هل كل حامل تتوحم؟؟؟

شوفي حبيبتي .. انا فالشهر الثالث .. اول شهرين ما ياني الوحام لكن من دخلت الثالث وانا متلعوزه وياه ..

بس ربيعتي ما شاء الله عليها فالشهر السادس و ما ياها الوحام ابدا..

بنت عمتي حامل وياي في نفس الشهر بيني وبينها اسبوع .. وهي تتوحم من اول الشهر الين الحين ..

يعني على حسب ..

شوفي نفسج من اي نوع انتي ..:D2

انا من اول شهر معي وحام وكان يزيد معي الغثيان كل اسبوع اكثر
والحين انا في الشهر الثالث واتألـــــــــــــــــم مااقدر آكل كل مااكلت زاد الغثيان :confused: :confused:

الله يعينا كلنابصراحه ماتوقعت الحمل كذا :pain:

ومشكوره مرموره على السؤال خليتينا نعبر عن احساسنا المؤلم احيانا
:smile:

حبيبتي
انا عن نفسي خلال التلات شهور الاولي جائني الوحام و الغثيان بس كان بيجي لي بالليل او المغرب عادة و ليس اول الصباح:s2:s2

غريبة صح:D2:D2
بس معرفش انا اعرف ان كل حامل لها حالتها الخاصة و الاغرب ان للمرأة نفسها احوال مختلفة من حمل لاخر :eek2::eek2:

لذلك لن تجدي اجاباتنا طبق الاصل و لكن ممكن تلاقي اعراض متشابهه فقط
:cool2::cool2::cool2:

حبيبتي
انا كنت في الحمل الاول ما توحمت الا بسيط يعني لوعة بسيطة
اما في حمل التوأم فضيع يذبح على طوووووووول ترجيع حتى الماء والاكل ما احبة عدا شبس ليز وزوجي بعد ما كنت احب اشوفة :D2

أنا بالشهر الاول كنت ما فيني شي بس اللوعه والترجيع هلكني من الشهر الثاني للرابع ومب راضي يروح لليوم..

:pain:

الله يعينا كلنا و كل الحوامل


و مشكورين على ردودكم

و يعني طلع في ناس ما تتوحم الحمد الله


بصراحه نادرا ما اتيني دوخه او لوعه و اكثر شي الحرقه ذبحتني نااااااااااار في داخلي ...بصراحه خفت وايد قلت يمكن في شي مب طبيعي ....لاني اعرف ان الوحام دليل على نمو الجنين و زياده الهرمونات يعني الحمل ماشي صح..و بصراحه كنت خايفه

bj3a ....شكلي بصير مثلج لاني من كم يوم دخلت الثالث و كانت اول مره اتيني الحاله قويه لدرجه الاستفراغ ...الله يعين... و ماشااااااااااااء الله على ربيعتج ان شاء الله كلنا يصير حملنا جذي

jojo ..الله يعينج و ييسر لج ان شاء الله ...استحملي يقولون في الرابع يروح ما ادري يخف...كلها اجر...و ما في داعي للشكر انا بعد ما كتبت الموضوع الا لاني كنت خايفه شوي و كنت ابي اخفف و اتطمن و كلنا نأزر بعض... و نهون على بعض


oollaa ..كلامك صح لكل امراه حالتها ...و لاني كنت دايما اسمع عن الوحام فيوم شفت انه قليل عندي و الحمد الله ...خفت ان يكون في شي مب طبيعي....بي احيانا يوم كانت تجيني الحاله غالبا يكون الظهر ....مب شرط يكون الصبح..


DarkStar ...شبس ليز ...لو مكانت كل يوم اكل علبه كامل مدام انه الشي الوحيد الي تتحملينه ....قبل اسبوعين كنت ما ابي اكل و لا اكل الى فاست فود ما ابي اكل البيت و لازم فش برجر


حورا ...الله يعينج اختي و يعيني ...شكلي فرحه اول شهرين و ما ادري باليايني .

بس الحمد الله على كل حال ... و ربي يخفف عنا ان شاء الله و يهون علينا و يتمم لنا على خير ان شاء الله ...و باجر يوم بنشوف البيبي بالسلامه على يدينا ان شاء الله بننسى كل شي ..صح

و كل اجر ان شاء الله و مغفره للذنوب



:smile:

هلا عزيزتي مرمر..

الناس مو كلها وحده...

وكل وحده حملها غير عن الثانيه..

في حريم يتوحمن من أول شهر إلى آخر شهر.. وفي حريم يتوحمن أول الأشهر .. وفي حريم ما يتوحمن موووووول..

وأنا من النوع الثالث :cool2: ... الحمدالله والشكر..

بس اللهم اللي يتعبني أكثر شي في الحمل .. ويع الظهر.. والأرق...

والله يسهل علينا أجمعين..

انا من أول شهر وانا تعبانة من الوحام على طول
أرجع ومااقدر أكل أي شئ والحين انا في الشهر الرابع
وبعده لوحام والترجيع
:pain:

انا عن نفسي مثل الاخت بشاير ما جاني الوحام ابدا والحمدالله رب العالمين ابدا الحين انا مثل ما تعرفون بالشهر الخامس لكن الحمدالله لا وحام ولا غيره

لكن الم الظهر الي ذابحني بشكل وانا قاعدة وانا نايمة وانا واقفة يعني بكل الاحوال الم الظهر اظف الى ذلك الحالة النفسية الصعبة الي عندي وارق ما اقدر انام في البداية غير بصعوبة الحين شوي احسن انام شوي لكن الحالة النفسية مثل ما هي عصبية وصراخ على الفاضي والمليان :D2:D2

عني انا صارت لي لوعه من الشهر الثاني..بس الترجيع الحمدلله مره او مرتين:cool2: ومن دخلت الرابع الحمدلله خف عني....
بس الم الظهر..ووالنوم المتقطع اللي ملعوزني... الله يعين

اظن لا لانه حملي هذا الين الحين ما رجعت ولا لاعت جبدي ....... الحمدلله والشكر

اعتقد ان الوحام شي اجباري في جسم المرأة لان الهرمونات تتغير

بس سبحان الله

استغربت وااايد انه في بنات ما يحسن بشي!!!!!

الحمد لله دائما

انا في حملي اللي فات والحين نفس الوحام، مو من النوع اللي ارجع بس لوعة وتظل معاي شهر ونص تقريبا بس،،، بس بصراحة فترة الوحام مقرفة والله الوحدة تكره نفسها ..الحمد لله على كل حال

هلا بنات
أنا الحين بالشهر الثامن،،وبصراحة ماتوحمت على شي ابد،،ا خلنا نقول وحام خفيف مررررة،،،في بعض الاشياء صرت ما آكلها
بس صادتني لوعة خفيفة في شهر رمضان،،بس الحمد لله ما صار عندي استفراغ ولا شي
الحين اللي أعاني منه هو النوم،،،لأنه ابدا مش مريح،،ألم في الظهر،،،وتقلب يمين يسار في النوم،،وقومة للحمام كل شوي
بس الحمدلله أحسن من الوحام الثقيل

سلام
انا عن نفسي في نص الشهر الرابع و الحمد لله

الوحام بدا معي من اول شهر ولغاية الآن ما انتهى

اكره كل انواع الاكل و فعلا معظم أيامي اقضيها بالجوع الا المساء بعد ما أرجع من الشغل أكل شوربة بس ولا أكل حبة طماطم بملح :)

طبعا لأنه صرت أقرف من كل الاكل و اذا جبرت نفسي عالأكل ما انام من وجع معدتي و الحرقو والحموضة وعسر الهضم الخ الخ :)

مثل ما قالوا الاخوات ان يعتمد من وحده الى وحده ومن حمل الى حمل

لا يالغالية
مو كل حرمة تتوحم بحملها
ما شاء الله في حريم لين ما تولد ما تتغير وفي حريم الله يعينهم من بداية الحمل توحم ويتغير جسمهم وحتى لونهم

مرحباً

الوحام يختلف من حرمه والثانيه وبعد يختلف
في في الحرمه نفسها من حمل وحمل

أنا في حملي الاول كنت واااااايد استفرغ وخاصة اول ما اقوم الصبح
ومن كثر الاستفراغ كنت دوم يرجدوني بالمستشفى ..

بس في حملي الثاني والثالث بصراحه سهل وما كثير تعبت

أما في حملي هذا بصراحه لوعه ليل ونهار وبالليل ما شي نوم
احياناً اقوم بالليل في خاطري اتسبح واجلس تحت الماي بالساعه .. :)

اما اذا سألتوني بشنو اتوحم

كل وحامي في كل حملاتي .. ما اطيق الروائح بأنواعها
لا العطر لا البخور ولا حتى اي كريم او صابون فيه ريحه معطره

شيئ متعب وينطاق :(

انه الحين بالرابع
والحمدلله ما ياني وحم زين
بس الترجيع في الصبح واللوعة

ودايما ما احب اكل لا وقت الغذا ولا العشا احس ان دايما عندي لوعة ما

بس انه الحين في الشهر الرابع الحمدلله اهون من قبل أقدر اكل واشرب وما تلوع جبدي

بس الترجيع واللوعة من الصبح لازم