مادري شو الحل.. حد منكم يدري ؟

ولازالت المشكلة موجودة.. :s2

مرحبا اختي الفاضله عيون عربية

اختي الفاضله حاولي تجربين طريقة الغاء اتصالج بالشبكه المخزن بالاكسبلورر واتوقع ظهور هذي الرساله لوجود اكثر من اتصال بالشبكه او فيه ارقام قديمه بشركات اخرى غير اللي تستخدمينها حاليا
وكنت اعاني من هذي المشكله قبل كم يوم وبعد الغاء الاتصالات المخزنه بالجهاز الحمدلله انحلت المشكله

عموما قومي بالذهاب الى اعلى المتصفح كلمة tools وختاري اخر خيار يظهرلج انترنت اوبشينز

يظهرلج قائمه اختاري connections ستلاحظين بوجود مربع ابيض فيه الشركه اللي متصله فيها بالنت اذا فيه اكثر من اتصال مخزن قومي بالغاء جميع الاتصالات والابقاء على الاتصال اللي حاليا تشبكين فيه

وطريقة حذف الاتصالات الغير مرغوب فيها
تقومين بوضع مؤشر الفاره على الاتصال يتظلل باللون الازرق وتظهر كلمة ريموف قومي بالضغط على ريموف يلتغي الاتصال اللي قمتي بتظليله

وطريقة التاكد من بيانات الاتصال قبل حذفه ظللي على الاشتراك وستظهر كلمة سيتنق قومي بالضغط عليها تظهرلج تعليمات الاتصال مثلا الشركه وغيرها من بيانات الاعداد

وانشاء الله يكون كلامي واضح وتنحل مشكلتج

وتقبلي تحياتي

هلا اختي عيون عربية .... كيف حالك اختي .....

بالنسبة للرسالة اللي تطلع لك ... هذي تدل على ان عندك فايروس

ساسر .... sasser worms ...... بعطيك العلاج له ان شاء الله ...

اولاً حملي هذا الملف عندك وخليه يسوي فحص على جهازك بالكامل ..

Fix Sasser Worms

وعندي لك طريقة تمنعه بشكل مؤقت من الظهور من جديد ...

شوفي ايقونة الاتصال اللي تظهر تحت بالجهه اليسرى بجنب الساعة

طبعاً هذي الايقونة ماتظهر الا بعد ماتسوين اتصال بالنت ... اضغطي عليها

بالزر الايمن واختاري ... الحــالـة .. وبعد ظهور النافذه اختاري منها الخيار

خصائص ... وبعد ظهور النافذة اختاري من فوق الزر .. خيارات متقدمة ..


وبعد كذا شوفي تحت مكتوب ... جدار الحماية ... وبجانبه مربع صغير ضعي

بداخلة علامة صح .... وبعيدن موافق .. وبكذا تكوني تخلصتي من

الفايروس ..........

ارجو في حالة عدم الفهم الكتابة لي ......

فمان الله .............

هلا اخوي الفاضل unprofessional

شاكرلك اخوي الفاضل بالرد على الموضوع

بالنسبه ياخوي لمشكلة الاخت اللي تظهر لها ليس فايرس ساسر بل مشكله فنيه توجد بالكمبيوتر وفايرس ساسر يقوم باغلاق الجهاز بكل فتره تدخل فيه للجهاز

ومشكلة الاخت فنيه مشكله بملفات الوندوز الرئيسية مما يجعل الرساله تظهر دائما ويعلق الجهاز وهذا حصل معي كما ذكرت بردي الاول والحمدلله باني تمكنت من حل المشكله كما ذكرت بردي بالاعلى

واكرر شكري لك اخوي الفاضل بالر على الموضوع

وبمكانتها التخلص من الرساله هذي بطريقة استعادة النظام

او احتمال تنحل مشكلتها بتطوير الاكسبلورر لديها

وتقبل تحياتي

هلا أخواني..
شاكرة لكم أخواني المجهول و unprofessional على الرد..

جربت اللي تقول عنه اخوي المجهول بس انا ماعندي غير one connection

وبالنسبة لمشكلة الفايروس.. انا كان عندي من قبل بس لغيته.. من فترة طويلة..

بجرب اطور الاكسبلورر واذا ماضبط بسوي استعادة للنظام :(

شاكرة لكم ردكم.. و جزاكم الله خير.. و ادعولي :smile:

اشكرك اخوي المجهول على الرد ...

لاكن العوارض اللي ذكرتها بالرد إهي لفايروس بلاستر على مأعتقد ..

اما عوارض الفايروس ساسر هي انه يقطع الاتصال مع بقاء ايقونة الاتصال

وكأنك متصل بالنت لاكن لاتستطيع التصفح ابداً .... ولازم انك تسوي اعادة

تشغيل للنظام ... وعلى فكرة بالنسبة لفايروس ساسر ..تسبقه رسالة

مثل اللي ذكرتها الاخت قبل مايقطع الاتصال ...

وإذا كانت مشكلت الاخت محتاجة لعملية تحديث أو اي حاجة من هذا

القبيل .. فممكن انهه تتأكد من كذا بواسطة هذا البرنامج الصغير وأهو

يدلها على النقاط المهمة والواجب تحديثها للنظام ....

اداة شركة مايكروسوفت للتأكد من توافق النظام ... اضغط هنــا للتحميل ...

حملي الاداة وسوي لها عملية تثبيت وبعد كذا شغليها وخليها تسوي

بحث عن كافة اجزاء الجهاز والنظام .. وراح تعطيك تقرير بعد ماتنتهي عملية

البحث عن الأشياء اللي لازم تسوي لها تحديث ...

فمان الله .......

بصراحة أخوي هذا بالضبط هو اللي يصير معاي..
معناها لازم تغير اسمك من unprofessional الى professional
:cool2:

بسوي مثل ماقلت وان شالله تنحل المشكلة :)
ماتقصر اخوي تعبتك معاي..

الله يعينك اختي وتلاقي الحل

انا عندي نفس مشكلتك وللان مالقيت لها حل

ياليت نلقى الحل انا وانتي

تسلمين اختي عيون عربية ..... ولاشكر على واجب ...و هذا واجبنا ...


بالنسبة للأخت وردة جده .... راح تنحل مشكلتك ان شاء الله لما تمشي

على الطريقة اللي شرحتها بالرد تبعي اللي فوق .... الرد الأول لي ..


واذا مانجحت ارجو اخباري لأقوم بشرح طريقة اخرى ...


فمان الله ............

هلا اخوي الفاضل unprofessional

اشكرك للرد على الموضوع اخوي الفاضل

اما بالنسبه للموضوع بالفعل ان فايرس ساسر يقوم بنفس طريقة فايرس بلاستر وعموما يا اخوي الفاضل مافيه اي مشكله بان يجربون الخوان الطريقه اللي ذكرت وانشاء الله يكون فيه الحل وهذا مانحتاج التوصل اليه افادته للاخوات بحل مشكلتهم

واما بالنسبه للنقاش عن الموضوع فالقصد كسب خبره وتبادل الاراء سواء من استفادتي منك اخوي الفاضل او العكس والاهم على قولتهم التجربه خير برهان واتمنى بالنهايه يستفيد الجميع وهذا ما نحب ان نتوصل اليه

وتقبل مني كل الشكر والتقدير

هلا اخواني..
والله ماقصرتوا.. الله يعطيكم العافية :)
ومثل ماقلت اخوي المجهول.. كلنا نستفيد من النقاش..

ومعاك حق بالنسبة للفايرس هو له نفس اعراض بلاستر.. لاني جربتهم كلهم" اختكم خبرة ويا الفايروسات.. ماتم فايرس مازارني" :pain:

بس كنت لغيته و امس سويت سكان و طلع واحد من اللفات مضروب بالفايرس.. يعني يمكن يكون هو السبب بعد لانه نفس الاعراض اللي قال عنها اخوي unprofessional طلعتلي..

وعلى فكرة استخدمت برنامج كاسبر الروسي و طلع عندي فوق ال 50 فايرس.. و الأخ نورتن ولا داري عنهم :s2


الحين عندي مشكلة ثانية .. او بالأحرى استفسار..
بطارية الجهاز لما تكون مشحونة بالكامل تكفيني 3 ساعات تقريبا.. بس من يومين لاحظت انها حتى لو مشحونه بالكامل ما تكفي غير ساعه و نص !! شو ممكن يكون السبب !!!!!!

:s2