السلام عليكم ورحمة الله وبركاته
كل عام وانتو بخير عارفه انها جت متأخره بس وش اسوي :pain:
بدخل بالموضوع على طول
لاني فعلا اخطأت في اختيار صديقاتي للأسف يابنات صعبه لما الوحده تكون
تحب صديقاتها وهم للأسف مايعملون لها قيمه بذات صديقات الطفوله
الصديقات اللي بحياتي ماخبيت عليهم شي اعتبرهم جزء مني وهم
مايعتبروني شي عندهم دائما اقول خلاص بتركهم وماعاد اكلمهم
ولااتصل عليهم بس بعد ما افكر اقول لا ما اقدر هالحين انا وحيده
من عيلتي وبوسط اهلي وكمان اصير وحيده من الأصدقاء صعبه دائما
اضغط على نفسي واتصل عليهم حتى لما يجلسون بالشهور مايكلموني اقول
مو مشكله خليني اتصل عليهم واتواصل معاهم بدل ما اجلس من دون اصدقاء
ولما اكلمهم للأسف الاقي منهم الجفا بالكلام حتى اصدقاء الروح بالروح
يعاملوني كذا نفسي اعرف وش الغلط اللي فيني وش مسويه انا عشان يصير
معي كذا معقول ماعندي أسلوب بالكلام معاهم هذا ونا كلامي معاهم بأدب
واحترام وخجل نفسي يبادلوني اللي ابادله لهم بقلبي مرات اقول وش
فيني انا معقوله انا رديه لهدرجه عشان حتى الاصدقاء مبتعدين عني
ولا انا اللي ماعرفت اختار صديقات يعرفون معنى الصداقه نفسي بجد
يكون عندي صديقات وفيات وقت ما احتاجهم الاقيهم مو لما اكلمهم يالله
انا مقدر اكلمك هالحين ولا بسرعه بسرعه تبي تخلص المكالمه انا
ما اطلب من احد شي بس نفسي تكون عندي الصديقه اللي دائما
اسمع عنهم لما يقولون انهم روحين بجسد واحد كل وحده تحس بالثانيه
يتشاورون بكل شي يشكون لبعض حتى لما يشترون شي او لما تقرر وحده منهم
تسوي شي تتصل تشاور صديقتها تجيها تتغدى تتعشى تروح وتجي معاها
انا ماعندي ذا كله بالعكس انا اللي دوم اتصل عليهم
ونا اللي دوم ابارك لهم بالمناسبات ونا اللي اعيد عليهم ونا ونا
وناااااااا كل شي انا.. يترى هل انا صح ولا خطأ انا لهدرجه ما انحب
لهدرجه فيني صفات منفره عشان العالم وبذات صديقاتي يبتعدون عني
والله مدري الله اعلم بس :confused:
للأسف أخطأت في الإختيار
م
31-10-2004 | 01:33 AM
م
31-10-2004 | 02:33 AM
السلام عليكم ورحمة الله وبركاته
والله يأختي حنَّا في زمن أنعدم فيه معنى الصداقه الحقيقيه وأختفى الصديق الصدوق
ومعنى الصداقه تختفي خلف ستار المصالح
زمن مايمشون الا بالمصالح أذا حد عنده مصلحه راح تربطه معك صداقه مافي مصلحه يبقى مع السلامه
وأنا أحيِّ فيكِ روح الصداقه الي تخليكِ تسئلي عن زميلاتك حتى لو جفوكِ
لكن .. الي تشعرين أنها متضايقه لما تكلمك أبتعدي لأن وجودك معها مراح يخلف لك غير الضيق
وهذا زمن صعب تشكلين فيه الصديق على هواكِ أو على هواي
ولاتحاولين تهزين من شخصيتك وتقللين من ثقتك بنفسك لأنك راح تتعبين أكثر
ولو تريدي ترتاحي أكثر أعطي بدون مقابل يعني لما تتصلين على حد من زميلاتك لاتنتظرين أنها راح تتصل عليكِ
وعلى فكره حبيبتي أظن هذا اللقب ( المقهوره ) رسم لك طريق كله قهر ومأسي ليه مايكون لقبك متفائل أكثر
وربي يوفقك دنيا وأخره
ولكم مني كل التقدير والأحترام
مملكة القلوب 
31-10-2004 | 02:35 AM
انتي مااخطاتي بس بهالزمن ماعاد فيه اخلاص ونصيحه مني من باعك
بيعه والوحده ارحم من ناس ماتستاهل
بيعه والوحده ارحم من ناس ماتستاهل
*
31-10-2004 | 02:51 AM
مممممممممممممممممممممممممم
ممم
طبعا اول شي السلام عليكم
اختي انا جدا تأثرت بقصتك
بس ماعرف انتي اسلوبك كيف وشخصيتك وش هي
لكن بحاول اعطيك شوي نصايح..
1/ عزة النفس...اهم شي الكرامه وعزة النفس..يعني اللي مايبيني ماابيه
2/ في ناس يحبون الواحد الثقيل..اللي مايحتاج لهم..هذول اللي يذلون الشخص المحتاج لهم..
3/ الحياء حلو لكن مو في كل وقت..الجرأه والشخصيه الاجتماعيه..الكلمه اللي تخرج منك تكون بثقه تامه...هذا كله يميزك ويلفت النظر لك...
4/لاتحددين صداقاتك..يعني مو بالمدرسه بس..ممكن بنات عايلتك من بنات خالاتك وخوالك...او عماتك وعمامك..صداقات خارجيه بس الخارجيه حاولي مانجرفين معهم مره مجرد بوقتها لان اولا ماتدرين من هالشخص اللي قدامك..ثانيا بيساعدك الكلام مع اللي بالخارج للتعود علىالجرأه بالكلام .
5/قريباتك تقوين صلتك فيهم كيف..؟..اطلعو مع بعض تمشو..ماقدرتوو..عادي اقعدو بالبيت سوو لكم هيييصه وبارتي على قدكم...ونسو اعماركم..باتي في بيتهم او اعزميهم يباتون عندك..مثل كذا...
6/اسرارك وضيقتك اصبري شوي الى ماتثقين بوحده معينه..فقط وحده ..ترتاحين لها تتأكدين انها مناسبه تفضفضين لها ..متأكده انها بتنصحك عند الغلط ماتقول وش يدخلني فيها..تخاف عليك بمعنى الكلمه تصيرون مثل الخوات..ولاتصيرين كثيرة الشكوى وذكر المشاكل..يعني بس بالموقف اللي مررره صعبه حالتك فيه..بس تدرين اختي..افضل شي وهذا اللي انا استخدمه ..اول ماتضايق من شي سواء تافه او لاء..عندي دفتر اكتب كل شيء فيه..بعدها احس راااحه كبيره ولاكأني تضايقت ولاهم يحزنون...يعني تصيرين انسانه بوجه بشوش ونفس مرحه قدام الكل..محد يرى ضيقتك..كبيها كلها بذا الدفتر..هو اللي يساعد ولابيتنرفز
7/ بنفسك حاولي تغيري جوك بنفسك..مو لاصار لك موقف يزعل ومايستاهل زعلك ..تنكدين على عمرك..استغفري واذكري ربك..وصليلك ركعتين..صدقيني بترتاحين ..بعدها اضحكي واستانسي زي ماتبين..
8/خلك اجتماعيه مع كل اللي في البيت..خلي الكل يحس فيك..ومن تختفين شوي يفقدونك..
شووووفي كل هاللي ذكرته فوووووق مايصير في يوم وليله بالتدريج...كل شي يجي بالتدريج...ولاتنسين اي شي تسوينه او تقولينه..بثقققققه خليك واثقه من عمرك..:shy:
حتى لو غلطتي...مافيها شي الغلط مو عيب واعترفي فيه وانتي مبتسمه بعد..العيب اللي يسوي الغلط ولايعترف فيه
اختي معليه هذا اللي قدرت عليه..واعذريني على القصور ..ودعواتك لي
اختك الدانه
ممم
طبعا اول شي السلام عليكم
اختي انا جدا تأثرت بقصتك
بس ماعرف انتي اسلوبك كيف وشخصيتك وش هي
لكن بحاول اعطيك شوي نصايح..
1/ عزة النفس...اهم شي الكرامه وعزة النفس..يعني اللي مايبيني ماابيه
2/ في ناس يحبون الواحد الثقيل..اللي مايحتاج لهم..هذول اللي يذلون الشخص المحتاج لهم..
3/ الحياء حلو لكن مو في كل وقت..الجرأه والشخصيه الاجتماعيه..الكلمه اللي تخرج منك تكون بثقه تامه...هذا كله يميزك ويلفت النظر لك...
4/لاتحددين صداقاتك..يعني مو بالمدرسه بس..ممكن بنات عايلتك من بنات خالاتك وخوالك...او عماتك وعمامك..صداقات خارجيه بس الخارجيه حاولي مانجرفين معهم مره مجرد بوقتها لان اولا ماتدرين من هالشخص اللي قدامك..ثانيا بيساعدك الكلام مع اللي بالخارج للتعود علىالجرأه بالكلام .
5/قريباتك تقوين صلتك فيهم كيف..؟..اطلعو مع بعض تمشو..ماقدرتوو..عادي اقعدو بالبيت سوو لكم هيييصه وبارتي على قدكم...ونسو اعماركم..باتي في بيتهم او اعزميهم يباتون عندك..مثل كذا...
6/اسرارك وضيقتك اصبري شوي الى ماتثقين بوحده معينه..فقط وحده ..ترتاحين لها تتأكدين انها مناسبه تفضفضين لها ..متأكده انها بتنصحك عند الغلط ماتقول وش يدخلني فيها..تخاف عليك بمعنى الكلمه تصيرون مثل الخوات..ولاتصيرين كثيرة الشكوى وذكر المشاكل..يعني بس بالموقف اللي مررره صعبه حالتك فيه..بس تدرين اختي..افضل شي وهذا اللي انا استخدمه ..اول ماتضايق من شي سواء تافه او لاء..عندي دفتر اكتب كل شيء فيه..بعدها احس راااحه كبيره ولاكأني تضايقت ولاهم يحزنون...يعني تصيرين انسانه بوجه بشوش ونفس مرحه قدام الكل..محد يرى ضيقتك..كبيها كلها بذا الدفتر..هو اللي يساعد ولابيتنرفز
7/ بنفسك حاولي تغيري جوك بنفسك..مو لاصار لك موقف يزعل ومايستاهل زعلك ..تنكدين على عمرك..استغفري واذكري ربك..وصليلك ركعتين..صدقيني بترتاحين ..بعدها اضحكي واستانسي زي ماتبين..
8/خلك اجتماعيه مع كل اللي في البيت..خلي الكل يحس فيك..ومن تختفين شوي يفقدونك..
شووووفي كل هاللي ذكرته فوووووق مايصير في يوم وليله بالتدريج...كل شي يجي بالتدريج...ولاتنسين اي شي تسوينه او تقولينه..بثقققققه خليك واثقه من عمرك..:shy:
حتى لو غلطتي...مافيها شي الغلط مو عيب واعترفي فيه وانتي مبتسمه بعد..العيب اللي يسوي الغلط ولايعترف فيه
اختي معليه هذا اللي قدرت عليه..واعذريني على القصور ..ودعواتك لي
اختك الدانه
ت
31-10-2004 | 03:06 AM
حتي انا اخطأت الاختيار ومنذو ذلك الوقت وانا لم اقم اي علاقه صداقه
فلقد كانت لي صديقه اعتبرها اعز من اخت وصديقه عمر طويل وانتهت عندما بانت الحقيقه والمصلحه الشخصيه انهيت كل شىء وخسرت ما لا عليه اي حسف او زعل
فلقد كانت لي صديقه اعتبرها اعز من اخت وصديقه عمر طويل وانتهت عندما بانت الحقيقه والمصلحه الشخصيه انهيت كل شىء وخسرت ما لا عليه اي حسف او زعل
ا
31-10-2004 | 07:04 AM
كاتب الرسالة الأصلية : *الدانه*
1/ عزة النفس...اهم شي الكرامه وعزة النفس..يعني اللي مايبيني ماابيه
اختك الدانه
:up:
ا
31-10-2004 | 08:55 PM
السلام عليكم ورحمة الله وبركاته
ما شاء الله البنات ما قصرووا
وانا دخلت بس عشان اقولك باني افتقدت وجودك بالمنتدى
ويعلم الله بانك على باللي
وربي يرزقك كل خير ويرزقك بالزوج الصالح والذرية الطيبه يارب انك سميع الدعاء ...
اختك في الله ...
ما شاء الله البنات ما قصرووا
وانا دخلت بس عشان اقولك باني افتقدت وجودك بالمنتدى
ويعلم الله بانك على باللي
وربي يرزقك كل خير ويرزقك بالزوج الصالح والذرية الطيبه يارب انك سميع الدعاء ...
اختك في الله ...
ش
31-10-2004 | 09:18 PM
اللي يشوف مصيبة غيرة تهون عليه مصيبته :down:
حبيبتي عندي وعندج خير بس المشكله ان احنا كنا شله وفيه وحده سوسه حسودة وتغير مني وماتحبني مع انها تظهر اانها تحبني بس يالله :pain:
المهم خلي اللي في القلب في القلب بس بنصحج ماراح تلاقين صديقه بمعنى الكلمه بسهوله :confused::confused::confused::confused:
انا الحمدلله عندي صديقة طفولتي تسوا عندي الدنيا ومافيها الله يخليها لي :smile:
حبيبتي عندي وعندج خير بس المشكله ان احنا كنا شله وفيه وحده سوسه حسودة وتغير مني وماتحبني مع انها تظهر اانها تحبني بس يالله :pain:
المهم خلي اللي في القلب في القلب بس بنصحج ماراح تلاقين صديقه بمعنى الكلمه بسهوله :confused::confused::confused::confused:
انا الحمدلله عندي صديقة طفولتي تسوا عندي الدنيا ومافيها الله يخليها لي :smile:
ع
31-10-2004 | 09:35 PM
اختي مقهورة صج السالفة تألم لاني مريت فيها
انتي صح وانا صح لكن الزمن الحين زمن المصالح عندج مصلحة
لهم بخلونج فوق راسهم من تخلص المصلحة خلصت الصداقة
الله يعينج ويعينا بس اصابع اديج مب نفس الشي اكيد بتلقين صديقة ولو وحدة وفية
انتي صح وانا صح لكن الزمن الحين زمن المصالح عندج مصلحة
لهم بخلونج فوق راسهم من تخلص المصلحة خلصت الصداقة
الله يعينج ويعينا بس اصابع اديج مب نفس الشي اكيد بتلقين صديقة ولو وحدة وفية
د
31-10-2004 | 09:45 PM
اختي مقهوره الي صار معك نفس الي يصير معي انا هالحين انطويت على حالي وقفلت بابي لين الاقي الصديقه الي تستاهل اني اقول عنها صديقه واسمعي مني هم الخسرانين ولا تشغلي بالك بهم وانتي عايشه بهم وبدونهم:smile::smile::smile:
ح
01-11-2004 | 04:00 AM
أختي مقهوره حصل معي الكثير وواجهت في حياتي الكثير مثل هذه الصداقات التي هدفها الأساسي المصلحه و لذلك أصبحت حريصة جدا قبل أن أخطو أي خطوة في اتجاه صداقة جديده دون أن أتأكد من هذه الصديقه والدنيا مازالت بخير ولو خليت لخربت والخير في أمتي إلي يوم القيامه وحتما ستجدين من هو جدير بصداقتك إني أرجو أن تراسلني على الإيميل إذا أردت ذلك
ي
01-11-2004 | 06:35 AM
كاتب الرسالة الأصلية : مملكة القلوب
السلام عليكم ورحمة الله وبركاته
والله يأختي حنَّا في زمن أنعدم فيه معنى الصداقه الحقيقيه وأختفى الصديق الصدوق
ومعنى الصداقه تختفي خلف ستار المصالح
زمن مايمشون الا بالمصالح أذا حد عنده مصلحه راح تربطه معك صداقه مافي مصلحه يبقى مع السلامه
وأنا أحيِّ فيكِ روح الصداقه الي تخليكِ تسئلي عن زميلاتك حتى لو جفوكِ
لكن .. الي تشعرين أنها متضايقه لما تكلمك أبتعدي لأن وجودك معها مراح يخلف لك غير الضيق
وهذا زمن صعب تشكلين فيه الصديق على هواكِ أو على هواي
ولاتحاولين تهزين من شخصيتك وتقللين من ثقتك بنفسك لأنك راح تتعبين أكثر
ولو تريدي ترتاحي أكثر أعطي بدون مقابل يعني لما تتصلين على حد من زميلاتك لاتنتظرين أنها راح تتصل عليكِ
وعلى فكره حبيبتي أظن هذا اللقب ( المقهوره ) رسم لك طريق كله قهر ومأسي ليه مايكون لقبك متفائل أكثر
وربي يوفقك دنيا وأخره
ولكم مني كل التقدير والأحترام
آه يالمقهورة :down: الله يفرجها عليج وعلينا حبيبتي
الله كريم
ا
01-11-2004 | 07:19 AM
السلام عليكم
مقهوره وشحالج
والله زمن محد درى عنج يالغاليه وكلنا نحاتيج ودوم على بالنا
حبيبتي ولا كلمه من كلامنا بتخفف عنج الالم رغم انه معظمنا مرينا باللي مريتي فيه ونمر الحين...شقولج الالم صعب وخذلان الاصدقاء مر بالذات اذا انتي متعوده تعطيهم وايد وبالذات اذا انتي وحيده
شوفي انا على ما ابتلانا الله بفقد عمي الله يرحمه من كثر حاجتي لصديقاتي وانا في الغربه بروحي طرشت لهم مسجات عشان يعرفوا بمصابي ويوقفوا معي ...بشو احلفلج انه اعز وحده فيهم واقربها وايد عبلت على روحها وطرشت مسج تعزيني وعقبها خبر خير والباقيات حتى مسج ما طلعت من خواطرهم..يعني فوق واجب العزا ما سووه اختهم بالغربه ما تعبلوا منها ومن المها...يعني حتى ما حسوا على دمهم انه هالمخلوقه اروحها مطرشه لنا تخبرنا بمصيبتها يعني محتايه ...تصدقي عقب فتره وحده فيهم كلمتها وعاتبتها وفعلا كنت قاسيه عليها تعرفي شو قالتلي: تقولي لا ما اتوقع انتي يالريم تقوليلي هالكلام وتقسي علي بهالطريقه؟ والله اني ضحكت يوم قالتلي قلتلها صح لانج متعوده مني كل طيب ...لكن شقولج فقد الغالي وقتها حسسني انهم خلهم يولوا دام راح مني الاعز منهم ليش بصيح عليهم رغم اني وحيده وايد وحتى يوم برد عمان انا اعيش مع اخوي بعيد عن اهلي يعني حياتي كلها بين ربيعاتي بس صدقيني قررت ما اخليهم اقصى امالي...ربي ومن عقبه اهلي وبس واللي بيعاملني بالطيب بعامله بالطيب...
الالم والوحده والضيقه تقتلني لكن اقرا قران وهذا يساعدني ...اتعب صح وودي اكلمهن بس ارد واقول اذا بالموت ما شفت وقفتهن معقوله برخص عمري لهن وانا لو الوحده فيها تصيبها حمى اتم اطفر اهلها من التلفونات اطمن عليها
انتي توكلي على الله وطبيهم...لو دقوا عليج دقي عليهم ولو سألوا سألي ولو نسوج انسيهم...وربج ما ينسى حد...احنا بس نعطيهم اهميه كبرى في حياتنا ما يستحقوها
مقهوره غيري اولوياتج في الحياه...لفتره طويله كانوا ربايعي ثاني اولويه في حياتي بس اليوم شلتهم تماما من اللسته ...ديني دراستي اهلي والسمعه الطيبه هي اولوياتي الحين والباقي على ما ربي ييسره...كل ما تألمتي من فقدهم تذكري انج ما غلطتي في حقهم وهالشي بيخليج قويه
ونصيحه اخيره ...لا تيلسي تحاولي تفهمي الشي اللي يخليهم يتعاملوا بهالطريقه لاني بعد فتره طويله من التفكير مثلج وصلت لنتيجه انه الناس ما يحتايوا سبب عشان يخذلوا ربعهم وهالشي ما يخضع للمنطق...ابليس ما يحتاي سبب يالغاليه
العشر الاواخر مقبله عليج وعلينا ادعي الله يقوي قلبج على فراقهم ويعوضج باللي احسن منهم
مقهوره وشحالج
والله زمن محد درى عنج يالغاليه وكلنا نحاتيج ودوم على بالنا
حبيبتي ولا كلمه من كلامنا بتخفف عنج الالم رغم انه معظمنا مرينا باللي مريتي فيه ونمر الحين...شقولج الالم صعب وخذلان الاصدقاء مر بالذات اذا انتي متعوده تعطيهم وايد وبالذات اذا انتي وحيده
شوفي انا على ما ابتلانا الله بفقد عمي الله يرحمه من كثر حاجتي لصديقاتي وانا في الغربه بروحي طرشت لهم مسجات عشان يعرفوا بمصابي ويوقفوا معي ...بشو احلفلج انه اعز وحده فيهم واقربها وايد عبلت على روحها وطرشت مسج تعزيني وعقبها خبر خير والباقيات حتى مسج ما طلعت من خواطرهم..يعني فوق واجب العزا ما سووه اختهم بالغربه ما تعبلوا منها ومن المها...يعني حتى ما حسوا على دمهم انه هالمخلوقه اروحها مطرشه لنا تخبرنا بمصيبتها يعني محتايه ...تصدقي عقب فتره وحده فيهم كلمتها وعاتبتها وفعلا كنت قاسيه عليها تعرفي شو قالتلي: تقولي لا ما اتوقع انتي يالريم تقوليلي هالكلام وتقسي علي بهالطريقه؟ والله اني ضحكت يوم قالتلي قلتلها صح لانج متعوده مني كل طيب ...لكن شقولج فقد الغالي وقتها حسسني انهم خلهم يولوا دام راح مني الاعز منهم ليش بصيح عليهم رغم اني وحيده وايد وحتى يوم برد عمان انا اعيش مع اخوي بعيد عن اهلي يعني حياتي كلها بين ربيعاتي بس صدقيني قررت ما اخليهم اقصى امالي...ربي ومن عقبه اهلي وبس واللي بيعاملني بالطيب بعامله بالطيب...
الالم والوحده والضيقه تقتلني لكن اقرا قران وهذا يساعدني ...اتعب صح وودي اكلمهن بس ارد واقول اذا بالموت ما شفت وقفتهن معقوله برخص عمري لهن وانا لو الوحده فيها تصيبها حمى اتم اطفر اهلها من التلفونات اطمن عليها
انتي توكلي على الله وطبيهم...لو دقوا عليج دقي عليهم ولو سألوا سألي ولو نسوج انسيهم...وربج ما ينسى حد...احنا بس نعطيهم اهميه كبرى في حياتنا ما يستحقوها
مقهوره غيري اولوياتج في الحياه...لفتره طويله كانوا ربايعي ثاني اولويه في حياتي بس اليوم شلتهم تماما من اللسته ...ديني دراستي اهلي والسمعه الطيبه هي اولوياتي الحين والباقي على ما ربي ييسره...كل ما تألمتي من فقدهم تذكري انج ما غلطتي في حقهم وهالشي بيخليج قويه
ونصيحه اخيره ...لا تيلسي تحاولي تفهمي الشي اللي يخليهم يتعاملوا بهالطريقه لاني بعد فتره طويله من التفكير مثلج وصلت لنتيجه انه الناس ما يحتايوا سبب عشان يخذلوا ربعهم وهالشي ما يخضع للمنطق...ابليس ما يحتاي سبب يالغاليه
العشر الاواخر مقبله عليج وعلينا ادعي الله يقوي قلبج على فراقهم ويعوضج باللي احسن منهم
س
06-11-2004 | 01:02 PM
عزيزتي مقهورة
لاتنقهرين ولاشئ تراج انتي الصح :up:
ومثل ماقالوا الخوات احنا في زمن انعدمت فيها الصداقة الحقيقيه
بتلاقين اللي ترابعج عشان مصلحتها وبس وعقبها بتودرج
بس مثل مافي الشين فيه الزين ومب كل الناس مثل بعض
وهاللي انتي تقولين عنهم مايستحقون صداقتج لانه الصداقه اكبر
من مفهومهم فلا تشغلين بالج فيهم
الله يوفقج
لاتنقهرين ولاشئ تراج انتي الصح :up:
ومثل ماقالوا الخوات احنا في زمن انعدمت فيها الصداقة الحقيقيه
بتلاقين اللي ترابعج عشان مصلحتها وبس وعقبها بتودرج
بس مثل مافي الشين فيه الزين ومب كل الناس مثل بعض
وهاللي انتي تقولين عنهم مايستحقون صداقتج لانه الصداقه اكبر
من مفهومهم فلا تشغلين بالج فيهم
الله يوفقج
ا
07-11-2004 | 02:35 PM
بسم الله الرحمن الرحيم
السلام عليكم ورحمة الله وبركاته
أختي الغالية
الصداقة الحقيقة هي تلك الصداقة التي تكون في الله بالفعل تشعرين بلذة هذه الصداقة لا مصلحة ولا حاجة وال ظاهرة إجتماعية بل حب صادق تجدينهم عند الفرح وعند الترح في مقدمة من يهنئكِ أو يقف إلى جواركِ
فالمحبة في الله دائمة لا تنقطع وكلما انقطعت عادت من جديد وتشابكت خيوطها
كلنا نخطئ في اختيارنا في بعض الأحيان ولكن علينا أن نحرص في المرات القادمة على حسن الاختيار وأن يكون هدفي من الصداقة هو المحبة في الله ولا شيء سوى ذلك
أختكم
المرتحله
السلام عليكم ورحمة الله وبركاته
أختي الغالية
الصداقة الحقيقة هي تلك الصداقة التي تكون في الله بالفعل تشعرين بلذة هذه الصداقة لا مصلحة ولا حاجة وال ظاهرة إجتماعية بل حب صادق تجدينهم عند الفرح وعند الترح في مقدمة من يهنئكِ أو يقف إلى جواركِ
فالمحبة في الله دائمة لا تنقطع وكلما انقطعت عادت من جديد وتشابكت خيوطها
كلنا نخطئ في اختيارنا في بعض الأحيان ولكن علينا أن نحرص في المرات القادمة على حسن الاختيار وأن يكون هدفي من الصداقة هو المحبة في الله ولا شيء سوى ذلك
أختكم
المرتحله