السلام عليكم جميعا
أنا بدخل بالموضوع مباشرة..
أختي مريضة.. وطلع لها علاج في مدينة الملك سلطان للخدمات الانسانية في منطقة الرياض.. وسافر أخوي وأمي معاها وبعدها بكم يوم بيسافروا خواتي لهم .. ولما أهلي راحوا هناك طلع إن تأجير السكن داخل مجمع المستشفى يكلف 350 ريال بالليلة يعني يوصل 10500 بالشهر .. والمستشفى حسب ما فهمت تبعد عن الرياض مسافة لا تقل عن 50 كيلوعلى طريق القصيم
فراح أخوي ودور سكن خارج المستشفى عشان يوفر .. وقال إن فيه فلل مفروشة للإيجار تبعد عن المستشفى 20 كيلو بجانب سوبر ماركت كارفور (إذا ما كنت غلطانة) .. لكن نحن خفنا إن أهلي يسكنوا خارج المستشفى من القصص والروايات اللي نسمعها هناك .. وإنتوا عارفين إن بيوت الايجار كل من هب ودب يسكن فيها .. ونسخ مفاتيحها تكون عند الحراس .. وعلى فكرة أخوي لا يعتمد عليه نهائيا.. كل اللي يفكر فيه توفير الفلوس ولا يفكر بالأمان وهل أمه وخواته بيكونوا في سكن آمن أو لأ :down: والعلاج قد يستمر من 6 شهور إلى سنة حسب قرار الدكتور ..
فياجماعة الخير .. أنا أريد رايكم خصوصا أهل الرياض والقصيم واللي يعرف المنطقة زين .. هل السكن في هذي الفلل المفروشة آمن إن بنات يسكنوا فيها هالمدة الطويلة أو لا؟؟ .. وجزاكم الله ألف خير :up:
سؤال لأهل السعودية عن الفلل والسكنات المفروشة في الرياض!!
ع
26-10-2004 | 08:33 AM
ن
26-10-2004 | 07:38 PM
ان شاءالله بيفيدوك الاخوات السعوديات:smile:
الله يشفي اختك :smile:
الله يشفي اختك :smile:
ش
26-10-2004 | 09:14 PM
سلامة اختج غاليتىعيون السهد
وماتشوف شر وربى يشافيها ..
وان شاءالله الاخوة والاخوات يفيدونج
لك اطيب التحايا
وماتشوف شر وربى يشافيها ..
وان شاءالله الاخوة والاخوات يفيدونج
لك اطيب التحايا
ع
27-10-2004 | 08:11 AM
خواتي نجمة الفجر وشجونة الحلوة .. مشكورين على الرد ويكفيني منكم الدعاء .. تسلمون الغاليات وربي يشافي كل مريض مسلم في كل مكان :up:
م
28-10-2004 | 01:55 AM
السلام عليكم ورحمة الله وبركاته
ربي يشفيها ويعافيها
وأجر وعافيه أن شاء الله
للأسف أختي أنا مو من الرياض ألا كنت بساعدك بالي أقدر عليه
ولكم مني كل التقدير والأحترام
مملكة القلوب 
ش
28-10-2004 | 02:16 AM
أنا زرت الرياض أكثر من مررة
وإنشاءالله أفيدك
فيه شقق مفروشة اسمها المهيدب ورا الفيصلــــــية
الموقع شوي صعب بس ان شاءالله تلاقونه ..:smile:
وأكيد انتوا راح تلاقون لأنه كل الشقق اللي هناك آمنة ..
الله يشفيها إن شاءالله ويرجعها لكم سالمة غانمة
ويشفي كل مسلم مريــــــض
يارب يا كريم ......
تقبلي خالص تحياتي
وإنشاءالله أفيدك
فيه شقق مفروشة اسمها المهيدب ورا الفيصلــــــية
الموقع شوي صعب بس ان شاءالله تلاقونه ..:smile:
وأكيد انتوا راح تلاقون لأنه كل الشقق اللي هناك آمنة ..
الله يشفيها إن شاءالله ويرجعها لكم سالمة غانمة
ويشفي كل مسلم مريــــــض
يارب يا كريم ......
تقبلي خالص تحياتي
k
28-10-2004 | 06:24 AM
ربي يشفيها ويعافيها
وأجر وعافيه أن شاء الله
اختي فيه شقق مفروشه اسمها بودل ولها فرعين واحد قبالة الفيصليه والثاني على طريق الحجاز
كذلك فيه ابراج الحياة شقق مفروشه وخدمات فندقيه و300ريال بالليله
بس الفلل ما اقدر افيدك بشي لكن الشقق المفروشه اضمن لكم :)
وأجر وعافيه أن شاء الله
اختي فيه شقق مفروشه اسمها بودل ولها فرعين واحد قبالة الفيصليه والثاني على طريق الحجاز
كذلك فيه ابراج الحياة شقق مفروشه وخدمات فندقيه و300ريال بالليله
بس الفلل ما اقدر افيدك بشي لكن الشقق المفروشه اضمن لكم :)
ع
30-10-2004 | 08:42 AM
خواتي مملكة القلوب والمطنشة وخلود
مشكورين وايد على الرد والمساعدة والدعاء .. جزاكم الله ألف خير ومتعكم وأهلكم وكل اللي تحبوه بالصحة والعافية وختم لكم بالخير.
:clap: :up: :clap: :up:
مشكورين وايد على الرد والمساعدة والدعاء .. جزاكم الله ألف خير ومتعكم وأهلكم وكل اللي تحبوه بالصحة والعافية وختم لكم بالخير.
:clap: :up: :clap: :up:
غ
30-10-2004 | 09:02 AM
عيون السهد انا من الرياااااااض
الشقق المفروشة جدا امنة لان عليها حمايات من قبل الهيئة وحراس الشقق نفسها.
الشقق المفروشة جدا امنة لان عليها حمايات من قبل الهيئة وحراس الشقق نفسها.
ع
30-10-2004 | 09:38 AM
مشكورة أختي وهج على المساعدة وجزاج الله خير .. والحمدلله طمنتيني .. لكن أهلي قالوا بيسكنوا في المستشفى نفسها عشان يكونون قريبين من أختي لو احتاجت أي شي .. وعشان ما يضطروا يستخدموا سيارات الأجرة لأنهم ما يعرفوا البلاد ولأن منطقة المستشفى بعيدة شوي وأقرب حي منها يفصله صحرا عن المستشفى .. لكن إذا قرروا بعدين يغيروا رايهم بنكون متطمنين من ناحية أمان الشقق :up: