سؤال للمتزوجات في سن مبكر

<<<< عمرها 19 وملكتها بعد العيد

بالنسبه لي انا مااعتقد اني راح اندم:cool2:

خلها تتوكل على الله

تحياتي لك

فراشـ ـ ـ ـه

عادي جداً والعمر ما أظن يأثر ..

بالعكس أحلى شي في نظري.. لأن التصرفات تكون عفوية اكثر من وحدة بال 25 وفوق :smile:

في نظري اننها لا تزال صغيرة


و لكن لكل شخص حالته


فمن تحب الدراسة فالتدرس و من لا تحب الدراسة و جاءها ابن الحلال فالتتزوج


لكل شخص ظروفه

و لكني افضل الزواج فوق سن لعشرين على الأقل و بعد انتهاء الدراسة الجامعية


و الله يرزق الجميع

مرحبا


اختي انا تزوجت وعمري 17 سنه
وكااااااااااااااان زواااجي سرييييع كله في 3 اسابيع

وصلية استخارة والحمدالله كانت زينه

وتوكلة على الله


بسسس نصيحتي يا اختي ترا هالايام الوحده ماتلقى ريال على خلق

وانتي ادرى بالحال
وخلها تصلي استخاره وتشوف

وعن الدراسة خلها تكلملها انا وايد اعرف بنات متزوجات ويدرسن

تحياتي

السلام عليكم ورحمة الله وبركاته
الله يوفقها وخليها تتوكل على الله وتوافق اذا كانت مرتاحه للزوج
وبلعكس في نظري العرس بدري افضل حتى اتلحق على شبابها
وشكرآ

انا اتزوجة وعمري خمسة عشر سنة ونصف والحمد لله الى الحين ما حسية بالندم والصراحه انا ما كملة دراستي ليه؟ لاني كنت مستحيه :oمدارسنا فيها اختلاط مع اني كنت متفوقه لكن النصيب والحين الي يشوف اولادي وبالخصوص ولدي البكر(14سنة ) مايصدق انه ولدي:shy:

[CELL=filter: glow(color=sienna,strength=5);][ALIGN=center]أنا تزوجت وعمري 19 سنه ...

والحمدلله إلى اليوم أشكرالله عز وجل ...

خليها تتوكل على الله وتستخير أهم شئ ...

:smile:[/CELL]

حبيبتي انا أقول اجلي العرس شوي على الاقل خلصي سنتين من دراستج الجامعيه وبعد الزواج كملي لان مستقبل البنت شهادتها ..........انا تزوجت بعد الثانويه مباشره والحين أدرس في الجامعه بس وايد تأخرت لاني أوقف يوم أربي وألحين عندي ولدين بس أحس انه راح حماسي للدراسه حتى اني احس الدراسه صعبه بوجود العيال وأفكر اني أترك الدراسه:down:

حبيبتي...
انا لي سنتين متزوجه يعني لما كنت 18 سنه ووالله ماندمت ابدا
وانا اللحين مستوى 3 ومتفوقه وكل سنه من الخمس الأوائل على الكلية..


بهذا الزمن مين يلاقي زوج خلق ودين خليها توافق اذا هي مرتاحه وان شاء الله مانتدم..

وبعدين ترى كل هذا يعود لشخصية الزوج هل هو طيب؟؟يراعي؟؟يسامح؟؟يصبر؟؟مهتم بالعلم؟؟حنون؟؟

طبعا لازم تسألون عنه قبل الموافقه ..

والله يسعدها ويهنيها ويرزقها راحة القلب والعقل..

السلام عليكم ورحمة الله وبركاته


انا زواجي كان من 8 سنوات وكان عمري 15 وصار العرس خلال اسبوع وكان طاعه لوالدي علشان كده ربي وفقني الحمدلله وحاسه نفسي بعدني عروس جديده ومازلت بعين زوجي صغيره وانا وايد سعيده بحياتي وبالنسبه للدراسه ادا هي تبي تدرس تشرط عليه والله المسهل

السلام عليكم ورحمة الله وبركاته

اختى العزيزه أنا تزوجت وعندى 16سنه والحمد لله

نصيحتى لها تصلى إستخاره وتتوكل على الله وإنشاء الله

بيسر الله أمرها وبيوفجها

يا ربي يسعدها
تتوكل علي الله وربي يوفقهاااااا

وان شاء الله ما تندم:shy:

انا تزوجت وعمري 18 سنه بس يعني بعد ما خلصت دراستي الثانويه والحمد لله رب العالمين عمري ما ندمت وما اتصور روحي اعيش من دون زوجي واعيالي:smile::smile:

السلام عليكم ورحمة الله وبركاته

قال عليه الصلاة والسلام : من جاءكم من ترضون دينه وخلقه فزوجوه

الزوج الصالح فرصة لا تعوض خاصة في زمننا الآن ..
نصيحتي للأخت بأن تستعجل الزواج ،
وبعدين من قال إن عمر ال19 سن مبكرة بل في رأيي متاخرة متى الفتيات يبغون يتزوجون .. لما يوصولون سن الأربعين عشان يقتنعون بانهن قادرات على تحمل المسؤولية
ولا اللي يزيد الطين بله تقولك أبغي اكمل دراستي علشان سلاح البنت شهادتها .. هي داخله حرب تبغى فيها سلاح ..
المسلمة الصالحة قادرة على تحمل المسؤولية في كل سن ..

وأنا أرجع الخطأ في الفهم إلى طريقة التربية .. لا أقصد الكل ولكن الأغلبية يقنعون الفتاة بأنهاما زالت صغيرة وغير قادرة على تحمل المسؤولية بل على العكس لابد أن تثبت الفتاة قدرتها على تحمل المسؤولية وتتزوج مبكراً وتنعم بحياة طيبة كريمة وتربي الأبناء وتفرح بأنهم يكبرون معها وترافقهم وتعيش مراحل حياتهم بسعادة وتسعد اكثر عندما يقال لها أنه ما يبين عليك على الرغم من أن أبنائك كبار ..
اسمحولي طولت عليكم لكني فعلا من مؤيدي الزواج المبكر لأن حسناته تغلب سيائته القليلة .
والدراسة ملحوقة وتقدر أختك تكمل وتوفق في ذلك المر بإذن الله إذا صممت على ذلك وأسأل الله لها التوفيق وأن يجعل من زوجها عوناً لها في طريق العلم والحياة الزوجية وهذا ما فعلته انا بالضبط تزوجت بعد الثانوية وأكملت الجامعة وكنت في تلك الفترة قد حملت باثنين من أبنائي والحمد لله وفقت لأنه كانت لدي العزيمة والإرداة .

:up::up::up::up::up::up::up:

:clap::clap:كلام مقنع

انا من رايي انها تستخير

واقضل ان البنت تتزوج بعد دراستها الجامعيه

هالايام البنت لازم يكون عندها سلاح

لان الرجال ما منه امان

ومو كل الازواج مثل بعض

المهم خليها تصلي استخاره وما خاب من استخار

بدايتاً السلام عليكم ورحمه الله وبركاته

اختي السائلة
انتي تقولين ان الخاطب شخص حسن وعلى خلق

يعني في البداية انا اشوف انكم مرتاحين للموضوع

فانا اشوف انكم تتوكلون على الله لان الزواج ستره بصراحة

ومافي مانع يكون الزواج مع الدراسة

والله يكتب اللي فيه الخير

اخوكم رفيق الحزن - الكويت
بحفظ الله ورعايته وعليكم السلام ورحمة الله وبركاته

السلام عليكم

اختى الغاليه ما اشوف انه فيه مانع تكمل دراسه بعد الزواج(هذا اذا كان على الدراسه، بس تحسب حساب العيال والولاده)

اما اذا كان على اخلاق الريال فشكلكم مطمنين له

واذا كان على صغر السن فالعكس مال اضنها صغيره (19 سنه يعنى ما شاء حرمه )

و احسن لها تضمن مستقبلها بالعلم والشهاده ..صح مثل ما قالت الاخت انها مب داخله حرب عسب تكون الشهاده سلاح...بس زين الوحده تكون حاطه ضمان بيدها مب ضد الريال وبس بعد ضد غدر الزمان

اتمنى انى ماطولت عليكم والسموحه

السلام انا اتوقع انه العمر صغير لأن ما بتقدر توفق بين الدراسة و الزواج صعب لو شنو ما كان :shy: