هل اتم عانس علشان اخوي إلي ما يسأل عني؟؟؟

استخيري وتوكلي على الله ..وتاكدي ماراح يجيك إلا مكتوبك..

واخوك اكيد فيه اللي يوزه لغرض معين..قوليه له بالفم المليان

انا موافقه (وان اجتمع قوم على ان يصيبوك بشيء لن يصيبوك الا بما

كتب الله)

الله يوفقك ويسهلك ..ويتمم عليك بخير

ان شاء الله يكون من نصيبك مادام انك استخرتي

وحسيتي انه كل شيء تمام


يارب يجعله من نصيبك ويجعله زوجا صالحا لك

..... امين


اصبري اشوي يمكن الله يهديه اخوكي يوافق


وانا اكثر المواضيع اللي تقهرني

يوم يرفضون علشان انه مب من نفس القبيلة

شو هالتخلف يالله

المهم دينه واخلاقه

:mad2:

كل هالاشياء من اسباب العنوسه والطلاق
في الخليج

شوفي حبيبتي والله ثم والله اذا اراد الله لامرقال له كن فيكون
اقسم بالله ان اختي تقدموا لها شباب وايد بس ياأهي ترفض او
الاصل والفصل اهو العائق ولكن سبحان الله تزوجت من رجل و
متزوج من امرأه صالحه اجنبيه ولا لها عرق عربي واهو مافيه ذرة
العروبه اصله امريكي والكل وافق عليه ليش لما استخارت وقالت
لهم رفضوا في البدايه لكن سبحان الله كل ماسألوا عنه قالوا لهم
زوجوه والله بتخسرون انسان داعيه والحين ايموتون على طاريه
وشيقول اخوي الكبيرالل عارض بالسالفه وزعل عليها يقول لو اني
فرطت فيه جان وقفني يوم القيامه وشكاني لله لمنعي زواجكم




حبيبتي وكلي امرج لله من توكل على الله فهو حسبه

[COLOR=royalblue]ان شاء الله يكون من نصيبك مادامك مرتاحه

الله يوفقك ويسعدك :smile::smile: [/ COLOR]

عزيزتي .. حاولي انك تقعدي مع أخوك ، وبيني له رأيك ،، وحاولي انك تقنعيه بوجهة نظرك ..


وقوليله انك عملتي الاستخارة ، ونفسيتك وايد مرتاحة ، وانك موافقة على العريس ، وان مسألة القبيلة مو هو السبب الكافي لرفضه وووو ... الخ

يعني من هالكلام ،،، وحاولي انك ماتنفعلي عند النقاش ، كوني هادئة ، وماسكة أعصابك ... عشان ماتنرفزي اخوكي ...



والله يوفقك يارب ...:shy:

حاولي اختي تجلسين مع اخوك وتكلمينه قولي له اللي في قلبه ابكي عليه من كل قلبك قولي له عن شعورك وانه مايهم الاصل
الرسول يقول على مفهومي انه اذا جائكم من ترضون دينه وخلقه فزوجوه

حاولي تجيبين الادله اختي وكلميه في وقت يكون هادىء اذل شفتيه قولي له اخوي الله يخليك انا مالي غيرك في الدنيا واحترمك واحبك
بس اللي ابيه منك انك تسمع اللي بقوله لك حاول انك تفهم اللي ابيه
بكره الدنيا مافيها امان والله اعلم شو بيصير

السلام عليكم ورحمة الله وبركاته

أهلا بك أختي.,..

شوفي أختي...أريدك أن تكون عندك قناعة تامة من داخلك...أنه بعد أن صلّيتي الإستخارة...و فوّضتي الأمر لله تعالى...و هو نعم المولى و نعم النصير...و كان هذا الأمر خير لك ( لأن أمر المؤمن كله له خير )...فتأكدي...أن هذا العريس سيكون من نصيبك مهما حدث و مهما حصل...

إنتي عليكي تاخذي بالأسباب...يعني كل المحاولات اللي تقدري تعمليها مع أخوكي قومي بها...تقعدي معاه...تقنعيه...تبعثي له ناس يقنعوه...

وفقك الله و رعاكي أختي...و إن شاء الله خير يا رب..

انا اشكر كللللل وحدة شاركت في موضوعي

انا بتم استخير

و بشوف شو بيستوي

و لا بوسط حد علشان ايرمس اخوي

لأن كل اخواني رمسوه و هو حضرة جنابه مصر على رايه

انا فوضت ربي في هالمسألة

و الله كريم

يمكن تستوي معجزة

للعلم

انا كل ما استخير

احس براااااااااااااااااحة كبيييييرة

و اقتنع اكثر و اكثر بهالشخص إلي متقدم

اليوم حتى استوالي شي غريب.... موضوعي هذا محد ايعرفه في الدوام غير زميلاتي المقربااااااات جدا جدا.... اليوم معلمة معانا اتصلت فيني... و سألت علي (صارلي 3 ايام غايبة لأنه فيني هبووووط شديد في الضغط) المعلمة هذي يلست تدعيلي ان الله ايسر اموري.... انا صارلي 3 سنين اشتغل و يااااااااما مرضت... محد اتصل فيني ويلس يدعيلي شرات هذي المعلمة... بالرغم انها ما اتعرف السالفة..... يلست تدعيلي دعاوي حلوة... بغيت حتى اصيح...

و الله احس ان هالريال بيكون من نصيبي.... و اخوي عبارة عن ابتلاااء ... بس الموضوع يباله صبر......

ادعووووولي ان ايكون هالريال من نصيبي..... ادعولي ان اخوي يلييين

إن شاء الله يكون من نصيبك حبيبتي


:smile::smile:

يالله يا رحمان يا رحيم

يا ارحم الراحمين ..


الله أيسر لج أمورج .. و يقضي لج كل حايه فيها خير لج

و يهدي أخوج للي فيه صالح لج و خير لج ..

و يستر عليج دنيا و آخرة ..

و يجعل ها الانسان من نصيبج و يعرف قدرج و قيمتج .. و جعله لج زوج صالح و يجعلج له زوجة صالحة له ..

آمين .. آمين .. آمين يا رب العالمين

ختج ،،، عذبه

نماء
عذبة الروح

الله ايسر عليكم اموركم.....


بنات ارجوكم ادعولي في هالايام المبروكة
:confused:

السلام عليكم ورحمة الله وبركاته

الله يكتب لك اللي فيه الخير يا رب...و يوفقك لما يجب و يرضى إن شاء الله...

الله يكون بعونج حبيبتي ويسهل عليج أمورج
ويا رب يفتح لج باب الرزق والخير
وطمنينا عليج ونتريا البشارة الحلوة

اختي

هل عندك أخوة شباب غيره؟
إذا كان لديك أخ شاب و بالغ و راشد غيره فأخوك هذا ليس وليك الوحيد

و بعدين شو رأي الوالدة ، خليها تضغط عليه


و بعدين مثل ما قالوا الخوات كل شي بيد الله


و الله يكتبلج نصيبج بالخير و الجميع انشاء الله

مع احترامي لاراء البنات انا بالنسبة لي اهم حاجة الاصل ولو وش يكون

المتقدم اهم نقطة الاصل

واللي الله كاتبة لج بيصير واذا كان من نصيبج راح تاخذينه لو الدنيا كلها توقف بويهج

الله يوفقج حبيبتي

انا فوضت امري لله

و سبحان الله

من دخل شهر رمضان

كل مرة اشوف حلم شكل

و تفسير هالاحلام واحد.......... انه من نصيبي

حتى اني شفت شكله في هالاحلام

توني قريت سورة البقرة علشان الله ايسر علي هالموضوع و ايكون هالريال من نصيبي


في نقطة !

زميلة لي في الدوام... اتعرف بسالفتي.... لمحتلي بطريقة غير مباشرة... ان اصراري هذا مش علشان شي!!!! انا مصرة على هالريال لأنها تعتقد اني اعرفه و بيني و بينه علاقة!!!!!!!!!!!!!!!!!!!!!!!

ظنكم بشووووووووو ارد عليها!؟؟؟

هل اصراري يوحي بهالشي؟؟؟ ليش ما يفهمون ان الرياييل الزينين نادرين ... و هالشي برووحه سبب كااافي علشان اصر و اصر و اصر!؟

ليش الناس تفكيرهم منحط لهالدرجة!!!

خبروني شو اسوي

:eek2:

الله يكون بعونك

طبعاً نحنا ما ودنا تطلعين من شور اخوك لكبير
راح ولا اجا .. بيظلوا لكبير .. ويمكن ما تشوفينه إلا بالاسبوع مرة
وما تتكلمين معاه وااايد .. لكن محد غيره موفر لكم الراحة.

إلا الوالد وينة ؟؟

وحبيت اقول أن الشاب إذا هو نصيبك راح تاخذينة بعون الله

وعسى ان تكرهوا شيأ وهو خيرٌ لكم
وعسى ان تحبوا شيأ وهو شرٌ لكم..

وتأكدي بأنة لو نصيبك راح تاخذية
كل شيئ بكتبه رب العالمين

لا بيدك ولا بيد اخوك

الشيخة

السلام عليكم ورحمة الله وبركاته

اولا حبيت اقولج شي ياختي

مع احترامي لج مب تخلف ان الناس يهتمون بالأصل ... لانا احنا واجد اللي نهتم بالأصل واولهم انا

شوفي بنت القبايل لازم تبي تاخذ واحد اصل هاي شي طبيعي بس في طبعا استثناءات

حبيت اسالج انتي كم عمرج

يعني لو كنتي دخلتي الثلاثين ذيك الساعه بقولج معليه ماتراعين الأصل وبقول لخوج ان ماله حق

اما لوكنتي من 20 لين 28 اخوج ماينلام يعني تبينه يقط اخته حق واحد مب اصل اكيد انج تفكرين في نفسج وبس بس اخوج يفكر في العيله ...

انا ماعيب الريال بس اقولج اني الأصل بين الناس الأصل مطلوب واهم شي
واخوج له نظرته ؟؟؟
وبعدين يا أختى الأستخاره مو معناها انج تمسكين برايج وتعاندين لا ياحبي
بقولج سالفه

في وحده تقرب لي جاها خطيب اصل وسنه مناسب وعنده فلوس وبيت كلشي يعني بس ليحين يدرس في الثانويه (طبعا هاي شي عادي) اهي صلت استخاره يمكن شهر وافقت وتمت تحن وتبي ناس يتوسطون وامها معانده لا يعني لا مازوج بنتي هاي ؟؟؟ مع انه مافيه شي والبنت تعبت وتمسكت برايها (نفسج يعني) وتمت تحلم احلام وكلها تفسيرها زواج وزاد التمسك .... المهم اللأم ماعليها قالت لا وردتهم بدون شور حد مع ان وايد ناس قالو زوجيها اياه اصل ولد ناس ويصلي وغني ...

طبعا البنت عصبت وقالت شدعوه تبيني اعنس ومادري شنو وخرابيط؟؟
وانا مصليه استخاره ومرتاحه؟؟؟ لييش؟؟


المهم بعدها بكم شهر خطبها واحد وتزوجت وكان من اهلها واحين هي مستانسه ؟؟؟؟

شفتي حكمت ربج شلون

اهي مصليه استخاره ؟ وحالمه احلام كلها تفسيرها زواج ؟ ومرتاحه؟ وتبيه

ليش تلاقي حد يعاندها؟؟

تدرين ليش لانها اراده الله (( وعسى ان تكرهوا شي وهو خير لكم))
شوفي ياحبي


البنات لما يصلون استخاره في موضوع الزواج يرتاحون تعرفين ليش
اولا لان الصلاه فيها راحه انج وكلتي امرج لله
ثانيا ان البنت تبي تزوج فعشان جي تشوف نفسها راضيه حتى لو ليحين ماسمعت شي عن الشخص
ثالثا الأستخاره مو معناها انج تحلمين لا .. معناها ان الله بيسرلج الخير لج وبيبعد عنج الشي اللي مايناسبج
حبي احلامج هاي كلها من عقلج الباطن لانج انتي تبين تزوجين ولانه عاجبج
حبي مب شرط الواحد يكون زين يعني يناسبج يمكن انه مايناسبج حتى لو فيه كل الصفات اللي انتي تبينها

شوفي يمكن الله حط اخوج يعاند عشان انتي ماتخذينه لانه مايناسبج
اما انج تكتبي في اخوج هالكلام عشان موضوع زواج

لا عيب هذا اخوج سندج لا دارت بج الدنيا واسأليني انا لاحتجتي في يوم بتلاقينه الله يخليه لج انشالله

بعدين هذا موضوع عائلي انصحج انج تراجعين نفسج وتكلمين اخوج واذا مارضى خلاص الله مب رايد
اما اذا رضى خلاص هاي مشيئه الله والله يهنيج..

اما البنت اللي لمحت لج بالعلاقه لاتلمومينها لانج انتي حنيتي قدامها بشكل مو طبيعي لازم بتشك هاي شي عادي يستحسن انج تخلين الموضوع بينج وبين اهلج
ونصيحه لكل بنت اذا انخطبت لاتكلم قدام الناس لين ما الله يسر او ينتهي الموضوع .. الرسول -عليه الصلاه والسلام-قال(( اقضو حوائجكم بالكتمان))

وانصحج يا اختي الحبيبه انج ماتبيعين اهلج عشان خطيب ماتردين بيكون لج او عليج
واقولج ياحبي لاتزعلين اذا ماخذيته الله بيخلفج اللي احسن منه ( لان قريبتي مرت بنفس المشكله)

واتمنى ان الله يسرلج الخير والخيره ويرزقج واحد يسرج ويسر اهلج


وشكرا

شوفي اختي اذا استخرتي ربك وتيسرت امورك فتوكلي على الله
اما غير كذا لايردك شي اهم شي اذا امك وابوك على قيد الحياة خذي رايهم
اما غيرهم لاياثر رايهم فيك
وحطي شي في بالك نصيبك راح تاخذينه