تبين أفكار لزوجك ليوم العيد...أدخلي بسرعه فيدي واستفيدي...

السلام عليكم ورحمة الله وبركاته

:pain:

انا بعد انتظر معكم:smile::smile::smile::smile:

أنا إنشاء الله مفكرة اني اخذ له هدية يمكن تكون عطر واغلفه بطريقة حلوة واحطه له تحت المخدة ليلة العيد.وياليت البقية يعطونا افكارهم الحلوة.

أنا عن نفسي باخذله عطر حلو مع علبة شكولاتة مغلفة تغليف حلو من المحلات الراقية ,,,

السلام عليكم ورحمة الله وبركاته

أنا أعرف إنه هو اللي يجيب لي هديّــــة...مش العكس !!!

يعني ممكن الواحد يهديه وردة فوّاحة بمناسبة العيد...هذا رأيي...:o

كاتب الرسالة الأصلية : مرموم

السلام عليكم ورحمة الله وبركاته

أنا أعرف إنه هو اللي يجيب لي هديّــــة...مش العكس !!!

يعني ممكن الواحد يهديه وردة فوّاحة بمناسبة العيد...هذا رأيي...:o

أنا بافصل له عقال جديد للعيد وكم شماغ راقي..

وباشتري له عطر وباغلفه..

وباقي السوالف باسويها حقي..

:smile:

أختي حورا....
والله حلوه فكرة الشماغ والعقال....بس المشكلة إني ولا مره اشتريت له وصعب يقتنع بالشماغ أو العقال أو النعال (اكرمكم اللله)...

بنتات خبونا شو الجديد من عطور رجالية أو أبواك (محافظ) أو بزم؟ وشو هي الماركات ؟؟

يالله يا بنات أبغي تفاعل ما باقي شي عن العيد وهذا يحتاج كله وقت للترتيب والتنسيق....نحتاج أفكار لهدية الزوج وللغرفة..[س تكون غير تقليدية...:up:

السلام عليكم ورحمة الله وبركاته..

عزيزتي طلتج يعني الnew look في رأيي هو الي بيكون مهم..
يعني اتغيرين شكلج واتفاجئينه.. أنا أفكر اني اغير لون شعري والتسريحه والبسله لبس على ذوقه وعلى اللون الي هو يحبه واهديه بوك منحوت فيه اسمه..

في محل في برجمان سنتر ب دبي يسسوون محافظ واقلام وميداليات على اسم الاشخاص الي تبونه والمحل على ما اذكر اسمه بالضبط بس اعتقد اسمه Jeffre's شي جيه جريب من محلا الهدايا والالعاب والبطايق.. :up:

انا بفكر اهديه ساعه ثمينه وراقيه للعيد بتغليف حلو

السلام عليكم ورحمة الله وبركاته

بالنسبه لي ولا هديه في الدنيا يستانس عليها ريلي الا لما اكون انا كاشخه ومتزينه وممنمكيجه له هو خاصه
يعني مب اقول له باروح بيت اهلي او باتمكيج لان عيد لاء لازم يكون المكياج اللي انا اتمكيجه له هو خاصه يعني مافي طلعات
واذا كان عيد لازم مكياجه هو غييير او اني اعدله

وبدون هدايا ولاشئ

وثاني شئ اني مغيره فراش السرير واااااااااااو هاي اللي يستانس عليه

يالغاليه بنت سلطان
ممكن تقولين لي من وين شاريه البودرة مالت السرير ومعطر المخدات
ايش اساميهم

ومشكوووريت على الموضوع
:up:

ليله مميزه خلي لها انطباع بلون خاص .. وهدية على نفس اللون بسيطه

انتي عليك الحركات في لبسك وبيتك وهوا عليه الهديه :cool2:

(a)

افكار جميله

بس احس العيد ربشه

والكل داخل طالع

بعدين احس صعبه تتهنون في بيت الاهل

مو في بيتكم


احم احم ماعندي خبره

بس

حبيت ابدي رائي:cool2:

السلام عليكم ... :)

تبون الصراحة فكرة حلو..

بفكر شنو أهديله في يوم العيد...

بس أنا مسوية له مفاجاة بعد العيد.. :D2

وان شاء الله تعجبه... يعني تغيير في الروتين و في الشكل و الاهداء ...

والله يعطيكم العافية ...

أنا ناوية بإذن الله آخذ له نعال بس عاده نعال يعني كشخة مب أي نعال و باخذ له شماغ و غترة و باخذ له دهن عود و عطر بس هالمرة رجالي لآن آخر مرتين كنت ماخذتله نسائي .. و بغلفه بطريقة جذه حلوة مع كرت و كلمات حلوة و باقة صغيرونة

و بالعكس يا بنات ترا حلو إن الحرمة تهدي ريلها ومب شرط هو يهديها لأن الرياييل عادة ما يهتمون لهاي الأشية كثرنا نحن الحريم ،، كل يوم و الثاني هدية :D2

الغالية ملاذ الحب..

البودرة والعطر الخاص بالمخدات من محل في أبوظبي مول أسمه fruits & passion .....صراحة عندهم أشياء رووووووووووعه وروائح أروع:up:...وفي أفكار حلوه للهدايا....يقولون أنهم بيفتحون الفرع الجديد في جاردن مول في جبل علي على شهر فبراير الياي إن شاء الله...ع فكره جاردن مول جديد وبعده ما فتح....
فاللي مستعجله مالها إلا تروح ابوظبي لأنه ما له فرع حاليًا...:smile:

أختي بنت سلطان
ممكن أعرف كم أسعار هاي الأغراض ....
بودره للسرير ريحتها جنان+ معطر جو+عطر خاص للمخدات+كريم لمساج المناطق الرهقة في الجسم مثل الجبهه وخلف الرقبة)

لأني حابه اطرش حد ساير أبوظبي عشان ياخذلي أياهم

والسموحة

افكاااركم روووعه وحلوووة :clap:

انا لين اتزوج بقوول لكم شنو بشتري هدية زوجي :D2

والله مره شايله هم الهديه..
كل شئ اهديته في المناسبات اللي فاتت ..
ساعات ,جوالات,ابواك نعال الله يكرمكم عطورات بدل ميداليات سبح اقلام مصاحف كتب اكسسوارات كمبيوتر.....الخ
بس بقولكم على فكره سويتها في مناسبه فاتت لكن شرط تعلموني شنو اشتريله هديه هذا العيد..
قبل المناسبه باسبوع كنت اقوله عندي لك هديه ماعمرك شفتها ومستحيل احد يهديك مثلها ..وكل شوي اعيدله هذي السالفه وهو مسكين جلس يفكر حتى يوم المناسبه في الليل طبعا لوحدنا قلتله لحظه وتكون الهديه عندك لا تتحرك و يفكر شنو هذي الهديه الغربيه ..
بعد ربع ساعه رجعتله وانا جسمي كله عليه ستيكرات قلوب وملفوف بشرايط ملونه يعني باختصار مثل الهديه وقلتله انا هديتك اللي مافي مثلها ولا شرايك عندك اعتراض؟؟
بس صراحه هو مره نفاجأوعجبته الحركته...