بو خليفة حي ما مات ...رثاء في فقيد الامة العربية والاسلامية لحبيب الشعب وتاج راسنا

السلام عليكم ورحمة الله وبركاته
هيه نعم بوخليفة حي ما مات ..حي في قلوبنا وقلوب كل مقيم على دولتنا وقلوب العرب والمسلمين عمرنا ما بننساك يالغالي
الله يرحمك يا بابا زايد الله يرحمك يا حبيب الشعب يالزعيم يا تاج راسي يا شيخي وشيخهم كلم ........يا رب تجعل قبره روضة من رياض الجنة يالله ترحمه وتغفرله وتدخله الجنة بدون حساب يا رب نشهدك وملائكتك نحن رعيته يأنا قد رضينا عنه ..فارض عنه ووسع مدخله يا حي يا قيوم (انشر ليصل الى الجميع فالوالد محاسب عن كل الشعب )
ارتاح يا ابويه واطمان ان شاء الله بنكمل وبنمشي على طريقك ومنهجك وبنكمل اللي بنيته وبنرفع اسم الامارات فوق فوق فوق عشان تعرف انه تربيتك فينا وتعبك علينا ما راح خسارة
ابويه تدري كنت اتمنى بس مرة في حياتي اني اشوفك وجه لوجه تدري ليش؟؟؟ بس عشان اقولك اني احبك واااااااااااااايد وابوسك فوق راسك واشكرك على كل شي واوقلك اللي فاي خاطري واخبرك عن اللي يخربون البلاد بس ما كان لي نصيب في شوفتك (الله يرحمك يا بابا زايد)

ااااااااااااااااااه يا ابويه عمري ما تخيلت هذا اليوم اللي اشوفهم يصلون عليك ولا دموع الريايل اللي تنزل بغزارة كنهم يهال ماا همهم الكاميرات والتلفزيونات تدري ليش ما همهم ؟؟ لانهم يحبونك ويموتون فيك الكل يحبك يا بابا زايد بس انا احبك اكثر منهم كلهم ........الله يرحمك يالغالي ويسامحك ويغفرلك ويدخلك الجنة

بس مع كل الحزن اللي في قلبي انا في نفس الوقت فرحانة فهنيئا لك يا ابويه حسن الخاتمة سبحان الله في شهر رمضان وفي اول ليالي العشر الاواخر والله انك تستاهلها يا حبيب الشعب يالغالي

هذا رثاء في فقيد الامة بس مهما قلنا وكتبنا بنظل مقصرين في حقه

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
يا أبوي ما ادري ابكي عليك ولا اهـــــنيك=
ابكي على فرقاك ولا اهنيك بحسن الخـــتام
يا أبوي اعذرني إن كنت عذبتك وأنا أبكيك =
ماهو بكيفي غصب عني القلب مــــــــا رام
يا أبوي لو كنت اقدر العمر أعطيك =
كان ما ترددت لحظة وعالدنيا الســـــــــــلام
بس ربي رادك انته والموت حق علينا وعليك =
واختارك الله بجواره من بين الأنــــــــــــام
يا أبوي صحـــــــيح انه كلنـــــــا نبغــــــــيك =
بس مدام ربي خذك في شهر الكـــــــــــرام
هنيئا لك هالخاتمة في العشـــــــــر تكفــــــيك =
ربي يرزقك جناته وتدخلها بســـــــــــــــلام
يا أبوي كلنا نحبك وبالخــــــــــــــير بنطريك =
من شيوخ ومن شباب و أرامل و أيـــــــــتام
يا أبوي ما قصرت فينا عسا الله بالخير يجزيك=
حولت البلاد لجنة وطلعتها للنور من بعد الظلام
يا شيخ والله لو نكتب القصيد بدمنا ما نوفيك=
انته اللي علمتنا وحققت لنا الأحــــــــــــــــلام
نوعدك يا أبويه نمشي على نهجك ونرضيك =
تعبت ........ويحقلك ترتاح وتــــــــــــــــــنام
صحيح انه الجسد مات لكن الذكرى بتحييك =
بتظل حي في قلوبنا على طول الأيــــــــــــام
وداعة الله يا زايد عسى الله بالجنة يوفــــيك =
كنت أبونا وقايدنا وشيخنا واعدل الحكـــــــام
[/poet]
[/poet]
احب اشكر كل الخوات والاخوان الللي فعلا ما قصروا ياحظك يا بابا زايد كلهم يحبونك وان شاء الله بيدعولك


اخر شي سامحوني عالكلام الملخبط اللي كتبته فوق والله ما اعرف شو اقول هو مجرد كلام في خاطري وطلعته لاني وايد مضايجة فاتحملوني شوي

طلبتكم ؟؟قولوا تم ...قلتو؟؟ ادعوله ادعوله في هالشهر الكريم ادعوله في السجود وفي دعاء كتبته فوق طرشوه لكلك اللي تعرفوهم لانه الوالد مسؤول عن كل الشعب
وردو له ولو شي بسيط من جميله علينا اختمو القران مرتين مرة عنكم ومرة عن الوالد والله انه يستاهل كل خير هو ما قصر فينا بشي فلا تقصرون فيه

اسمحولي على الاطالة
والله يرحمك يا بابا زايد
والله اني احبك واااااااااايد