يا حـــــــــــــــــــــريم ساعدوني وخصوصا اللي عندها خبره في الولاده

السلام عليكم ورحمة الله وبركاته


يا حريم ابي مساعدتكم انا اعاني نفسيا لان هذا شهري وباقي لي تقربيا اسبوع او اسبوعين على الاقل واناقاعده اعاني واحس اني الخوف بيذبحيني


انا سويت عمليه في ولادتي الاولي لان الماي نزل والرحم ما تبطل بعد يوم كامل ومن بعد الطلق الصناعي بعد وعانيت وايد منهم يوم كانوا يقايسون الرحم وبصراحه كان مؤلم جدا وهي تحط ايدها وماقصرت في الصراخ وكل هذا الوجع وكان الرحم واحد ونص سم هل يختلف الالم من وحده للثانيه ولا كيف

وهل اذا كان الرحم واسع واستوي 10 سم يكون المه اقل عند القياس يعني يعور اكثر يوم يكون واسع او لما يكون ضيق لاني خايفه منهم وخاصه يوم يقايسون فضيعين ودفشين


ابي اعرف هل صدق يعور مايد او انا كنت حالصه خاصه وهو ما يعور مثل ما انا اظن اذا كان الرحم مفتوح

وهل حالتي معناها ان الرحم ضيق عندي او الحوض ضيق ولا كيف انا تعبانه ومب عارفه شوا اسوي

تصدقون افكر اسوي عمليه وافتك من الطلق ومن انهم يقايسوني ويعذبوني ومن الولاده والخياطه عقبها

لاني متعوده على العمليات لاني سويت القيصريه وبعدها بكم شهر سويت الزايده

وتدرون وجع الزايده موت وعذاب اكثر من القيصريه واكثتشفت ان القيصريه ارحم واحسن بكثير من اي عمليه ثانيه


صح يا حريم بالنسبه للحبل السري والمشيمه كيف يطلعون مع البيب ولا هم يدخلون ايدهم ويطلعونها



يا حريم لا تبخلون على بخبرتكم ومساعدتكم وانا اتريا ردودكم على احر من الجمر


تحياتي عسوله