فستـــان بــ 11 ألف ريال سعودي ؟!!

والله شي غريب 11 الف ريال :eek2:
منو الي ناقص عقل عشان يشتريه حتى لو انه شنو
سعر خيالي ولا يطرى على بالبال

----<< تحياته

طيب حبيبتي انا رحت محل وعجبني فستان تدرين كم قيمته والله العظيم قيمته 35 الف ريال سعودي ولا هذا بعد التخفيض
لاحول ولاقوة الابالله

هلا أخوي أمير الظلام 00 وهلا فيك أختي وردة المنتدى 000 تفكرون معاي فيه بنات ما همهم يدفعون اي قيمه لكن ليش ؟!! بطر مثلا او زياده فلوس او مبالغه او جنون او تخلف عمر الشياكه ما تجي بمعصيه صح او أنا غلطانه ؟!!!!!

يا بنات بالعكس انا من ناحيتي مو مهم المبلغ اهم شئ ان الفستان يكون روعة يعني يستاهل مبلغة اما اذا جاك الفستان عاااادي وغالي هذا فعلا نستخسر فيه ريال واحد
اما اذا كااااااااااان فخم فخم فخم عادي لو ادفع عليه 50000
وبعدين انا سمعت ان حنان دشتي خبيرة التجميل الرائعة والمشهورة
تجي للسعودية تزينك ب 10000 بصراحة حتى لو انها غالية بس تقلب كيانك تخليك ملكة جمال واكيد انا مارح ادفع هالمبلغ الا عشان زوجي يشوفني بأحلى زينه لو هالزينة هذي بتكلفني مستعدة لجل عين تكرم مدينة.
وبعدين اهم شئ الذوق بالملابس عندك ناس تشتري اشياء غالية وتحوم الكبد وناس تشتري اشياء معقولة وتهبل واللي تدفع على الشين فلوس تشتري لها شئ فخم وبذيك العدَّة افضل برأيي.

اولا عن الفستان:smile:

اذا باخذ فستان ب11 الف ويجنن وقيمته فيه باخذه وبستخدمه حق العروس والمناسبات يعني بطلع السعر منه وبخليه عندي حق كذا سنه واقدر ازيد عليه واغير تفصيله يعني راح استفيد منه :smile::smile::smile:

لكن المكياج :smile:

لا يااختي الصراااحه حرام انا كنت ابغي اجيب لعرسي حنان دشتي وقالت ب10 الاف الصراحه حرررام يااختي حتي لو تقلب كياني فكرت فيها هم الا ساعتين ان كثروا واغسله وفي ناس يمكيجون بعد حلوا ويقلبونج ملكه ب2000 ريال عندنا بقطر وهم معروفين دينا وعبير

وفكرت ان اول مااسافر الكويت اروح عندها وبتمكيج وبصور عندها عن خاطري :D2:cool2:


حتي يااختي لو عندي فلوس زياده الله بيحاسبني :down:
في ناس موقادرين ياكلون على الاقل اتبرع بكم الف والله يباركني فيهم :smile:


ماادري هذا رايي وطبعا اختلاف الراي لايفسد للود قضيه :up:

وكل شخص برايه :up:

انا اعتقد ان هذة المبالغ حرام تندفع على ملابس لو كان ثوب زفاف يعني معقوله بس ثوب عادي للسهرة موبس غالي الاحرام نشتريه يعني كم مرة راح تلبسينه ...بدل مااشتري لي ثوب بمبلغ خيالي وكل مناسبه البسه اشتري لي في كل مناسبه ثوب غير بسعر معقول لان الناس ماتدري بسعرة بلعكس بيقولو وش هالبخل في كل مناسبه نشوفه عليها ويمكن اذا قلتي لهم سعرة مايصدقوك ويقولو كذابه

بصراحة الاسعار صارت خياليه هم اصحاب المحلات يستغلو تهافت البنات على الملابس ويرفعوا لاسعار بس لو انا مااشتري فستان لانه الوحده راح تلبسة مره وحده او مرتين وبعدين مبلغ زي هذا احسنلك تشتري بيه حاجات واجده بدال ماتحطيه في فستان واحد

:eek2::eek2::eek2:

ما اشتري فستان حتى لو بـ 5 ألاف

ولا حتى بألفين ريال ...

هذا تبذير وبذخ وحرام... (إن المبذرين كانوا إخوان الشياطين)

مو مستعده اكون شيطانه علشان قطعة قماش لا تودي ولا تجيب

فيه فساتين رووعه وكووول والله انها افضل من اللي اسعارهم غالية
في جودة القماش ونوعيته

وفي الواقع هم يرفعون الاسعار علشان اللي قلوبهم مريضه

فيه ناس ما ترتاح ولا تقنع تشتري فستان إلا بالشيء الفلاني

علشان لما تقعد مع صاحباتها تقعد تفتخر انا شريت وانا شريت

بصراحه أنا اغلى فستان شريته في حياتي كان 400 ريال فقط

ولا وحده تقدر تقول كلمه على فساتيني وذوقي

ودائما أطلع المميزة والأكثر أناقه ..بشهادة الجميع

يعني أحنا نشتري اللي يناسبنا واللي يناسب أذوقنا

ولا يهمنا كلام الناس..حتى لو شريت بلوزة ب 15 ريال

ما عندي مشكلة المهم انه يناسبني ويرضي ذوقي

وألقى الراحة النفسية والجسمية فيه


أجمل وأرق التحايا
:up:

السلام عليكم ورحمة الله وبركاته

أعجبني حديثكم جدااا راح أتابع القراءة للردود

ولكم مني كل التقدير والأحترام

مملكة القلوب

تدرون عاد ليش ما نفكر من ناحيه ثانيه لو حصل واشترت اي بنت الفستان لبسته مره ؟ مرتين ؟ ثلاث ؟!! أكثر أقل !! بالنهايه ماعاد تتجرأ تلبسه تحس انها كررته بزود يعني خلاص أصاب الناس ملل وطفش من كثر ما شافوها لابسته يعني بالنهايه راح تكون خسرانه بكل الحالات 00 ولا ننسى لو بيدنا نعمه نحافظ عليها مو نجحد النعمه ونبالغ بالبذخ والتبذير أشكر كل من شارك بهذا الموضووع 00 أختكم موضوعيه 00

كاتب الرسالة الأصلية : موضوعيه
واذا كنتي انتي عاقله غيرك ما عنده عقل راح يشتريه

فستان ب 11 الف وفوق 30 الف علشان لبسة وحده؟ :down:
فعلا مثل ماقالت لك الاخت اللي ماعنده عقل راح يشتري حتى لو مليون :rolleyes:

:eek2::eek2::eek2::eek2:
الحمد لله على نعمة العقل:down:

أعجبني رأي الاخت سحابة صيف عابرة


وبعدين أبي أسأل بكم تجي حنان دشتي الى السعودية ...

والله حرام ..و اخوان مسلمين لنا يموتوا من الجوع ..لا حول ولا قوة إلا بالله العلى العظيم..

في مثل عندنا بمصريقول :اللي عنده مال و محيره يجيب حمام و يطيره:D2

:shy:

السلام عليكم ورحمة الله وبركاته

فستان ب 11 ألف ريال ؟؟؟!!!!

بصراحة كتير كتير فعلا...

لكن الناس و أذواقها تختلف...وكل واحد حسب تفكيره و عقله و حالته المادية و أولوياته في الحياة...

الله يهدي الجميع يا رب...

في كثير ناس فشارين وناقصين عقل وزايدين فلوووووووس

بيشترونه

اللي تجيه الفلوس مو حاس بتعبها ولا شلون جات ولا من وين
أكيد بيدفع هالسعر

وهذا فستان يعني بتلبسينه وبتتفاخرين وتتباهين فيه جدام الناس
شحال اللي يدفع له ذاك السعر على نعال أو جوتي (عزكم الله)

لا والأدهى من هذا كله إن أسعار الثياب الداخلية هالأيام أغلى من الثياب اللي نلبسهم وأغلى من العبايات والشيل وهذا اللي محد يشوفهم

:down: