بودرة الابط العجيبه بإذن الله

مرحبا فيكم جميعا
لو تذكرون كنت حطيت بودره للأبط من شهور ومدحتها لكم خصوصا انه طبيعيه تقريبا ولكن استخدمت فيها بودرة اطفال ادورا ولكن من شهرين شفت لقاء مع اخصائيه جلديه في الام بي سي وقالت ان كل البودرات مضرة وتسد المسام غير العطر اللي فيها هو اللي يسود الابط ونصحت خصوصا للأطفال يستبدل البودره بالنشا او طحين الرز عاد انا خفت وعدلت من البودره الخاصه فيني
وسويتها كالآتي
1/2 نص كوب نشا
ربع كوب شبه مطحونه
ربع كوب مسك مطحون بودره والافضل تنقين النوع الجيد وينطحن بالمطحنه
كل المقادير تتنخل مع بعض مرتين او 3 حتى تتأكدي انها مختلطه حطيها في مملحه كبيره بس تكون لها غطاء عشان لا تكتل لو يدخلها رطوبه احتفظي فيها بالحمام ويوميا الصبح او بعد الاستحمام رشي منها
وصدقوني لا ريحه ولا سواد كان عندي آثار حبوب سمره شوي من اثر الحلاوه وايد فتحت معاي
وان شاء الله تستفيدون منها يارب

دعواتكم الطيبه