أفكار حلوه...للمتزوجين...وكسر الروتين

ع

عروس قديمه

مشرفة سابقة

10-10-2002 | 02:47 AM

عندي لكم كم فكره...ان شالله يعجبونكم...
واللي عنده افكار بعد...يزيدنا....

* اصنعي مخده صغيره لزوجج..بحيث تحشين فيها شويه ورد مجفف..او قطن معطر....وتتطرزين عليها من الخارج ....احبك...او الله لا يحرمني منك؟؟؟؟شو رايكم؟؟؟

* ضعي رساله من صنع ايديك...بحيث يكون حجمها صغييير....واكتبي عليها بيت شعر...او عبارة احبك....وضعيها في جيب الكندوره...(الدشداشه) ..او لبس الشغل...بحيث يتفاجأ فيها في العمل....

* عن طريق الكومبيوتر اصنعي له..بطاقه صغيره يعلقها في السياره..يكون مكتوب فيها دعاء الركوب..او دعاء الدخول والخروج..ممكن يعلقها على مراية السياره...
او بطاقه من صنع ايديك يكون فيها اذكار الصباح والمساء...عشان يتذكرك دايما ويدعيلك بالخير....

* اكتبي في الليل...عبارة حب..على مراية الحمام ( الله يكرمكم) عشان بعد ما يقوم الصبح ..يتفاجا ..ويستانس..وتنفتح نفسه للحياه...;)

لكن شو رايكم بالحركات...ان شالله تكون عجبتكم....
وحطوا في بالكم ان كل شي بأجره....
واعملي على سعاده زوجك ..واحتسبي الاجر عند اله تعالى

k

kilo عسل

مشرفة سابقة

10-10-2002 | 04:34 AM

حركاااااااااات
ملرة كنت بالفندق والا مراية الحمام ما تتمسح (مع انه5 نجوم) وعالمي
بس المراية مكتوب عليها كلمات ليست كالكلمات (حلوة) بس بالخط الكبيييييييييير
......هي كلمتين بس....معروفة..صح

d

dmoo3_el7ob

مشرفة سابقة

10-10-2002 | 04:49 AM

والله أفكارك حلوة...

ممكن الوحدة تحط لزوجها وردة مع كلمة رقيقة عند المخدة يتفاجأ فيها الصبح...

خلوني أقولكم سالفتي وي الأفكار اللي تكسر الروتين..

مرة اشتريت هدية لزوجي من غير مناسبة وحبيت أهديه كرمز للحب... حطيتها تحت المخدة عشان اذا بغى ينام يتفاجأ فيها...

بس أنا اللي تفاجأت...

تخيلوا.. نام لين ثاني يوم وما حس إنه في شي تحت راسه...

آآآآآآآآآآآآآآآآآآآآآآآآآآآآآآآآآآه يالإحباط... ومن يومها أحط الهدايا جدام عينه ولا بدون تغليف :p

ع

عروس قديمه

مشرفة سابقة

12-10-2002 | 05:39 AM

لا عن سوالف التطنيش؟؟والقفطه...حدث ولا حرج....

يعني ياما صارت لي..اني اسوي حركه..وكلي حماس..اني اشوف ردة الفعل..
وطبعا تكون ردة الفعل..كأن مافي شي صار؟؟؟

لكن ماعليه.....لا يأس مع الحياه....

ا

المغتربه4622

مشرفة سابقة

12-10-2002 | 09:58 AM

السلام عليكم

تسلمين عروس على هالافكار الحلوه وجزاك الله خير .

واقل شي ممكن ان الزوجه تسويه وتشوف السعاده بعيون زوجها وتسحره الابتسااااااااااامه

استقبليه بابتسامه وعوديه انها تكون اول شي يراه بعد عودته من عمله وبعد يومه الشاق وشوفي سحر هالابتسامه ;)

اختكم:
العصفور المهاجر

ا

الرميصاء

عروس نشيطة

12-10-2002 | 03:30 PM

عروس قديمه
افكار رائعه جدا ومفيده ان شالله نسويه ويكون لها اثر في نفوس الازواج

وهذه شهادة لمن تريد منح زوجها شهادة حب و تقدير

ا

المبدعة

مشرفة سابقة

12-10-2002 | 04:03 PM

الغاليه عروس قديمه

افكارج حلوه .. والله يسعدج ويا ريلج:) يا المبدعه

ا

اديب

عروس ماسية

12-10-2002 | 05:41 PM

@@ مشرفتنا الكريمه عروس قديمه

انا اتمنى هاشيء من زوجاتنا

وانا اعتقد لو الزوجات قاموا بجزء من كلامك

كان يحسدونهم الحور العين على حسن هالمعامله

وربي يسمع منك

اديب

ب

بنت المملكة

عـروس منتديات عـروس

12-10-2002 | 06:54 PM

<marquee direction="Up" scrollAmount="2">
<FONT size="4" COLOR="Blue">
تسلمين عروس على هالافكار الحلوه وجزاك الله خير .

</FONT>
</marquee>
اختك

بنت المملكة

م

مرمر

مشرفة سابقة

12-10-2002 | 07:01 PM

بالفعل افكااار حلوووووووووه

تسلمين اختي على هذي الافكار الروعه

:)

ا

الدانه الاموره

عروس نشيطة

12-10-2002 | 08:45 PM

تسلمين عروس قديمه على الافكار الحلوه وكل وحده تنورنا بأفكار جديده
ايش نسوي حنا يالحريم يا ريت الرجال يفكرون زينا..
وانا عني عندي فكره
1- ارسلي له على الاميل كلام حلو او شعر او صور حلوه ومضحكه وعلقي عليها
2-فاجئيه بجو حلو من الرومنسيه وبجلسه شوي مثلا انتي وهو بس

ع

عروس قديمه

مشرفة سابقة

12-10-2002 | 09:42 PM

مشكورين على الافكار...والردود الحلوه....

عندي فكره حلوه.....
بعد الغدا...
دلكي رجوله بكريم...
ترى تدليك الرجل..مفيد جدا..وينشط الدوره الدمويه....

لا تنسين المسجات..بين الفترة والاخرى....

اصتعي كيكه....ومكتوب عليها كلام حلو...كاحتفال بينكم...

قبل ما يرجع من الشغل..بخري كبته ورشيه بالعطور....عشان يوم يفتح الكبت..يقول ...امممممم..الله يخللي زوجتي...ولايحرمني منها...ويفتقدج لو طلعتي من البيت...

شو رايكم...افكار ..حلوه...؟؟؟

ا

الدانه الاموره

عروس نشيطة

12-10-2002 | 10:04 PM

افكارك حلوه يا عروس قديمه ونورينا بعد
يالله يا بنات خلونا نبدع عطونا من الافكار الحلوه علشان كل يوم تسوين
شيء;) ;) ;) ;)

ا

اديب

عروس ماسية

12-10-2002 | 10:12 PM

@@ اختنا الكريمه عروس قديمه

انت جديدة في افكارك وابداعاتك

اتمنى من الزوجات ان يأخذوا بتلك التوجيهات والنصائح

عشان يريحوننا شوي ويكسروا الروتين اللي احنا ماشين عليه

اديب

ع

عروس دبي

مشرفة سابقة

13-10-2002 | 12:19 AM

عندي فكرة ممكن تطبقونها على الأزواج واحنا سويناها في البيت

مثلا اذا عنده مناسبة مثل يوم ميلاده واشتريتله هدايا مثلا عطور ،بزمة،بوك......شو تسوين؟

امممممممممممممممممممم

تسويله خريطة الكنز هو طبعا يتوقع هدية بالساهل

بس انتي لازم تنشفين ريجه

كيف؟

تحطيله ظرف مثلا في السيارة وتقوليله كل عام وانته بخير ...وهديتك بانتظارك مثلا يعني او اي صيغة

تحطين شيء من الهدايا في علبة مثلا العطر وتغلفينه وتعدلينه وتحطينه في الصالة وداخل العلبة ظرف مكتوب فيه

مثلا سير وافتح دبة السيارة وبتحصل مفاجأة....المهم مكان ما يتوقعه

بيسير ويفتح دبة السيارة ويحصل علبة ثانية اصغر مثلا فيها بزمة وكرت ثاني مكتوب سير الكبت دور بين ثيابك ...او اي مكان ثاني

وبيدور طبعا وبيحصل الهدية وانا سويتها لبنت أختي وكنت مسوتلها 7 علب كل علبة في مكان وكل علبة فيها ظرف يقولها في المكان الفلاني بس من غير تحديد مثلا في غرفة النوم في الصالة في المطبخ...الخ

اتخيلي شكله وهو يدور بين الجدور على الهدية ومثلا يحصلها آخر شيء في الفرن...:D

بس هو بيفرح طبعا كل شوي هدية وبيتعب على الهدايا ......

اتمنى تعجبكم الفكرة واذا حبيتوها ممكن اضيف ....

ا

الدانه الاموره

عروس نشيطة

13-10-2002 | 12:41 AM

صراحه يا عروس دبي فكره تجنن

بس ابسويها انشاالله وبنشف ريقه اتحفينا بالافكار النيره
والله يعين رجالنا
بس هي حلوه دعابه وهديه ;) ;)
(g) (f)

م

مياري

عروس جديدة

10-01-2003 | 09:48 PM

عروووس قديمة

قمة في الافكار والذوق

الله يسعدك يا رب

ا

البراءه

عروس مشاركة

20-01-2003 | 02:20 AM

ما شاء الله عليج
وبارك الله فيج

#

## الجريئه ##

عروس جديدة

20-01-2003 | 03:40 AM

أشياء جميله ورائعه
الله يعطيك العافيه .:cool:

ا

البراءه

عروس مشاركة

21-01-2003 | 07:14 PM

ما شاء الله عليج وبارك الله فيج ;)