فراش او سرير البيبي

هلا اختي قلوووب

شوفي بالنسبة لي شريت سريرين

الاول سرير لمقابلة الضيوف وهو يتحمل الطفل ينام فيه الى 3 اشهر او 4 شهور حلو ويجهك قدام ضيوفك

الثاني شريت واحد وحطيته جنب سريري وينام فيه الطفل إلى سن 4 سنوات او 5 سنوات حلو بالخشب وفيه حواجز جانبية عالية شوي بحيث الطفل مايقدر ينزل منه وينهز وفيه درج من تحته تستفيدي منه لوضع ملابس طفلك حتى طول السرير ممتاز جدا واصلا يا اختي الطفل من سن 5 شهور يبدأ يتقلب في الفراش علشان كذا لازم يآخذ راحته في شئ واسع

إن شاء الله اكون أفدتك

أختك يسر

اختي يسر اشكرك جزيل الشكر

تعرفي انا كنت حاطة في بالي ان اخذ سرير صغير تعرفي يكون هزاز وهالسرير بس لاشهر فقلت لو شريته بعيدن خسارة ما حد بيستخدمه فلازم افكر بشي دائم لمدة اطول


فعلا كلامك صح موب لازم اشتري السرير الصغير حق النوم يكفي الصغير الي بحطة علشان الاستقبال


مشكورة الغالية :smile:

انا اختي اشتريت سلة حلوووووووووة مزركشة اناااااااااام فيها البيبي لعمرة 6 اشهر
واشتريت بعد سرير يكفيه لعمرة حتى خمس سنوات
:up:

حبيبتي ..

أنا شريت سرير هزاز ويتحول لمقعد وهو بنفس الوقت سلة تنحمل
أخلي البيبي فيها لين أطلع أو قاعدة بالبيت أو لين عندي ضيوف

أما للنوم .. فشريت لها سرير يكفي لين عمرها 4 أو 5 سنين كبير وواسع ومبطن من الداخل باسفنجات تحمي الطفل من الضربات وبنفس الوقت تقدرين تتحكمين في حجم السرير من الداخل على حسب كبر جسم الطفل

انزين بنات وين الاقي سلات حلوة فيه موضوع منزل عن السلات للطفال حلوة بس صاحبة الموضوع ما ذكرت من وين شارتنه لان كل الي شفتهم يعني عادي ما فيها شي كشخة ومميز:smile:

قلوب ما ندري انتي من وين عشان نساعدج.. لو من البحرين بقدر اقولج من وين خذيتها.. :o

انا في الامارات اختي وياليت اعرف من وين وخاصة لو كان من الشارجة اقرب او من دبي بعد ممكن

أختي العزيزة،

أنا سويت نفس الشي للوقت الحالي خذت سرير يكفي البيبي مالي لغاية 5-6 شهور، شكله لطيف و ممكن يكون هزاز أو لا عن طريق فتح أو غلق حديدة صغيرة وممكن ينفك ويستخدم كسلة للبيبي، وفيه مثل السلة من تحت لأغراض البيبي.. و سعره رخيص وايد كنت ماخذتنه من البيبي شوب ب800 درهم لأن أنا وزوجي ما ندل وما سألنا يعني أونه نبغي نعتمد على نفسنا :-) ،لكن صديقتي مدحتلي في الشارقة محلات الألعاب اللي في شارع العروبة "سوق المبارك وامتداده والمحلات المقابلة" فيه أكثر من 7 محلات ألعاب وكلها فيها سوالف حلوة ورخيصة جدا" نفس السرير بالضبط خذته من عندهم ب100 درهم بس، وسرت بدلت اللي ماخذتنه من البيبي شوب بأغراض واااايد من عندهم.

وأن شاء الله بسير باخذ واحد ثاني كبير بحواجز يكفيها ان شاء الله لغاية 5 سنين. ونفس هاي المحلات فيها هاي النوعية أرخص واايد عن البيبي شوب ومذركير، وهاي السراير يعتمد جمالها على طقم السرير اللي تستخدمينه فيها، وأنا زوجي يوم سافر جاب وياه أطقم وايد راقية من بريطانيا، ان شاء الله باستخدمهم.
على فكرة في مركز اللولو اللي في القصيص-دبي شفت سرير اللي حلو فيه انه مو مستطيل كالعادة "مدور" وكان سعره حلو بعد، واللي حلو فيه انك ممكن تستخدمينه كمكان للعب الطفل بعد.

أتمنى أكون ساعدتج

لو سمحتي أخت هند تكتبين لي أس المحلات اللي شريتي منها..؟


:smile: