اشبك على كمبيوتر الدوام من البيت ولا العكس

ثانكس خيوو وماتقصر:clap:

مرحبا اخوي الفاضل Professional

الف شكر اخوي الفاضل على هذا البرنامج اللي راح يستفيد منه الكثير وينفع برضو ان يشبك كمبيوترين مع بعض ويقوم باصلاح الجهاز الثاني عن بعد اذا كان يعاني من اي مشكله بالجهاز

لكن عندي كم سؤال اخوي الغالي

هل قمت بتجربة البرنامج ام لا لان يوجد الكثير من البرامج تقوم بنفس الطريقه ولكن عند تجربتها لم استطيع ان اتصل بالجهاز الثاني

واذا مجربه الطريقه لم توضح بالضبط كيف تقوم بالاتصال بالجهاز الثاني هل عن طريق الايبي ادرس اقدر ان اتصل معاه ان اني اقوم بكتابة اليوزر نيم والباسوورد بالبرنامج وطوالي ادخل على الجهاز الثاني

وتقبل التحيه والتقدير

اخوك المجهول

كيفي دلوعه مشكوره على مرورج

برنامج رائع :up:

تسلم اخوى Professional

الله يعطيك العافيه

اخوي المجهول انا مجرب البرنامج وهو سهل لدرجه ما تتصورها
لا يحتاج اي ابي ولا يحتاج اي شي كل مافي الشغله انك تروح
للموقع الي حطيت لكم اللينك ماله وتسوي ريجستر حق نكنيم
طيب وعقب سلمك الله تنزل البرنامج واول ماتشغله بيطلب منك
النك والباسورد انا اقصد الجهاز الي حاب تشبك عليه يعني
نفرض مثلا جهازك الي تستخدمه الحين تشغل البرنامج عليه
وتعطيه الباسورد والنك نيم وتروح على الجهاز الثاني ومن الجهاز الثاني تدخل
على الموقع وتحط اليوزر نيم والباسورد وهو راح يفتح لك صفحه
ثانيه فيه خيارين تختار منهم الخيار كونكت وبس , وعقب بيطلع لك مربع تحط
فيه الباسورد الي حاطه على الجهاز الي تبي تشبك عليه

واذا تبي الشرح بالصور انا حاط لك صفحه الشرح في الموضوع

الله يعافيج يا شجونه

اخوي الغالي Professional
اشكرك كل الشكر لشرح البرنامج وبالفعل تقريبا كلامك واضح

ولكن هم نطمع بان يكون الشرح بالصوره لان يمكن تواجهنا بعض المشاكل ونتبع صور الشرح اللي تفضلت فيه وخاصه مثل هذي البرامج تفيد الجميع ويحتاجها الكثير

ولدي سؤال اخوي الفاضل

مثلا انا حاليا شبكت بجهاز احد الاصدقاء وعندي برامج حجمها كبيره مثل الفوتوشوب اقدر انقلها الى صديقي اللي شابك معاه بكل سهوله وهل استطيع ان انصب البرنامج لصديقي وانا شابك معاه يعني استطيع التحكم بشاشة صديقي

وهذا نحتاجه كثيرا اذا فيه اي مشكله لاحد الاصدقاء ونتحكم بكل سهوله بجهازه لاصلاح الخطا

فياليت اخوي تفضل لنا بالشرح والاجابه على اسالتي

وتقبل تحياتي

تفضل الشرح يالمجهول

تسلم اخوي الغالي Professional على الوصله الخاصه بالشرح

واتمنى يا اخوي الغالي لو تفيدني بالاسئله اللي ذكرتها لك بالرد السابق

هل بالامكان نقل برنامج مثل الفوتوشوب بكبر حجمه من جهاز لاخر عن طريق البرنامج بكل سهوله


وهل استطيع التحكم بالجهاز الثاني عن بعد يعني اقوم بعمل صيانه بعد ما اشبك فيه من جهازي الثاني او فقط اني انقل الملفات دون صلاحية التحكم بالجهاز الاخر

لان بالفعل احتاج معرفته حتى اتمكن من حل اي مشكله لاصدقائي بعد ما اتمكن من دخول بجهازهم والتحكم من بعد

وهل البرنامج فيه نسبة امان بحيث لا يتمكن الهكرز من دخول جهازي

بعض البرامج تقوم بفتح بورت معيتن يتمكن الهكرز من الخول من خلاله


فحبيت اعرف من ناحية الامان

وتقبل تحياتي

المجهول انت الظاهر فهمت شغله البرنامج بالغلط

اخي الكريم :-
انت تقدر تتحكم بالجهاز الثاني (يعني مثلا انت الحين بالدوام وشغال على كمبيوتر الدوام حبيت تروح لجهازك عشان تشوف فيه شغله اوتعدل فيه شغله
لاكن انك تاخذ منه برامج وتحطهم على جهاز الدوام ما يصير ولا تقدر تاخذ منه فايلات
بس تقدر تتحكم فيه تحكم كامل ونصيحه انك تنزل البرنامج واذا
عندك جهازين جربه عليهم وبتعرف ميزه من اول ما تستخدمه
ولو تبي برامج ثانيه تسوي نفس الشغله هذي انا حاظر)

تحياتي لك

تسلم اخوي الغالي Professional على البرنامج والتوضيح الكافي والوافي

ويبدو ان اسالتي كثرت عليك واتمنى منك السموحه لاني بالفعل لازم اكون على معرفه تامه بالبرنامج طبعا على حسب حاجتي

واذا عندك برنامج يقوم بهذي الخدمه لا تبخل علينا وبشرح عن هذا البرنامج

وانا قمت ب ببرنامج VNC للتحكم عن بعد لكن للاسف لم يجدي نفعل لاني حاولت ان اشبك فيه مع احد الصدقاء لان عنده مشكله بجهازح وما نفعت الطريقه وهذا شرح البرنامج بهذي الوصله
http://www.3roos.com/forums/showthread.php?s=&threadid=94943

وتقبل تحياتي

العفو يا المجهول لا ازعجتني بأسلتك ولا شي بلعكس انا سعيد بالتواصل معاك .

بالنسبه للبرنامج الي حطيت وصلته هو شغلته نفس شغلته البرنامج الي طرحته انا
لاكن هذا شوي صعب على المستخدم لاكن البرنامج الي طرحته انا يوزر فرندلي (user friendly)

طيب عندي لك حل وسهل والكل البرنامج هذا عنده . خاصيه المساعده من الماسنجر انا مجربه والطريقه اوكيه