:confused:السلام عليكم
حبيت اني اطرح عليكم مشكلتي الي صار لها اكثر من اسبوع وانا وايد تعبانه من هاي المشكله وارجو انكم اتساعدوني لاني في امس الحاجه حق حل لهل الموضوع لدرجة انه بدى ياثر على دراستي وصحتي
الموضوع ياجماعة الخير
اني من فتره تعرفت على وحده وصارت هل البنت صديقتي وانا الله يشهد علي حبيتها مثل اختي واكثر مع العلم انها اصغر مني صرت اعطف عليها واداريها واحاتيها،وكانت هي لما اتسوي شي يزعلني كنت اسكت ولا احب اجرها ولا ااذيها وكنت اقول هاي مثل اختي والخوات مايزعلون،
من فتره تغيرت معاملتها معاي وانا لما شفت جذيه تاثرت وبعدت اشوي وفي مره شافتني على المسنجر وقالت لي ليش معصبه ومن مجرد ماقالت هل الكلمه انا طحت فيها طيحه وماخليت شي ماقلته ، والبنت اطلعت من النت انا كنت وايد معصبه ولا اعصب الكل يتحاشني في البيت فقمت وطرشت لها مسجات جارحه
المهم البنت وايد زعلت وطحت في خاطرها وعلى فكره انا ماعرف شنو قلت لها لاني كنت وايد معصبه اليوم الثاني لما شفت المسجات الي طرشتها حق البنت تفاجات اني قلت مثل هل الكلام، المهم البنت لحين زعلانه مني ولا ظايقه اتشوفني ولاتسمعني مع اني حاولت اكثر من مره اكلمها وقلت باروح لها البيت لكن اختها قالت لي انا ماراح تستقبلني
انا محتاره ولا عارفه شاسوي اعتذرت لها وانا اعترف اني غلطت
والصراحه انا في فترة امتحانات ووايد هاي الموضوع ماثر علي
ابليز ساعدوني شاسوي؟:confused:
ابيكم اتساعدوني يابنات
ا
27-10-2004 | 06:15 PM
م
28-10-2004 | 12:30 AM
السلام عليكم ورحمة الله وبركاته
أولا أختي هدي أعصابك وماتتوتري أكثر وركزي على دراستك
والي فعلتيه هذا ناتج عن التسرع والغضب أنا مراح ألومك لأنك كنتِ في لحظة غضب لكن كان من الممكن تحلين سوء التفاهم برويه أكثر
الأن ركزي على مذاكرتك وخلي أعصاب صديقتك تهدئ والأمور تسير عادي
وبعد فترة رجعي وأعتذري منها ووضحي لها سبب غضبك وعصبيتك
ولو مانفع أنتِ أجلسي مع أختها ووضحي لها وخليها توصل لأختها يعني تكون وسط وبعدها أنتِ كلمي زميلتك بشكل مباشر
وربي يوفقكم وتعود المياة لمجاريها
ولكم مني كل التقدير والأحترام
مملكة القلوب 
a
28-10-2004 | 01:02 AM
لا تخافين ولا تاخذين في خاطرج
انا مريت بنفس المسأله وكان حلها جدا سهل.... أكتبيلها رساله لطيفه تعتذرين فيها وتبينيلها بأنها غاليه عليج ومو هاين عليج تتركينها... عبري فيها عن كل مشاعرك اللي بداخلك اتجاها وفي النهايه قوليلها ان سعادتك وراحة ضميرك وبالك في ايدها واذا هي مو هامنها سعادتك وودها تكسر خاطرك فأنتي عمرك ما راح تنسينها وبتظلين تحتفظين بأحلى لحظات صداقتكم لاخر العمر....
انتظر الاخبار الحلوة منك يالغاليه :up:
انا مريت بنفس المسأله وكان حلها جدا سهل.... أكتبيلها رساله لطيفه تعتذرين فيها وتبينيلها بأنها غاليه عليج ومو هاين عليج تتركينها... عبري فيها عن كل مشاعرك اللي بداخلك اتجاها وفي النهايه قوليلها ان سعادتك وراحة ضميرك وبالك في ايدها واذا هي مو هامنها سعادتك وودها تكسر خاطرك فأنتي عمرك ما راح تنسينها وبتظلين تحتفظين بأحلى لحظات صداقتكم لاخر العمر....
انتظر الاخبار الحلوة منك يالغاليه :up:
م
28-10-2004 | 10:14 AM
السلام عليكم ورحمة الله وبركاته
أختي...
اللي عملتيه هذا ناتج عن سببين رئيسيين...:
1. إنك لما كنتي تزعلي منها...كنتي تكتمي في نفسك و ما تصارحيها...و بالتالي هي مش عارفة إنك زعلانة أصلا...لذلك فوجئت بردة فعلك الأخيرة...
2. الشيطان اللي تملكك ساعة الغضب...و الرسول صلى الله عليه و سلم حذر من الغضب...
عموما...لا يوجد حل إلا إنك تحاولي تكلميها و تعتذري لها..لأنها مجروحة منّك بشدة...و ممكن كمان توسطي أختها في الموضوع...بس خلي شوية فترة تمر علشان تقدر هي تنسى شوية...
و خلّي بالك المرة الجاية...