نموذج لشاب قطري

عضوة 14-11-2004 21 رد 2,845 مشاهدة
ع
السلام عليكم ورحمة الله وبركاته...

هذا نموذج رااااااااائع لشاب قطري ..(بعيد كل البعد عن النماذج السخيفة اللي ترسمها وداد الكواري وغيرها في مسلسلاتهم السخيفة)


بدون ماأطول عليكم...تفضلوا

http://go.3roos.com/A2MtNfFmbF7
ا


السلام عليكم ورحمة الله وبركاته

عزيزتي شهد مشكورة على الموضوع وعلى هذا النموذج الطيب ,اننا نفخر

بوجود نماذج طيبة في عالمنا العربي المسلم ، وكل بقاع العالم فيها انواع

واشكال واجناس لا تعد ولا تحصى ...

واريد ان اطرح سؤال ما السخف في مسلسلاتها التي تعرض ؟ أهناك ما

شيئ معين ضايقك ...

بارك الله فيك وسدد خطاك وعلى طريق الحق والخير نلتقي

العـــــتب
ع
أختي الكريمة العتب ...أشكرج جزيييييييل الشكر على ردك...والسخف هو هذا الاجحاف في حق أخلاقنا ,كأنه مجتمعاتنا كلها ناس انتهازيين وبخلا ويموتووووووون على البيزة (مثل ماانقول في لهجتنا العاميه) هذي السنه واللي قبلها واللي قبلها ...نفس المضمون ونفس الروح الشريرة ...آنا ماأقول مجتمعنا مثالي ..لا...بس بعد ماوصلنا لمرحلة انه النماذج الطيبه واللي فيها خير صعب انها تبرز في المسلاسلات اللي تعكس واقع المجتمع اللي نعيش فيه ...أعطيج مثال ...صاروا الناس عندنا واللي مايعرفون هل الكويت الطيبين يظنون انه مجتمعهم منحل وبناتهم الله ياكافي من كثر تكرار هاذي النماذج الوقحة كل سنه....وكل الزينين من برع مجتمعنا ...صراااحة المسلسل رفع ضغطي..

وسامحيني على الاطالة:smile:
ا


السلام عليكم ورحمة الله وبركاته

عزيزتي شهد فعلا كلامك احتمال يكون في محلة أو انتوا كشعب بلده منتج

لهذه المسلسلات ممكن يتحسس من مثل هذه النقطة والنماذج التي

ممكن تعرض تعكس على البلد ... بس صدقيني عزيزتي أن هذه النماذج

موجودة في كل مكان وكل زمان البخل عادة سيئة موجودة في الانسان

بل ومزروعة فقد قال تعالى (( وانه لحب الخير لشديد )) وفعلا لاحظت أن

الفنان القطري عبد العزيز جاسم هو الذي يمثل دور البخيل ،

عزيزتي من الممكن أن الكاتبة أو المخرج أو غيرهم رأوا أن هذا الدور لا

يستطيع اتقانه الا هذا الفنان ...

وعلى فكرة المسلسلات القطرية وللمرة الثالثة على التوالي أعتبرها من

اكثر المسلسلات التي جذبتني أحداثها ... علما بأني لا احب متابعة

التلفزيون بتاتا وليس عندي الوقت لأضيعة على التلفزيون ...

ولكن أحداث المسلسلات القطرية قريبة جدا من مجتمعات الخليج وكل

المجتمعات ، وتناولت قضايا مهمة جدا لم اسمع بأن مسلسل تطرق اليها

منها (( هذي السنه ))

فئة البدون جنسية ... الفئة التي تعاني بصمت

زواج مواطنة من وافد ...

نوع غريب جدا جدا جدا من الزوجات (( عائشة ))

واشياء أخرى ..

من الممكن أن ترسلوا برسائلكم الخاصة لمنتجوا هذه المسلسلات والكتبة

وأدلاء آرائكم كشعب بأسلوب جميل ورؤيا واضحة حتى يتم تقبلها منكم

برحوبة صدر وطيلة بال ..

بارك الله فيك وسدد خطاك وعلى طريق الحق والخير نلتقي

العـــــتب
n
مرحبا

انا معاج اختي شهد بكل الي قلتيه
وقلت هالكلام السنه الي فاتت على مسلسلها القاتل بس البنات هنا انتقدون وزعلوا على

هي تطرح مواضيع وانا اسفه من وسطها الي كلها غلط بغلط وتصور المجتمع القطري بطريقه غلط ومش موجوده فيه بالسوء هذا الشين موجود بكل مكان ليش تخليه دوم بقئه القطريين وتخلي الباقي هم الاحسن
الحين المصريين هم الي صاروا يعلمونا الاخلاق والامانه وكل هالامور انا ام اقلل من قدرهم بس شوف مسلسلاتهم كيف تصورهم حتى المصريين نفسهم عندنا بالدوحه مستخفين بدور المصري ويقولن نو وي يكون في مصري مثله السنه المصري هو الكويس والسنه الي فاتت المصريه هي الي كويسه
واحنا ضايعين بالطوشه احنا كلنا بخلا ومجرمين وبناتنا ضايعين وشبابنا ام تافه واما وصولي وكله اغلاط
الدوحه تغيرت للاحسن وهي كانت لازم تشوف الصوره الحلوه الي وصلنا لها
احنا خلال اقل من10 سنين تغيرنا وايد بكل شي
ليش ما تشوف الوضع الي احنا فيه من تقدم ومن خير ومن ارتفاع بكل المستويات


واسفه علىالاصاله واذا غلطت بحد
ع
هلا اخواتي :smile:

اخواتي الاخت وداد ماتصور مسلسل على ان شعب القطري فاسد الاخلاق لا هي تبي تبين من خلال هالمسلسل عشان ناس تستفيد بالله اذا حطت مسلسل كل ناس طيبين وحلوين وزينين المشاهد شنو بيستفيد
وصالح وطالح موجودين بكل الدول العربيه والغربيه هي ماتبين شخصيه القطريين بانهم منحطين وحالتهم حاله لا هي تضع سيناريو عشان اللي يشوف يستفيد منه

وناس مش اغبيه يعرفون عن قطريين اذا زينين او لا

سافري لبنان مرة شوفي بلاوي بنات قطر في فنادق يعني لو شافوهم اللبنانين بيقولون خلاص بنات قطر مب زينين وعن بنات اللي يدرسون بامريكا والله اعرف وحده كانت تدرس هناك تحلف تقول اعرف هناك بنات يشربون خمر ويروحون دسكو وكل وحده معاها بوي فرند يعني اللحين ناس ماراح تشهد الا من خلال مسلسل

لا يااختي ناس تشهد من اللي تطالعه من عيونها

اختي هو مش من خلال مسلسل احكم على ناس من خلال عيون اللي تسافر وتشوف ومن خلال المعامله

بقولج مثال :smile:
مثلا راشد

الكثير الكثير موجودة شخصيته بمجتمعنا روحي مستشفي العجزة وشوفي اذا حد من اهلهم يزورهم واللي في البيوت يطلعون من صبح ويردون الليل مايمرن يقولون بنشوف امنا او ابونا واذا الام اطلبت مشوا قالوا احنا مشغولين وناس هالايام ماعليها الا بالفلوس مستعده تغضب ربها واهلهم عشان كم بيزة وناس تذابحوا عشان فلوس وياما اخوان بعد موت امهم وابوهم تهاوشوا بسبب الورث وهذاا حاصل كثير


مثلا هند اللي تزوجت المصري وااااااااااااااايد بنات قطريات تزوجوا من الدول العربيه وتعذبوا بسبب الجنسيه وضياع الحقوق والله العظيم معاي رفيجتي بالجامعه امها قطريه عندها دكتوراه متزوجه مصري وانا ماصدقت بنت يوم قالتلي انها مصريه مش قطريه البنت مايبين عليها كلش :eek2:

من خلال هذه النقطه تبين مساؤي هذا زواج مش من خلال المصري انه طيب او سيئ يمكن وااايد بنات متزوجين من الدول العربيه ومرتاحين ويحبون بعض احسن من اللي متزوجين من دول الخليج هذا اللي تبي تبينه ولكن من جانب سلبي ان اعيالها مالهم حقوق ومالهم جواز واي لحظه يمكن تشتت عيله


وعن عائشه

تبين الانسانه الماديه الحقودة وهذا عندنا كثيررررررررررررر واولهم وحده من عيلتنا اول ماماتت امهم خذت الاولي والتالي كل تحس ان
دنيا فلوس وناس وااايد اللحين مايهمهم الا انهم يجمعون فلوس وبس
وهي تبي تبين من خلال هالنقطه ان الفلوس عمرها ماتسعد الانسان الاهل واللمه والاصدقاء هم تحصلين معاهم الحب والسند والفرح

من خلال فهد

ولاتقولين مافي واااااااااااااايد عندنا ناس عاشوا بقطر اكثر من 40 سنه ولو شفتيهم تقولين قطريين اصل وفصل وماعندهم جواز وغيرهم يحصلون الجواز بثواني عشان مهرجان و عشان دوري الكورة


من خلال تركي وناديه

عن زواج قطري من زوجه البدون

تدرين ان في دائرة موافقه للزواج من الدول العربيه الغربيه

يعني لو واحد بقي يتزوج مثلا من ايرانيه مايصير لازم يقدم اوراق واسئله ويمكن يوافقون او لا ومايردون الا بعد 6 او 8 شهور

ومن خلال هالنقطه تبين ان جواز ضروري وحاجه ملحه لضمان حقوق

من خلال ندى

عن رقابه الوالدين والعطف والحنان وان بنت تنحرف بسبب الظغط وعدم الاهتمام

هالايام ااايد امهات مايعرفون بنات وين الله حاطهم واكيد اذا انتي بالجامعه بتشوفين العجب منهم ومن سوالفهم اللي مثل وجهم واذا رحتي الستي بتشوفون 7 غرائب الدنيا بالستي بنات اخر زمن


تدرين بقولج سالفه والله العظيم والله شاهد على كلامي اعرف وحده كانت تكلم واحد وياما نصحتها لكن مافي فايده تدرين من خلال مسلسل السراب والحقيقه اذا تابعتيه اللي فيه فيفي عبده وهي كانت تتابعه

اللي تحبه كان يبي ينتهزها وقالها اللحين مااقدر اتزوجج ولكن خلينا احباب وبالنهايه انتي زوجتي وانا زوجج واحنا لبعض والبنت ياعيني اول شي ترددت شوفي شنو قالت له قالت احلف انك بتاخذني بعدين وهو حلف تحسب ان اذا حلف بيصدق لها وسبحان الله في اليوم اللي تواعدوا فيه صارله حادث ترقد اسبوعين ومن خلال المسلسل اذا تابعتيه بتفهمين كلامي عن بنت فيفي عبده نسيت اسمها لما تزوجت عرفي اللي تحبه ونفس كلام قالها بعدين بتزوجك وطلعت حامل وتركها وصار لها اللي صار تخيلي من هالمسلسل
خافت وقعدت تصيح واتصلتلي وقعدت تصيح تخيلي المسلس اثر فيها وقالت انا بشوف اذا يبيني او يلعب فيني وتركته وقالت لها اللي يبيني يجي يخطبني وتم يحاول ويحاول وماعطت وجهه اخرته غير تلفونه وتركها
شفتي اشلون مسلسلات تأثر في ناس والا كان هي اللحين تصيح ندم


اختي الاشياء اللي تذكرها وداد الكواري موجود بقطر ووااايد بس يمن انتي ماشفتي

وعن جاسم عبدالعزيز ان دايما دوره شرير هو حر احنا بعد مانقعد نختار له دور هو المنتج المسلسل يعني هو اللي يختار فنانين مع وداد واعجبه دور وخذه وهو ماشاءالله تحسين الادوار الشريرة تناسبه


واختي يعني اسفه على كلامي واتمني انج ماتزعلين مني انتي اللحين حاطه رابط تقولين هذا دور نموذج لشاب رائع اي نموذج رائع واحد يغني ويغضب الله بكل دقيقه يغني فيها وياخذ سيئات ناس اللي يسمعون شريطه
ثانيا
انتي ماتعرفينه شخصيا عشان تقولين رائع او لا احنا ماعلينا بظاهر علينا بشخص نفسه بمعاملته لاهله ولناسه ولربه اولا واخيرااا

اتمني يااختي انج فهمتي كلامي
ع
أختي العتب مشكورة مرة ثانية على تواصلج...بس بصراحة خاطري مكسور من اللي شفته بالمسلسل...

نور..ألف شكر على مرورج ياعمري...بس ماقلتي لي رايج بالموقع...

اختي كلثم ....احنا ماقلنا مجتمعنا مجتمع صحابه ومثاليين .....احنا انقول ليييييييييش كل هالسلبيات الشنيييييعه...وين الخيرين اللي بديرتنا ليش مانحاول نبرزهم ...بعدين هذا تلفزيون قطر ...يعني اللي ينتجه يمثل قطر ....كل اللي قلتيه صح ....لكن نبي انشوف ناس اتشرف في هالمسلسلات وانقول وبكل فخر (مثل ماانتي قاعدة اتقولين) اي صح في ناس جذي خيرين في بلادنا والله والنعم فيهم ...أتمنى انج فهمتي قصدي.....وياااااااااليت ياعمري اتردين تفتحين الموقع اللي انا حاطته ....هذا الشاب ينشد أناشيد دينيه مو أغاني مثل سميه الثاني ...وانا شابي فيه شخصياً؟؟؟؟؟؟؟؟؟أنا عجبتني الأناشيد اللي ممكن نستخدمها بديل عن الكلام الفاضي في مناسباتنا....!!!!!بس شكلج ماسمعتي شي من الموقع عشان جذي حكمتي عليه المسكين انه يغضب ربه!!!!!عيل من اللي يرضي ربه؟؟؟؟
ا

شكر .. تحية .. تقدير
لهذا الموضوع ولهذا التحاور البناء
ولجميع الأخوات المشاركات في الحوار





ابــ داحم ــو

ا
فعلا مسلسل قطر يوضح كثير من جوانب المجتمع القطري..وبصراحة الاخت كفت ووفت...بس حبيت اضيف شي وهو انج لو رحتي مستشفى الرميلة راح تلقين اليهال المعاقين اللي اهلهم خلوهم وماسالوا عنهم مثل ماسوى عبدالعزيز جاسم...وفي عندنا نماذج كثيرة سرقت الناس والبلاد وشردوا من البلاد...يعني هذا شي مو من الخيال وموجود.. واعتقد بعد شخصية ندى المنحرفة موجودة بكثرة خصوصا في الجامعه..ووقت ماكنت ادرس كانوا في بنتين متزوجين او عايشين مع بعض في بيت واحد...
وبالنسبة لزواج القطري من غير القطرية والمشاكل اللي تصير انا اعرف وحدة عندها 4 اطفال وماكان معترف فيهم وماعندهم شهادة ميلاد ولا جواز لحد مافتحوا مكتب الصديق وحل لهم المشكلة وحل مشاكل كثير من الاكفال القطريين اللي مش معترف فيهم..
واذا على عدم احترام الاولاد لامهم..اقول لج والله العظيم ان في وحدة من اهلنا عندها ولد و4 بنات كلهم لسانهم اطول منهم لدرحة توصل للضرب.. يعني يضربون امهم ويشتكون عليها في المحاكم وقضايا وعفسة...
يعني المسلسلات ساعات تكون ارحم من الواقع
أ
مرحبا خواتي


اولا كل عام وانتم بخير وشاااكره لختي اللي طرحت الموضوع


وماراح ادش بمواضيع طويله وعريضه بس شي واحد اتمنى وداد
تنتبه له صحيح بلدنا فيها ناس من هذول الاشكال لكن موسنويا تكتب
وتسيئ لبلدنا ولمجتمعنا وتبالغ بأنها تطلع صورة المجتمع القطري
ميت ع لفلوس وقاسي وفاسق وين عايشين احنا اذا الكل عارف انه
مجتمعنا جذيه عيل وين الناس الطيبه والخيره والشخصيات المشرفه
شبعنا من نفس القصه ونفس الشخصيات وانا مع الكل ان فيه وايد
جذيه زين سنه طلعينا بصوره بشعه وسنه طلعي الجانب الخير فينا
بالله عليكم اشخلت للخيروللمجتمع احنا زط وانتهازيين وصوليين وبناتنا
الله بالخير ياسلام هذا مجتمع مشرف عن حق وحقيقي اتمنى اتعيد
النظـــــــــــر بالمسلسل القادم لانه ملينامن نفس الموضوع:down:
ع
:clap:مشكوووووووووووووورة:clap:
ن
كلثم
افيدك بالنقطه الزواج :
ايوه صح في قطر لازم موافقه و شغله انا جلست الاوراق حقي يمكن سنه و نص و بعدين طلعت الموافقه على الزواج حتى طلبو جوازي يعني لازم جواز
ع
مشكوووووووووووووورة
ع
الأخ أبو داحم...شكراً ع المرور بس ماعطيتنا رايك؟؟

أم ياسمينا.....تسلمين حبيبتي على الرد...بس افهموووني آنا ماقلت مافي جذي ناس في وآنا شفت مثلكم بس أقول وين الناس الطيبين وين هل قطر المعروفين بنخوتهم ليش مايبرزون في هالاعمال ..ليش كله شر وجشع وعوار قلب ...ليش مو الاثنين....ليش ما توضح الجانب الثاني من مجتمعنا ...محتمع الناس المحافظين ...مجتمع الداعيات اللي ولله الحمد زااااادوا والله يكثرهم وصار لهم ولله الحمد أثر في كل مكان ....ليش ماتظهر صورة الشاب الملتزم...المثقف...ليش ماتعكس تطور مجتمعنا الثقافي والتعليمي الواضح.....وغيره كثيييييييييييييييير ...هي شاطرة بس اتنبش في البلاوي ...والله آنا توني أسمع عن سالفة الغنى الفاحش بسبب العلاقة بين البنت والبنت (لمصلحة من تتفتح عيون البنات على هالسوالف وشاللي استفدناه يوم عرفنا ومراهقاتنا اعرفوه وصارو يفكرون بهالثروة اللي تجي على طبق من ذهب)...آآآآآآآآآآآآآآخ تعبت نفسياً!!:confused:

أوديت .....جزاج الله خير فهمتيني والله:o

عمق السكون.....نورتي الموضوع..

ندوي....الله يهنيج انشاءالله...وتنحل هالمشكله في المستقبل القريب

ميلينيوم....العفو ...وشكراً ع المرور
ش
:up::up::up:
ع
اختي شهد اسفه حسبته يغني اغاني ماانتبهت انه اغاني دينيه
اااااااااااااااااااسفه اختي :pain::pain::pain:

اختي انا فاهمه قصدج بس انتي فكري فيها هي تحط بالمسلسل ناس شر وناس خير بس الشر اكثر ليش عشان اللي تسوي سواتهم تستفيد :smile:

واختي احنا بعد ماندري والكاتبه وداد يمكن شافت ناس كثير لاني اعرف قصه حياتها تلتهت المسكينه وتعذبت وااايد ومارتاحت الا لما تزوجت :confused:

وكتاباتها كلها حقيقيه:up: واختي اخر الدنيا الناس اللي فيهم الخير يقلون :down:

اقولج الصراحه :confused:انا ماشفت خير لابصديقاتي اللي عاشرتهم سنين ولا باهل ابوي وحتي اهل امي اللي قلت فيه خير طلعوا بخبثهم :down:

واهل خطيبي اللي توني مالجه عليه وشايلتهم فق راسي اخته ماادري شنو فيها بس ساكته عنها :down:


اختي هالايام الواحد مايفكر الا في نفسه ومصلحته :down:


تدرين انا من النوع اللي مااطلع من البيت كلش يمكن اتم شهرين حقت اجازة والله العظيم مااطلع :down:

لما دخلت الجامعه لين اليوم اتذكر كلام بنت خالتي قالتلي انا واخواتي قالت انتوا توكم قلبكم نظيف وطري وياما بتشوفون اشكال بالجامعه وتحرسوا منها :s2

انا وقتها مافهمت كلامها :s2

لكن اللحين بعد 6 سنوات صرت خبره بالنا والله من شكلهم اعرف الطيب والخبيث :down::down:


ادري اختي انا فاهمه قصدج هي ليش بكتاباتها كل طلع اهل قطر موزينين :down:
يمكن هي لها نظره احنا مانشوفها وهي كبيره بالعمر اكيد شافت واعرفت اكثر مني ومنج :up:

بس بعد اختي بقولج شي اللي يعرف اهل قطر وعاشرهم لو قلتيله قصه الف ليله وليله و اذا عاشرهم زين بقولج لا اهل قطر موجذي نفس اللي المسلسل بيقول اهم ارقي واحسن مستوي واللي عاشر ناس موزينين وقاس منهم بيقولج هم اخس من اللي في المسلسل يمكن اللي بالمسلسل ارحم

واللي سافر وشاف البلاوي بنات قطر اااااااااااااااااااااااه برع اللي شفتها والله انصدمت :down::down::confused:قبل يوم اخوي يسافر ويقول لنا كنت اقول يبالغ :eek2:لكن لما سافرت وشفت قلت ااااااااااااااااااااااه :confused::confused:

وهذي الاشياء اكبر دليل على اللي بياخذ فكرة عن بنات قطر :down::down:


واختي لاتزعلين :smile:الناس اراء واصناف واختلاف الراي لايفسد للود قضيه :up:
ا
[CENTER]
تحيه كلها حب وكلها شوق
تحيه بعبق الورود ورياحين الزهــور
::
::

مشاركه رائعه منك الف شكر على الطرح
:up:


::
::

اخوكم :: الشامخ
م
اشكر الاخت كلثم على الكلام الرائع:clap:
ع
مراحب فيج ياكلثم....ولا ازعل ولاشي عزيزة وغالية...هو نقاش ...والله يبعد عني وعنج وعن الجميع الشر وهله.....تحياااااتي لج.


شوق ووله......الشامخ......ملاذ الحب........

تسلموووووون ع المرور:smile:
*
يا شباب ويا شابات...شفيكم ؟؟كلتوا المرة بثيابها..مايسوى عليها كتبت هالمسلسل....

بصراحه انا اشوف ان المشكله الوحيده هي كثرة المشاكل في المسلسل وان كل هالمشاكل محصوره في عائله واحده فقط...

يعني المشاكل اللي حطتها الكاتبه ممتازه للمناقشه ... واول مره يتعرض لها بمسلسل وهالشي مفيد...ماتدرون يمكن يتغير حالهم...

ثاني شي..كان المفروض تقلل طرح المشاكل..يعني تخلي نص هالمشاكل حق السنه الجايه

ثالث شي...المسلسل عرض بعض النماذج الطيبه بس غالبا مابيحطون نماذج طبيه ويخلونها محور المسلسل...شالفايده؟!! لان النماذج الطيبه عاده ماتكون لها مشاكل كبيره للنقاش والجدل...يعني اذا المسلسل كله نماذج طيبه...المسلسل عن ايش بيتكلم؟؟وايش راح يحل وايش راح يعرض من مشاكل...؟؟؟؟؟انا توقع ان الكاتبه عرضت المشكله وبعدها حطت الاشخاص اللي تحتاجها المشكله لتمثيلها مش العكس...عندها مشكله البدون وجابت اشخاصهم وعشان تعرض كل الجوانب لازم توظف اشخاص يفتعلون المشاكل المحتاجه للحل...

بصراحه قضايا مهمه: قضيه البدون وزواج القطريه من اجنبي وعيالهم و الزوجه الماديه المهمله لزوجها و قضيه البنات المنحرفات...وقضيه اللي يقطون عيالعم المعاقين...وغيرها وغيرها ولاتقولون انها فتحت عيون مراهقانتا ...هالشي لازم ينذكر...يمكن اهاليهم يفتحون عيونهم ويمكن هالبنات يتعظون...
X