ارجوك ياعيد ابعد ولاتعيد ...ماللفرح في قلبي مكان ...........كيف العيد من دونك يا زايد

السلام عليكم ورحمة الله وبركاته :smile:
كل عام وانتو بالف خير وعساكم من عواده:smile:

بعد يومين العيد ونحن مب حاسين بطعم العيد ولا حاسين بفرحة العيد
كييف نحس فيه وبخليفة مب ويانا؟؟؟ كيف نحس فيها وبخليفة مب بينا ؟؟؟؟كيف نحس بالفرح ونحن داخلنا حزن :sad: :sad:
للاسف مهما كابرت او اظهرت للناس اني فرحانة تظهر الدمعة من عيني غصبن عني لانه زااايد الخير ابوويه ما بيعيد ويانا هالسنة
اااااااااااااااه يا ابويه كيف العيد من دونك بيكوون :sad:

[poet font="Simplified Arabic,5,white,bold,normal" bkcolor="transparent" bkimage="backgrounds/21.gif" border="ridge,5,indigo" type=2 line=350% align=center use=ex length=0 char="" num="0,black" filter=""]
"عيدك مبارك عسى عيد سعيد" = الكل يهني وبالعيد فرحان
الا انا الدمع من عيني يزيد= ما احس بالعيد بعد نور الاعيان
أي عيد هذا ؟؟ وبوخليفة بعيد =ياكيف اعيّد والقلب حزناان
شوفتك يا زايد هي الفرح والعيد= والعيد بك يحلا ويحلا ويزدان
وان رحلت العيد وش يفيد=ماله ابد طعم والوان
القلب عايش بين البكا وبين التنهيد=ومن الحزن شب فيه نيران
اااااااااه وليت هالاه تفيد= ليتها تقدر تدواي الاحزان
ياناس انا كبرت على شي وحيد= على حب زايد رفيع الشان
كنت دوم ادعيله بالعمر المديد = واقول ربي يخلي باني الاوطان
كنت احس بغلاه يسري بالوريد= كيف لاء وهو اغلى انسان
ارجوك ياعيد ابعد ولا تعيد= ماللفرح في قلبي مكان
[/poet]

الله يرحمك يا زايد ويغمد روحك الجنة
والله لو كان بأيدي شي اسويه غير الدعاء لك جان ما ترددت بس مالبيد حيلة يا ابويه

بنتك بنفسجة العين