اللي تحب القرفه بالحلى (مره حلو كانه جاهز)

هذا البسكويت حلو للقهوه او العصريه
1 قالب زبده صغير
6 حبات كيري(( يعني المربعه الصغيره مو كرتون))
1 قشطه
1 2/1 كاس طحين
الحشوه :
2 تفاح مبشور
ملعقه سكر
ملعقه قرفه مطحونه
للتقديم 4 ملاعق سكر ناعم
4 ملاعق قرفه ناعمه
الطريقه تراه سهله تأخذ نصف ساعه فقط
قالب الزبده تكون سايحه بجو الغرفه يعني تطلعينه من الثلاجه بدري وتخلطينه بالخلاط الزبده مع الكيري مع القشطه ثم تضعين الطحين عليه وتعجنين حتى تصبح العجين لينه ومتماسكه واذا احتاجت طحن زودي شوي حتى تستطعين فردها بالفراده بهذا الوقت تكوني عملتي الحشوه
وهي التفاح المبشور تضعينه على النار مع ملعقه السكر وملعقه القرفه حتى تنشف مويه التفاح
بعدين تفردين العجينه وتقطعيها دوائر عن طريق فنجان القهوه
وتضعين في كل دائره شوي من التفاح وتسكر على شكل نصف دائره
زين ويحط بالفرن 4/1 ساعه ثم قبل التقديم تحطينه داخل القرفه والسكر حتى يغطيها كلها عرفتو
الوصف طويل لكن هي سهله اذا كل المقادير جاهزه