تعالوا شوفوا عملت ايه في عزومتي واسألوا على أى وصفة

السلام عليكم ورحمة الله وبركاته

ما شاء الله أختي...عزومتك شكلها كان روعــــــــــة...

الحمد لله إنها رفعت راسك...:smile:

سؤال صغر...ما كانش في أي صنف رز ؟

و عايزة أسأل طريقة المهلبية...إن شاء الله تكون نفس طريقتي...و هي كوب حليب على ملعقة نشا...و شوية ماء ورد...صح ؟


مع إني ما كنتش في العزومة...بس تسلم إيديكي :smile:

السلام عليكم ورحمة الله وبركاته


أهلين يا حلوة..

صحيح ما كان فيه أي طبخة عن الرز...


وأنا سعيدة بان العزومة كانت حلوة ورفعت راسك..



والحمدلله انك قدرت تعملين كل هذا..


ومشكوووووووورة غاليتي على اخبارنا بذلك..



ويا هلا فيكٍ

ايه يا مرمومه رجعنا نسأل ..فين راح فن الطبخ يا ماما..



تحيااااااااتي للجميع..

هلا حبوبه bridetobe
بليز ممكن طريقه محشي باذنجان وفلفل وورق عنب

والسموحه

السلام عليكم ورحمة الله وبركاته

:D2 :D2 :D2

فن الطبخ موجود يا أحلى_عيون الحمد لله..:o

بس ساعات في ناس تاخذي منهم إضافات حلوة...يعني ممكن يكون في إضافة جديدة تعطيكي طعم أحلى...

أنا سامعة الحين عن مهلبية بالشوكولاتة...و مهلبية بقمر الدين...يعني بس مجرّد تجديد :smile:

اهليييييييين مرموه


لا تفوتج مهلبية قمر الدين ومهلبية الشوكلاته..


لذيذة بشكل خيالي..


يلا راوينا الشطارة والفن..بالطبخ..



سعيدة بتواجدج معنا بالركن..



تحياااااااااتي

السلام عليكم ورحمة الله وبركاته

أحلى عيون...

شوقتيني لهم...

نفسي أعرف طريقتهم ؟ ما هي الإضافات على المهلبية العادية ؟

بالذات قمر الدين...لأنه في البيت ما بيشربوه عصير...لذلك نفسي أستغله في شيء تاني...

معلش أختي bridetobe...طلعنا عن موضوعك...سامحينا :o

شكلي عندي عزومة يوم السبت الجاي إن شاء الله...راح أفكر و أكتب لكم تجهيزاتي للعزومة...إدعولي :smile:

السلام عليكم ورحمة الله وبركاته

مرمر

أهلا بك يا جميلة ، الحمد لله فعلا الكل شكر في الأكل ربنا سترني والله وما كسفنيش الحمد لله، لأ ما كانش في صنف أرز مع إني كنت ناوية لكن أخت زوجي قالت لي ما فيش داعي تقدميه لأن الأكل كثير والصايم ما بياكلش وفعلا الأكل تقريبا شيلناه زى ما هو

المهلبية يا ستي زيك بالضبط بس أنا ضفت لها بدل ماء الورد مستكة مطحونة عطيتها نكهة حلوة :up:

أحلى عيون

أهلا بك يا قمر ، ربنا يكرمك على سؤالك وألف شكر

MissAnGeL


أهلا بك ومنورة

تحت أمرك يا جميلة

شوفي المقادير للحشو هى نفسها في كل أنواع المحاشي سواء ورق العنب أو الباذنجان:

1- 1 كيلو باذنجان
2- 1.5 عصير طماطم
3- بصلة كبيرة مبشورة
4- زيت
5- 3 حزم شبت و1 بقدونس
4- توابل (ملح وفلفل اسود مطحون وبهارات وكمون)
5- يمكن اضافة شطة أو فلفل أخضر حامي مقطع حلقات رفيعة
6- أرز حسب الكمية

الطريقة

حمري البصلة المبشورة في الزيت (حوالي 5 معالق زيت) لحد ما تذبل ولونها يصفر
2- ضيفي الطماطم المعصورة
3- قطعي الشبت والبقدونس قطع رفيعة وصغيرة بعد غسله جيدا وضيفيه للطماطم والبصل على النار

لو بتحبي الحراق قطعي الفلف الأخضر وضيفيه

ضيفي التوابل كلها وقلبي كويس على النار لحد ما يغلي غلوتين أو ثلاثة هدي النار عليه خالص وغطيه واتركيه يتسبك لحد ما لون الطماطم يكون مايل للون الأحمر الغامق أو البني المحمر

في ناس بتحب تحط الأرز معاه على النار بعد ما يتسبك لكن أنا بأغسل كمية أرز زى ما أحب واضيف لها جزء من الخلطة يعني مثلا 2 كوب أرز حطي عليهم كبشتين أو ثلاثة بالمغرفة من الخلطة (كل ما تكتر ي الخلطة كل ما يكون لذيذ) وبعدين خلصي حشو وخلي على جنب حوالي كوب من الخلطة بدون أرز علشان تضيفيها على الحلة اللي فيها المحشي مع الشوربة وتسويع على النار لحد ما يغلي غطي الحلة وسوي باقيه على نار هادية وبالهنا والشفا (خلي بالك سر المحشي في شوية الخلطة اللي بنحطها فوق الحلة مع الشوربة قد ايه بتخلي طعمه جميل)

نفس الحكاية للفلفل وورق العنب بس الفرق في ورق العنب مش بأضيف الخلطة لكن بأعصر على الشوربة ليمون وممكن تضيفي زيت زيتون

الفلفل بأسويه مع الباذنجان في نفس الحلة:up:

يلا من كمان أنا حاضرة

نسيت أقول على السلطات

عملت فتوش وطحينة وزبادي وطرشي بلدي وكنت مخللة ليمون انما ايه :up:

والعصاير مانجة كنت حفظاها وقمر الدين

يلا فين باقي العرايس

مرمر

انت منورة وتحت أمرك ربنا معك في العزومة ان شاء الله

مهلبية قمر الدين بتغلي قمر الدين في الماء أو ممكن تنقعيه زى ما يكون عصير تمام وبعدين تضيفي له سكر ونشا وتحطيه على النار وتكملي زى المهلبية وبعد ما تخلص ضيفي لها الفانيليا قبل الغرف بتخليه حلو :up:

السلام عليكم ورحمة الله وبركاته

فهمت...يعني بدل الحليب قمر الدين...

سهلـــــــــــــــــــــــة...

خلاص أجربها إن شاء الله و أقول لكم النتيجة المدهشة :pain:

هلا وغلا مرموه

شوفي هذه الطريقة الحلوة لعمل المهلية


وبعد ما تجربينها خبريني..




مهلبية جوز الهند مع الكاكاو



المقادير:
====


5 كاسات ماء
كاسة و نصف جوز هند مبروش
كاس نشا
كاس سكر
ملعقتين كاكاو


الطريقة :
====

يخلط جوز الهند مع الماء في الخلاط لمدة 5 دقائق ثم يصفى في وعاء الطبخ و توضع على النار و معها السكر و عندما تبداء بالغليان يذوب النشا في نصف كاسة ماء و يوضع على السكر و جوز الهند و يحرك على نار هادئة
نحضر صينية و نضع نصف الكمية فيها و نمدها ثم نضع النصف الاخر على نار هادئة مع الكاكاو و يحرك جيدا و يفرد فوض الخليط الاول
يرش جوز هند على الوجه و توضع في الثلاجة لمدة ساعتين ثم تقدم



على فكرة يا مرمومه

يمكن بكره والا اللي بعده راح اشوفك في..(( فتوح الخير))


ردي وشوفي اللي يناسبك يا حلوة..

السلام عليكم ورحمة الله وبركاته

بصراحة مهلبيتك روعـــــــة...أعملها و أتفنّن....:smile:

يا هلا يا هلا بيكي في فتّوح الخير...يا سلام...راح يكون أحلى يوم في حياتي...

:smile:

جدا متشوقة لهذا اليوم...:up:

هلا مرمومه


افتحي الماسنجر ..


الظاهر طلعنا من العزومة ..




بسرعة مرموه..

لأني رايحة المطبخ بعد شوية

مرمر وأحلى عيون

منورين

مرمر نسيت أقوللك انك طبعا لازم تصفي القمر الدين وتضربيه في الخلاط ، معلش أنا عارفة انها حاجة معروفة وانت اكيد عارفاها بس أنا حبيت أكمل الوصفة واقولها :smile:

السلام عليكم ورحمة الله وبركاته

تسلمي أختي bridetobe....

فهمت إني أعمل قمر الدين عادي...و بعدين أستعمله بدل الحليب...

صح ؟

إن شاء الله أجربها قريب :smile:




أختي أحلى_عيون...

وصفتك جدا حلوة...بس عندي تعديل صغير عليها...ما بعرف ينفع أو لأ...و هي إني بدل ما أجيب جوز الهند و أضربه في الخلاط مع الماء و أصفيه...أستعمل حليب جوز الهند السائل...أعتقد راح يعمل نفس المفعول...صح ؟

أو حتى ممكن أعمله من حليب جوز الهند البودرة...

هل تنفع هذه الطريقة ؟؟؟

صح يا مرمر :up: وما تنسيش تضيفي فانيليا :smile:

اختي شو جلاش باللحم ؟؟

وشو مقاديرها وتعليماتها

تحياتي

ام شجون

السلام عليكم ورحمة الله وبركاته



هلا وغلا اختي هم شجون

والجلاش عبارة عن عجينة جاهزة ومجمدة بالبراد بالجمعيات



وممكن تعملينها طبق حلو أو مالح

واذا عملتيها حلو يسمونها البقلاوة

واذا كانت محشية باللحم المفروم أو الدجاج أو الأجبان

يسمونها جلاش بالحشوة..


والحشوة عبارة عن

بصل مفروم .. شوية زبدة أو زيت.. بهارات.. لحم مفروم.. طماطم

مفرومة وصلصة الطماطم.. ومكن اضافة جزر مبشور أو اي نوع

من الخضروات المرغوبة..مع جبنة موزارلا..

وبعديت تدهين طبقات الجلاش بالسمنة السائحة أو الزبدة


وتحشي بها العجينة.. وتغطى بطقبة اخرى من الجلاش وترش بالسمنة

وتحمر بالفرن..

وان شاءالله قدرت افيدج..


تحيااااااااااااااتي

السلام عليكم ورحمة الله وبركاته

أختي أم شجون

زى ما قالت لك أحلى عيون جزاها الله خيرا ، لكن أنا الحشو باعمله عبارة عن لحم عصاج عادي يعني تحمري بصلة كبيرة مبشورة في السمن لحد ما تذبل وبعدين تضيفي لها نصف كيلو لحم مفروم وتقلبيها كويس وتضيفي لها ملح وفلفل أسود مطحون وبهارات وجوزة الطيب لو تحبي وحبهان مطحون وتقلبيها كويس على نار هادية لحد اللحم ما يستوي وبعدين تحشي بها الجلاش في النصف وطبعا بين كل ورقة جلاش والثانية تدهنيها سمن

وبعدين بعد ما تحشي الصينية وتكمليها تدهني وشها سمن وتقطعيها مربعات وبعدين تجيبي حوالي كوب ونصف حليب مع بيضة مع توابل ملح وفلفل أسود وتربيهم كويس وتضيفيهم للصينية بعد ما تقطعيها وبعدين دخليها الفرن (ليه بعد ما تقطعيها علشان اللبن يتخلل الجلاش ويكون كله شرب منه) وبس خلاص سويها عادي وبالهنا والشفا

وممكن لو تحبي بعد ما تحطي حشوة اللحم تقطعي فوقها طماطم شرائح وفلفل أخضر مضروبين مع بيضة وملح وفلفل وده بيخليها برضه لذيذة)

الف الف مبروك الفوز في معركة الوليمة الرمضانية