبل لا تروح... لانها اخت المعرس و اذا ما طلعت اوكي بتعفس الدنيا فوق حدر..

تسلمين !!

ما قصرتي والله :o

اختج..

قرقيعان