من عنده كــاميـــرا ديــجيــتال ... يخبرني عنها بليـ ـز

ت

توته الصغيرونة

عروس ذهبية

10-11-2004 | 07:20 PM

السلام عليكم ورحمة الله وبركاته

اعزائي اعضاء المنتدى ... انا ودي أشتري كاميرا ديجيتال ( كاميرا رقمية ) ومحتارة شفت انواع واشكال كثيرة .. طبعا انا ابغاها كاميرا تصور صور مو فيديو ....

انواع واشكال وماركات كثيرة بصراحة احترت .... ودورت بمواقع التصوير وبرضه ما رسيت على بر ...

المهم فحبيت استشيركم للي معه خبرة بالكاميرات الرقمية .... وعندي بعض الاسئلة ...

1- كيف تتوصل الكاميرا بالكمبيوتر ؟ وكيف تظهر الصور على الكمبيوتر هل بواسطة برنامج ؟

2- انا عقدتي في التصوير هي الاضاءة أتمنى تكون فيه اضاءة كافية بالصور عشان الصورة تطلع حلوة ؟ فهل احتاج الى شراء معدات اضاءة ولا فلاش الكميرا يكفي؟

3- اذا الصورة صارت بالكمبيوتر وابي اطبعها من وين القى الورق اللي يجي لماعي زي الصور العادية وهل الطابعة الليزرية تفي بالغرض ؟ لاني عندي وحده وممتازة وما بغيت اشتري وحده ثانية ؟

4- ايش افضل ماركة للكاميرات ولا الماركة ما اها دخل يعني بس موهبة المصور هي المهمة ؟

ووبس هذي اسئلتي واتمنى تسااعدوني :smile: ....

(a)

تحيااتي

تووتة

*

*المجروحة*

مشرفة سابقة

11-11-2004 | 01:12 AM

وعليكم السلام ورحمة الله وبركاته

هلا حبيبتي

حبيت اساعدج باللي اقدر عليه

انا عندي كاميرا ديجيتال
في البداية خذت وحده صغيرونة ماركة سوني
وهذي صورتها

الكاميرا وايد اوكي وفيها مميزات حلوة بس عيبها انج لازم تثبتين يدج اذا بتصورين واذا مثلا بتصورين شخص يتحرك تطلع الصورة مو واضحه فماعجبتني عشان هالشي وخذت وحده ثانيه ماركة كاسيو وبصراحه عجيـــــــــبه
وهذي صورة الكاسيو:

بالنسبه لتوصيلها بالكمبيوتر فمعاها سي دي فيه برنامج ومعاها بعد واير توصلينه بالكمبيوتر
وبالنسبة للاضاءة فهي وايد زينه .. وفيها انظمه كثيرة يعني مثلا اذا كنتي في مكان ظلام تقدرين تغيرين النظام للوضع المناسب وتصورين وتطلع الصورة واااااضحه .. ممكن تسكرين كل ليتات الغرفه وتصورين وتطلع الصورة وكأنج حاطه كشافات فيعني لاتخافين من هالناحيه

بالنسبة للصور ممكن تطبعينها من الكمبيوتر وتلقين الاوراق اللي فيها لمعه وصغيره 4x6 موجوده في محلات الكمبيوتر .. انا شريتهم من كارفور

وآخر سؤال بخصوص الماركات .. فماادري انا جربت السوني والكاسيو بس مثل ماقلت لج ومع ان الكل يقول السوني احسن بس انا ارتحت للكاسيو اكثر واذا بغيتي مواصفات كل وحده منهم انا في الخدمه

سمحي لي طولت عليج

واذا عندج أي سؤال انا حاظرة

ت

توته الصغيرونة

عروس ذهبية

11-11-2004 | 09:03 AM

* المجروحة *

ألف ألف ألف شكــــــــــــــــــر يا عسل ... والله افدتيني مررة مرررة .... واعجبتني مواصفات الكاميرا حقتش وشكلي بشتريها ... :up:

:up:

بس لسه عندي سؤال اصغيرون ... :o

الصور لما تطبعينها تطلع واضحة زي الصور العادية اللي نحمضها في الاستوديو ... ولا أتحسين فيه فرق ؟

وتسلمين يا قمر

تحيااااااااااتي

تووووووووووتة

ت

توته الصغيرونة

عروس ذهبية

11-11-2004 | 11:21 AM

كاتب الرسالة الأصلية : *المجروحة*

وآخر سؤال بخصوص الماركات .. فماادري انا جربت السوني والكاسيو بس مثل ماقلت لج ومع ان الكل يقول السوني احسن بس انا ارتحت للكاسيو اكثر واذا بغيتي مواصفات كل وحده منهم انا في الخدمه

ايوه اذا سمحتي .. فضلا لا امرا .. ابي مواصفات وعيوب كل وحده منهم ...

وجزاتش الله خيررر ...

تحياااتي

تووتة (a)

*

*المجروحة*

مشرفة سابقة

11-11-2004 | 02:08 PM

هلا عيوني

بخصوص سؤالج .. تطلع الصور واضحة وحجمها كبير يعني لو تطبعينها على كبر الصفحه A4 تطلع واضحه وبدون مربعات .. ويعتمد على الطابعه .. يبيعون طابعه خاصة للصور تدخلين فيها الميموري كارد وتطبع لج صور وااااضحه

اما الفرق بين الثنتين شوفي حبيبتي
السوني : حجمها صغييير ضعيفه واصغر من الكاسيو .. والزوم مايطلع لبرى يعني ممكن تقربين وتبعدين بس الزوم يكون في مكانه .. ووضوح الصورة للسوني 5 ميجابايت .. والمنيو فيها ممكن يكون بأي لغه ومنها العربية ..وسعرها أغلى من الكاسيو أعتقد بـ 1700 ريال مو متاكدة من السعر والحين اكيد رخصت لاني خذتها من فترة
مميزاتها وايد حلوة بس عيبها مثل ماقلت لج انج لازم تثبتين يدج والا الصور ماتطلع واضحه

الكاسيو : حجمها صغير بس شوي أعرض من السوني .. والزوم يطلع ويدخل على حسب ماتقربين وتبعدين .. ووضوح الصورة 4 ميجا بايت .. وسعرها 1450 ريال بس الحين يمكن رخصت .. وفيها انظمة نفس أنظمة السوني وأكثر على مااعتقد .. الانظمة وايد حلوة .. بس المينيو ممكن يكون بكل اللغات الا العربية .. بس الانجليزي سهل تتعودين عليه مع الاستعمال .. والصور تكون وااااااضحه لو كنتي تركضين أو في السيارة وصورتي أي مشهد تطلع الصورة واضحه مو مشوشه مثل السوني
وبس هذا اللي اتذكره

واي سؤال انا حاضره

ت

توته الصغيرونة

عروس ذهبية

12-11-2004 | 12:23 AM

شكرررررررررررررررررررررررررررررررررررررررررررررررا
جزيلا

المجروحة كفيتي ووفيتي عزيزتي ..... :up:

صار عندي خلفية عن الموضوع بفضلش

... يسلموووووووو :cool2:

تحياااااااتي

تووووووووتة

*

*المجروحة*

مشرفة سابقة

12-11-2004 | 10:25 AM

العفو فديتج ولا يهمج احنا هني عشان نفيد ونستفيد

موفقه حبيبتي
:smile:

ك

كيفي دلوعه

عروس مشرقة

25-12-2004 | 03:53 AM

مشكوووووووووورينوالله ياالغاليات

الصراحه انابعد استفدت وايد وماتقصرين اختي المجروحه

تحياتي لج:clap: