المشكلة الي عندي مب مشكلتي انا بروحي..؟

السلام عليكم ورحمة الله وبركاته

هاي اول مرة اكتب في قضايا وحلول

بس المشكلة الي عندي مب سهلة ..

المشكلة الي عندي مب مشكلتي انا بروحي .. بل هي مشكلة زوجي اهله كلهم ..

اخو زوجي يدرس في امريكا .. وكل ما يرجع البلاد يسوي مشاكل ويا الكل.. عشان يلبوله طلبة يصرخ ويضارب ..؟؟

اول مرة رد البلاد قال حق ابوه اشترلي عمارة ابا اكون نفسي .. قاله ابوه روحك اشتغل ويمع وكون عمرك انا الي علية سويته درستكم في احسن المدارس ..

اتخيلوا من اسبوع واصل من امريكا .. قال حق امه ابا ريسيفر فالغرفة وردوا سيارتي مثل ما وديتوها الوكالة ..

امه قالتلة ان شاء الله ..

المهم قالت حق زوجي سير هاتلة السيارة .. وزوجي يداوم شفتات يعني يادوب يفضالي انا .. وكانت كل ما تشوفة اتهزأة ليش ان ما ياب السيارة .. يقلها زوجي ليش ما يسير هو بنفسة ياخذ السيارة ..؟؟

ترد امه علية هو ياهل .. ( اتخيلوا عمرة 23 سنه ) والين الحين تقول ان ياهل .. واي شي يباه ما تقلة لا تضارب الكل عشان اتيبلة ..

وعن الريسيفر تضارب عمي .. تقولة هذا شاب يبا تلفزيون وريسيفر في غرفته ..

ما عرفنالها مرة تقول عنه ياهل .. ومرة تقول عنه شاب ..؟؟

المهم اليوم عقب الفطورانا وامه وابوه ويدتة وخاله .. زوجي كان فالدوام .. صارت بينهم مشاحنات وقاموا يرفعون اصواتهم .. انا دخلت غرفتي .. وشويه واسمع تكسير برع .. يوم طلعت اتخيلوا شو شفت ..:eek2:

اخو زوجي وخالة يتكافخون واحد فيهم راسة كلة دم والثاني من خشمة دم وعمتي طايحة مدوخة وجدة زوجي من شافتني اغمى عليها .. حسيت عمري في مجزرة ..

يا جماعه اتخيلوا وصلت فية المواصيل يضرب اهلة .. ؟؟

وهو المدلل الي ما يقصرون وياة بشي .. يحرمون زوجي عشان يعطونه هو ..

شرات اليهال ما يعتمد على نفسة يبا كل شي جدامة ..؟؟

واذا ما عطوه يصرخ ويضارب ..!!


حبايبي شو رايكم .. وكيف يتصرفون وياه .. والغلط من منو منه ولا من امه وابوه ..؟؟