هذه المشكلة تعتقدون شنو حلها؟.

السلام عليكم ورحمة الله وبركاته


اللي يبدا غلط لازم ينتهى غلط

والشباب ماشالله عليهم عندهم حجج عجيبه

بتلاقينه عقب كم سنه بيعرس وبياخذ وحده غيرها

وكلام الشباب كله نفس الشي كذب في كذب
شوفي الرجال بيحيج وبيموت عليج بس لاجاء بيتزوج ماراح ياخذ اي وحده
عندهم الحب والخرابيط شي والزواج شي


قوليها استغفري ربج وراضي بواحد من اللي خاطبينج ابرك لج

ترى غيرها يتمنى الزواج والستر
وهي محصله وتعفف


الله يهديها عقب كم سنه بتحسف انها ضيعت نفسها عشان ريال مايسوى


الله يهدينا ويهديها

سموالأميره
مشكوورة اختي وما قصرتين على الرد
لكن قولش شذي :eek2: !! أنا اخاف بصراحة من مقابلتهم مرة ثانية
اخاف بدل ما نصلح شيئ .. نكسر في نفسها اشياء ثانية. وبصراحة انا اخاف ارتب موضوع مثل هذا .. يعني حتى لو بنقول خواتهم ..

اختها- البنت- كرهت الشاب بسبب الألم الي تركه بنفس اختها
واخته-الشاب- انا من وجه نظري طلعت خاينة او جاهلة بس اخر كلمتها كانت فعلاً تبين انها استغفر الله ما ابي اقول شيئ .. ولا شو تفسرين كلمة " انتي مو تحسين انكم تبتعدون عن بعض احسن !! " والله العالم بالنيات.


راعيه العيون
مشكورة اختي عالرد .. وما قصرتي
بس الموضوع مو غصبية .. يعني اهية مقتنعة بحياتها
ومو هامتها مسألة الزواج .. وخصوصاً إذا الوحدة حبت من قلب وتحس انها لما تاخذ غير الي حبته بتخون وبتظلم .. حالتها النفسية مب مسعـفتـنها عشان تتقبل شخص غريب بحياتها.

للاسف :sad:

اولا الله يكون بعونها بس غريبه اشلون اهو عنده ايمان واهي خلوقه ويسمحون لنفسهم بالقبل والعناق ؟؟؟؟؟




وبعدين حتي لو عرفها علي اخته موشرط تكون اخته يمكن وحده متفق معاها تكون اخته


وحتي لو قلتي انج متاكده انها اخته بقولج موكل الناس عندهم ضمير ويمكن اخته علي شاكلته او العياذ بالله ؟؟؟؟




الله يهدي الجميع

مسك وجوري
عزيزتي .. مشكورة على مشاركتك

باللنسبة لموضوع القبل والعناق .. وشلون اهما ملتزمين ويفعلون هذا الشيئ .. لاتنسين انهم كانوا يجتمعون لوحدهم .. وما في واحد يجتمع مع وحدة .. لااااا ويحبها بعد .. إلا من المأكد انه يكون الشيطان ثالثهم .

ولا تظنين يا اختي .. الي تحدثت مع البنت هي اختة مؤكد
بينهم وبين بعضهم اسرار .. اسرار كبيرة جداً .. وان دل على شيئ فهو يدل على انهم بالفعل كانوا مرتاحين للبنت وكانوا شارينها.

شو الي تغير ما ندري !!! :eek2:

وعلى العكس الاخت يمكن تكون جاهلة .. وخصوصاً ان مستواها التعليمي ثانوي .. بس ليش قالت للبنت المسكينة شذي ما ادري :sad:

واااااااي يا جماعة .. يخرب الحب شو بذل

شكلي بتعقد من الناس كلهم .. احسن ان الناس خونة صاروا :confused:
وااااي عليي.

البنت معروف عنها انها محافظة وشخصيتة قوية ومؤمنة وباللنسبة للشخص كان معروف عنه قوة الايمان.
:down::down::down:كيف تصير ما ادري وهم يتقابلون في الخفاء .. ولا بدن من ان يجتمع اثنين إلا والشيطان ثالثهم .. كانوا يتبادلون القبل والعناق.
اولا انصحها انها توب الى الله وتسأله الهداية وهذا طريقها لنسيانه ثانيا سبب تركه لها انه اخذ منها الي يبيه وشاف غيرها واكيد انه بيروح يدور على وحده ((ماباس تمها غير امها ))على قول اخونا السوريين

الله يساعدها

اهي غلطانه المفروض ماتوثق فيه

بس الحين ماكوا فايده

الفاس طاح في الراس

خليها تنسى الماضي وتتقرب لربها

واللي صار يكون عبرها لها ولغيرها

والله يهديها ويهديه