قاموس العروس القطريه 2

انا عرست من 4 سنين ...يعني مال اول.....
طقت في عرسي سوسن تخبرونها ...اشتهرت فتره واختفت :down:

ومكيجتني صالون هي كان قايم حظهم ذيك الايام بس لين الحين مكياجهم حلو بس مهب حق عرايس...:down:

كوشتي من ورد العرايس(ديكو فلورا)هي مصممه فساتين شغلها حلو وممتاز خذت الكوشه من عندها كانت بسيطه جدا ب4000 ريال


فستاني كان عند سوريل بــ8000 ريال كنت شايفه فستان على وحده مسويه لها ب15 الف ...وكان راقي جدا وانا سوالي الفستان نفس الموديل بس مهب بنفس الرقي لاني كاسرته لين 8000ريال ..

التصوير عند كريستال تصوير الفيديو يلوع الجبد اللي مهب حلو فيه انه مايطلعون الالوان الحقيقيه الوان باهته غير لكن تزيين اللبوم حلو.....وعلى فكره تصوير الفيديو الحين احسن من قبل انا شفت من فتره في عرس وحده فراشات وحركات :) ...

بس هذا اللي عندي ....بس اطلب من البنات اذا اي وحده تعرف فرقه طقهم حلو بس بدون موسيقى كان في وحده اسمها ام مبارك طقها وايد حلو وبدون موسيقى لكن للاسف مافي حجز فل عندها

مشكورة حبيبتي خفايا الروح على مشاركتك :clap::clap::clap::clap:

وانتي لين اللحين عروس واحلي عروس بقطر :smile:

صحيح اختي كريستال انتي مو اول وحده الكل مايمدح تصويرهم الفيديو وصج كلامج الوانهم باهته شفت لهم فيلمين من اعراس الاهل :down:

انزين اختي من وين حطيتي شراشف طاولات وتوزيعات ؟:smile:

انزين اختي خبرينا عن خطوبه ؟:smile:

شوفي اللي يدخل هالقاموس مايطلع والا كل شي يخبرنا عنه :D2:D2
================================

وان شالله بعد لين سويت خطوبتي :D2 بخبركم كل شي بالتفصيل ولكم مني وعد بصور كل شي :up:عشان تشاركوني فرحتي:smile: وحتي العرس :smile:

ووينكم يا بنات قطر الصرااحه الموضووع بينفعنا واااااااااااايد

اوهووووووووو :pain:

كنت كاتبه الرد وفيه كلام وايد ومادري شصار وانقطع الاتصال واختفى الرد :confused: افففففف قهر


انطروني باجر بقولكم كل شي اذا كان لنا عمر ان شاءالله :up:


تحياتي ..

هلا اختي كلثم تسلمين حبيبتي على كلامج الطيب...بالنسبه لتزين الطاولات في هذيك الفتره ماكان هالشي منتشر يعني مافكرت ولاكان شي اساسي كانت الاعراس بسيطه يعني حطيت ستاند ورد من نفس القاعه (الدوحه للاحتفالات)....

خطوبه ماسويت فصلت فستان الخطوبه وصادتنا ظروف من صوب هلي وهله وماقدرنا والفستان طاح بجبدي :o:o:o:o
يعني انا كل كان بسيط لاقصى درجه انا ماحب المبالغات احب البساطه في كل شي :)

وانا حاضره اخذي كل المعلومات هههههههههههه:)

الصراحه في خطوبه اختي سوت فستانها عند شيك ليدي وتطلع يجتت
وانا سويت الفستان عند سبوسا يعني مناسب حق خطوبه سويته 2500
واخي الثانيه شرت كورسيه جاهز وسوت له تنوره عند المصمم لامودا
والبوفيه كنا مسوينه عند مطعم البخاري والسويت عند اوبرا
اما العرس
فكان رووعه
التجهيز كان برتقالي فلاش وكنا مسوين العرس بالريتز
اذا قدرت احط صوره بحاول
والكوشه من الغاردينيا والا ضاء بعد كل شي سويناه في الغردينيا
وفستان عرسها سوته عند انوني واما فستاني وفساات اختي الثانيه عند مصمم اسبسيال دونا
ومكياجي عند سعاد البلوشي ومكياج العروس عبير واختي الثانيه جواهر الظاهري
وسوينا باسكت ولبسناهم كلهم نفس اللون تقريبا 16 وحده
وتلبيس الطاولات ثلاث قطع
بيج ساده وبيج مزخرف ومسوين حركه الستاره على الطرف وقطعه برتقاليه اروجنزا في النص وفيه ستاند ورد اولان برتقاليه فلاش وصفره
ونازله منها غصون فيها لولو ورو الي لي

خبركم العروس اسمها لولوه
امها دخلتها في اغنيه الله اله ياسلام سبحان ربالعالمين
ودخلت من الباب العكس الي في الرتز عشان تمشي طول الصاله
ويوم خلصت الاغنيه وقفت في النص وعقب كتينا عليها فلوس
وبخوصو الحلويات
خذينا من هضيم
الكندور خذنا منه بتفور وشوكلاه وبتفور الاناناس الفطاير مادري من وين
يعني مو كل شي احنا سوينا تجسمنا الشغل
والتصوير من الغاردينيا وبعد الفوتو منه بس الالبوم خذته من كريستال
امممممممم
بعد ذكروني العرس من اربع شهور :cool2:
ايه الحنايه كانت زبيده
والي تحف وحده فلسطنيه ماعرف شسمها
وشعرها بثينه

صباح الخير يا صبايا :smile:


حبيت اشارك معاكم بالموضوع باللي سويته يوم عرسي ...


انا عرسي كان من زمان ،، يعني من خمس سنين بس بقولكم على تجهيزاتي يمكن تستفيدون منها (a)

تنظيف البشرة والبديكير عند (صالون لابل) اللي في مجمع البستان اللي في شارع السد ..


الحف (صالون القمر) ...


فستان عرسي سويته عند ادوين اللي في الفراشه ... وكان ب 9000 بعد مكاسر (wink) وقلتله مابي مسكه من عندك ولا (الله يعزكم ) جوتي ...
وبعته بعد طلعة روح ب 300 ( الحمدالله نعمه ) :up:


ومكياجي وشعري سويتهم في ( صالون هي ) كان قايم سوقه ذيج الايام وضرب ومضارب عندهم :D حتى اخبر يوم عرسي كان عندهم خمس عرايس :shy: اما الحين مادري شلون مكياجهم صار مب مثل قبل :down:


الطاولات كانت من ماسيس وكان فالنص مثل الجرة طايحه على جنب وطالع منها انواع الفواكه ( عنب وتفاح وموز ....الخ ) وكان شكلها حلو :up: وكان تحت الجرة قطعة خيش وماذكر شنو بعد(a)

وكنت مسويه الالوان اصفر في ابيض .. حتى فستاني دخلت فيه شرايط لونها اصفر ليموني ومظلتي اللي تغطيت فيها يوم دشوا الرياييل كان لونها ابيض وحطيت نفس الشرايط اللي فالفستان وسلاسل نازله منها ...

طبعا كان في ذيج الفترة توها مابدت موضة المظلات الا وحده قبلي شفتها مسويتها ...

والحين الكل يطلب مني المظله ( صراحه مظلتي زوجت بنات وايد ) :D2

المهم ... والمسكه بعد عند ماسيس...


الكوشه من ماسيس وطلعت رووووعه والكل تم يمدحها لين اليوم :up: واذا قدرت بنزلكم صورتها عشان تشوفونها .... وكانت رخيصة ب 8000 ريال :clap:



هاي اللي اتذكره الحين ... واذا تذكرت شي زيادة برجعل لكم إن شاءالله :shy:




تحياتي ..

باااااااااااااك :shy:



نسيت اقولكم عن التصوير ...

التصوير الفوتو غرافي كان من عند الكريستال ... وصراحه الصور كانت طالعه رووووعه :up: والتنسيق وايد حلوووو ...

بس طبعا لوعوا جبدي لين عطوني الألبوم ...كل ماتصل فيهم تعطيني موعد واذا يه الموعد تقولي للحين ماخلصت :pain: صراحه طلعت روحي ..كنت ميته ابي اشوف شلون شكلي طالع ...

بس الحمدالله ( على قولتهم ) صبرت ونلت ... <=== شدعوه ريل :D2

بس ترى هي قصت علي قالتلي بسويلج مخده والالبوم اللي في الميداليه .... بس ماسوت لي :angry: جان اخلي مرت خالي ( فله حق الفزعه ) تتصل فيها وتشرشحها لين قالت بس وقالت لها والله لاخرب سمعتكم في قطر وبشنع فيكم :D2 قالتلها لا لا انا بسويلها المخده ... وسوت لي صورة كبيرة علقتها في حجرتي :smile:

وانا كنت مسويه البومين عندهم .. البوم بس فيه صوري وصور ريلي عشان يتفرج على راحته :D2 والالبوم الثاني فيه صوري مع هلي وبنات عمتي والمعارف :shy:



تحياتي ..

هلا حبيبتي دلوعه قطريه مشكورة على المرور :smile:

هلا عمري خفايا الروح تسلمين ماتقصرين حبيبتي :clap::clap:

مشكورة على المعلومات حبيبتي قطريه والف الف مبروك لاختج وشكلكم تعبتوا على العرس :clap::clap::clap:

مشكورة على المعلومات حبيبتي بنوته قطريه وانتي عروس حتي لو مرت 5 سنين :smile::smile: وننتظر صورة كوشه شوقتيني اشوفهاااااا:D2


وينكم عرايس قطر ماشاءالله عليكم كلكم معرسين :smile::D2

سوري الفستان بعته ب 3000 ريال :up:

انا كاتبه فوق انه ب 300 :D2 والله لو يطيح بجبدي مابيعه ب 300 :smile:


اسفه عالغلطة المطبعيه :o



تحياتي ..

شكلنا كلنا عرايس قدام...مادري ليش نشارك في الموضوع:o
المهم بقول لكم عن عرسي اللي كان من 4 سنوات..
سويته عند فوشون وطبعا كان احسن واحد ذاك الوقت وكله بالابيض والفضي مثل فستاني..
والفستان سويته عند فوزية النافع ب30 الف
التقديم كله من فوشون وفي شغلات من البحرين والكويت
والكوشة من مرياج وسويتها ب60 الف و اغنيةالزفة من عنده بعد وكانت موسيقى بس شرقيه
والقهوة والشاي كانت ام زوجي متفقة مع وحدة من تسوي هالشغلات
المكياج وتجهيزي( باديكير ومانكير وتنظيف بشره وحلاوة) صالون قنطار والشعر يونيك
التصوير من كرستال وكان تصويرهم حلو لاني استخدمت 3 كاميرات
وعطور العرس سويتهم عند اجمل كان هو مسوي لي خلطة خاصة والصراحة كانت روعه بس للاسف اني نسيت اقول له يكتب لي العطور اللي استخدمها عشان اطلبها مرة ثانية
وجبت حمال من البحرين
هذا اللي عندي الحين واي سؤال انا حاضرة

مرحبا بنات ...بالنسبه لي انا ...

عرسي سويته في الريتز ...والتصوير(8000) والكوشه(15000) عند الوان الخليج ...بس غشوني في الكوشه شوي ...كنت طالبه منهم اشياء بس للأسف ماسووها لي ...
وفستاني سويته في الفراشه عند ادوين الصراحه طلع روعه وتعامله معاي كان تمام ..(15000)
والمسكه سويتها عند المناسبات حلوه بس طلبي شي واللي جابوه لي شي ثاني ...
تدرون في اشيا ماتنشاف الا يوم العرس ومايكون في مجال لتغييرها ...بس طلعت وايد حلوه ..

اما بالنسبه حق حق تنظيف البشره سويته اول شي قبل فتره من عرسي عند (مركز العنايه بالبشره) في الغرافه بس مب شي ..
وسويت مره ثانيه عند عيادة الدكتور حسن ..:up:
والحف عند وحده مصريه ..(ام امجد) بس يدها قويه بقعت ف جسمي... وماجبتها من يوم عرسي خلاص حرمت ..
اما بالنسبه حق حواجبي (صالون الماجده عند بتوه ):up:

والمكياج والشعر عند فاديه ...كانت تسريحة شعري غريبه وحلوه ..في البدايه استنكرت شكلي لكن بعدين الكل مدحني ...والمكياج كان ناااااعم وحلو ...

والطاولات سويتها عند محل نسيت اسمه بس كانت طاولاتي واااااااايد حلوه ..
وجبنا خيريه ..

وشهر 1 بكمل سنه من زواجي ...

انا متزوجه من 8 سنين يعني مافي داعي اتكلم هههههههههه:o

بعطيكم راي على حسب واللى تعاملت معهم فقط

من حيث المكياج
لحين عندكم ديناو عبير مكياجهم وايد حلوووو
وبعدين عندكم هيلدا و فاديه و حصه وفاء

انا عني مستحيل احجز غير عند هيلدا او فاديه
مكياجهم رووووعه علي

من حيث قصات الشعر وصبغات
1//يونيك 2// ليال (سناء للقص رووووووووعه)

حف الوجه
عند كوافيره الماجده
وكوافير الطهران اللى في المطار ايدهم رووووعه خفيفه

الحنه من غير تردد
رحــــــــــــــــــاب اللى في السد
روعه روعه بصراحه
ادفعي لهم زياده وشوفي
وكيف يبدعون


من حيث فساتين العرس
1//الفراشه 2//وسوريل

مسكااات
اياني وياكم تاخذون من غردينيه وبتحسفووووووووون
المسكه تتفكك يوم العرس
والله في مكان كانه حدئقه في شارع النصر
كنا ناخذ منه لحين مادري وين انتقلوا


التصوير مافي غيره الوان الخليج اللى في السوفيتيل
عن جد وايد تزوجوا من بعدي البنيااات
ولكن محد البومها نفس البومي
رووووووووعه

الكوش وحركات اللى على الطوله
من عند ماسيس

القهوه من عند واحده اسمها ام فهد
ما شاء الله عليها روعه
والقيمات و الفطائر من عندها بعد

اممممممممممم

تعبت هذا اللى اتذكره لي رجعه اذا تذكرت شئ

اتمنى افدتكم بشئ

نطرووني جايتكم ان شاء الله وبشارك معاكم ... :smile:

نحن في انتظاااار المزيييييييد

:shy: :shy: :shy:

بالنسبة لحركات الولادة عندج ركن الشوكلاته يسوون طاولة وفيها شغلات وعندج جودايفا والمناسبات
واللي تبي مسارح حلوة للخطوبة عندكم المحل اللي ورا سبلاش السد بصراحة ناسية الاسم الحين لكن شغله وايد حلو للحفلات البسيطة
وبالنسبة للفطاير الصغار عندكم محل الاليزيه يسوي فطاير للتقديم واشكالها حلوة...وفي الضيافة شفت عندهم ايام العيد وشريت منه بسبوسة وكيكات صغار..ممكن تسوونهم للتقديم
وحبيت اقول لكم ان في وحدة تبيع جلابيات كبرى القصير للي تبي في المحلات اللي عند الجاليري
هذا اللي عندي الحين واذا في اي سؤال انا حاضرة

الله يسلمكم انا عرست من سنتين

فستاني وفرته على نفسي وصممته لي خالتي فنانه بكل معنا الكلمه ومعروفه انها مصممة العايله كلها((وانا تزوجت ولدها يعني خبركم ابدعت)) والي خيط مصمم فلبيني ماعرف اسمه:shy:

التصوير الفوتوغرافي والفيديو في الكريستال مع الليزر وشاشتين والكوشه بعد

مسكتي كانت من المحلات الي مجابل الغردينيا نسيت اسمه صراحه بس كانت قمه في الفخامه استخدمت فيها ورد التوليب والباقه كانت على شكل مهفه روعه كانت ماتنوصف صراحه:cool2:

مكيجتني سعاد البلوشي وشعري لبني:up:

حفتني وحده اسمها خورشيد وسوتلي حمام مغربي بعد خلتني زبدددددددده من مره وحده:shy:

زبيده حنتني اماراتي وهندي مع بعض بس شيييييييييييييييييي:up:

حلويات العرس طلبنها من البحرين والمعازيم استخفوا عليها:smile:

القاعه ريجينسي الكحليه

والعرس كان فضي وكحلي وفيروزي

ومفرش الطاولات كان كحلي مدور وفي النص شبك فضي على هيئة معين والاطراف كحليه المبينه نثرنا عليها

انجوم فضيه والورد الي على الطاوله كانت قاعدته عباره عن خشب واقف نفس طريقة خشبة الرسام من تحت

والقهوه والشاي من عند وحده اسمها ام فهد
اما الفرقه كانت الطامه الكبرى الي اشوي واصيح مدري منوين يايبينها انا سمعت صوت الي يغني فنااااااااااااااااااااان بس مانتبهت ان الدق لووووووعه:pain::pain:

وزفتي اهو بس الي كان يغني بدون دق كان شي ماذكر كلماتها بس شوي<<<<<يحليلخا تبي اتغني وتفتكر الايام الخوالي :o:o

ياعروسه جميله صرتي للمعرس خليله زفوها بالوردالاحمر فل ورد المعطر

.....بس نسيت الباقي بس كلمات حلوه

الكل مدح العرس انه هادي وناعم وراقي
الحمدلله:smile:

مشكورين يابنات على تفاعلكم وردودكم الحلوة مثلكم :up::up::up::up:

ميمي بيبي
ممكن تبعثين لي رقم خورشيد..وهي تسوي للعرايس بس ولا لاي حد؟
وايش اصلها؟