غثيان مفاجئ!!!!

السلام عليكم ورحمة الله وبركاته..


اولاً مبارك عليكن الشهر .. وعسى الله يتقبل طاعاتنا ويغفر لنا ويعتقنا من النار ..... اللهم آمين.


خواتي..

اليوم دخلت المطبخ عشان أجهز للفطور.

سويت رز بلبن .. ووقفت ساعة إلا ربع على الطباخة لين خلصت.

وعقب سويت الشوربة.

وعقب سويت السلطة.

ووصلنا للطبخة الرئيسية .. حطيت شوية سمن .. وعقب البصل والثوم ... وفجأة......

لاعت جبدي وحسيت بالغثيان وطلعت من المطبخ ركض على الحمام ـ عزكن الله ـ لكن ما صار شي .. يعني ما استفرغت وانتن بكرامة.

ارتحت شوي .. ورديت المطبخ بس حسيت بالغثيان مرة ثانية .. وما قدرت أكمل الطبخة وخليت الخدامة تكملها وتميت انا بعيد عن الطباخة بس اقولها شو تسوي.


صراحة عمرها ما صارت لي هالسالفة قبل .. والحمدلله عمري ما تعبت في الصيام .. ولا حتى حسيت بالجوع ولله الحمد .. وعمرها ما ضايقتني ريحة البصل والثوم.



على فكرة .. انا متزوجة من كم شهر .. ودورتي المفروض موعدها كان اليوم أو باجر .. بس لين الحين ما يت.



شو السالفة بالضبط؟؟؟؟ :(