××::للعرايس وخاصة المالكات ::×× الجزء الثاني

ع

عروس الجنة

عروس مشرقة

10-10-2004 | 10:21 AM

بسم الله الرحمن الرحيم
السلام عليكم ورحمة الله وبركاته..

خواتي الحبيبات في الله.. اليوم راح اكمل لكم موضوع " للعرايس وخاصة المالكات" ان شاء الله تذكرونة؟؟:smile:

في الموضوع اللي فات.. أكثر شي ركزنا عن فترة الملكة نفسها وبعد التأقلم مع العريس شو الاشياء اللي نسويها.. بس مادخلنا في أول فترة المكلة شو لازم يصير.. :rolleyes:

حبيباتي.. إذا حسيتوا انه في بداية الملكة كارهين ازواجكم.. وانهم ما يقدرونكم ولا يحبونكم.. ترا هالشي طبييييييييعي .. واياج ثم اياج تفكرين في الطلاق.. وهذا للأسف اللي قاعد يصير في ايامنا.. مطلقات قبل الدخول زادوا بدرجة فضيعة عندنا.. والسبب في ضنتي هالشي..:(

ليش تحسين زوجك ما يحبك في اول الايام؟؟ هو شي طبيعي.. لانكم مب متعودين على بعض.. هو ما يعرف شو اللي يعجبج عشان يتكلم فيه أو كيف يتصرف! وحليله لا تلومونه اول مرة يمكن يجلس مع غريبة ويحس في نفس الوقت انها زوجته.. :shy:

وشوفي نفسج حبيبتي.. كيف كنتي اوائل الأيام مستحية وماتعرفين شو تقولين..

الخلاصة هي انه محد يستعجل في انهاء العلاقة قبل الدخول في فترة الملكة.. لانه صدقونة شي عادي .. ومع الايام راح تتأقلمون وكل شي راح يتغير.. :up:

ولا تنسون في البداية الاستخارة..والدعاء والتوكل على الله خواتي..
هذي النقطة حبيت اوضحها نسيت اوضحها في الموضوع اللي فات..

الحين نرجع لمحور حديثنا ..<= قديمة هيهي:cool2:

الايام الرومانسية والمميزة مب بس لبعد العرس.. لا سوي الحركات من الحين.. يعني في يوم ميلاده فاجئيه بشي.. وحركة مميزة ولبس مميز وغيره(a)..

بقولكم شوي عن طباع الرياييل عندنا..
ما يحبون الثرثارة!!:s2
يحبون الدلووووووعة ولو شو ماكان:shy:.. صدقيني كل ريال يحب الدلع.. ويشتاق له.. محد يقول ريلي من النوع اللي ما يحب الدلع.. صدقيني ما في ريال ما يحب الدلع..
لا تحاولين تفتحين مواضيع هو ما يحبها:down:.. أو تأثر في نفسيته بشكل سلبي.. ولو كنتي تبين مضطرة اجتنبيه قد ما تقدرين.. او يبيها بلف ودوران مب على طول..
العطور نقدر نسميه القنبلة:D2.. والله يا بنات ترا العطور لها تأثر فضيييييييييييع والله .. والله ريلي يمكن اول شي ينتبه عليه هو العطر اللي حاطته.. ويعطيني رايه..

وطبعا قلنا في موضوعنا الأول عن الاشياء اللي نسويها لو حضر الزوج للزيارة أو الكلام بالتلفون وغيره..

فيه شي ابي انبهكم عليه.. وهو لا تنغرن بكلام غيرج عن ازواجهم:pain:.. والله يا بنات شوفوا هالنقطة وايد مهمة.. يعني وحدة تقولج انا ريلي يابلي هدية .. وهو رومانسي.. ويحب جيه وجيه.. لا لا لا ابداً لا تصدقين أي وحدة او تحطينه في بالج.. وتقارنين..! هنيه الخطأ لا تقارنووووووون.. كل وحدة تحب تبين ايجابيات ريلها ومستحيل تفتخر بسلبياته ولا شورايكم؟؟:up: احمدي ربج..ولا تسمعين كلام غيرج.. شوفوا تقريبا كل شي يصير بينج وبين ريلج يعتبر سر.. لا تقولينه لحد قد ما تقدرين..
حبيت انبهكم لهالنقطة.. لاني احس اكثر المالجات يبدون يقارنون ازواجهم بازواج صديقاتهم وغيره.. لا لا كل رجل فيه ميزة وخصوصية .. فلا تستائين منه.. " وعسى أن تكرهوا شيئاُ وهو خير لكم":smile:

ان شاء الله أكون أفدتكم عزيزاتي.. وكلامي يحتمل فيه الخطأ .. وابيكم تنبهوني.. عطونا من افكاركم حبيباتي.. عشان تفيدوني و تفيدون البنات:clap: .. ومبروك عليكم رمضان مقدماً وتقبل الله منا ومنك صالح الأعمال..
وعشان ما ننسى اغتنموا هالشهر في الدعاااااااااااااااء لا تنسون.. خلوه ملازم للسانكم.. وادعولي معاكم :shy:

لا تنسوني من دعواااااتكم..
أختكم المحبة في الله
عروس _الجنة:smile:

ا

الفرس

عروس ماسية

10-10-2004 | 10:42 AM

شكراً لج غاليتي
موضوعج رائع
وإن شاء الله البنات يستفيدون منه

:up:

ق

قمـ 14 ـر

عروس جديدة

10-10-2004 | 11:38 PM

تسلمين اختي على هالنصايح والارشادات القيمه

صح في بدايه الايام مانكون متعودين على بعض لكن مب لدرجه ان الوحده تحس ان زوجها مايحبها انا مب معاج في هالنقطه انا اشوف العكس يعني الواحد في بدايه ايام الملكه يكون ملهوف وما وده يسكر التلفون او يطلع من البيت الود وده كل يوم يجي عندها..

هذا في بدايه الايام لكن مع مرور الايام يتعودون على بعض هذا مب معناه ان الحب قل لا الحب اكيد مع مرور الايام راح يزيد لكن راح يكون فيه نوع من التعود والروتين اللي لازم ينكسر ونحاول قد مانقدر نجدد هالحب ونجدد ايامنا ..

ويعطيج العافيه الغاليه

ب

بشبشه

عروس رائعة

11-10-2004 | 12:01 AM

هلا اختي بارك الله فيج وفقج ويسعدج ان شاء الله
معلومات حلوة
بس لالالسف مالحقت للموضوع الجزء الاول
وش اسوي؟؟؟

ف

فراق

عروس مبدعة

11-10-2004 | 12:10 AM

عزيزتي عروس الجنة

تسلمين على الموضوع الاكثر من رائع
وانشاءالله كل بنت تستفيد من نصايحج
اما احنا راحت علينا....يعطيج العافيه

p

pinkrose_900

عروس جديدة

11-10-2004 | 12:33 AM

اختي عروس الجنه

فعلا ترى كلامك جاي على الجرح
لان في بنات وقت الملكه وانا منهم كنت احس انه ما يحبني وانه يجي عندنا مجامله

وبعض الاحيان اخواتي يحكون لي عن ازواجهم وصديقاتي كمان يوقلون لي عن ازواجهم
عاد هنا يبدا المقارنه بينهم
والله العظيم اني بغيت اطلب الطلاق ومره بكيت وبغيت اقول لابوي خلاص ما ابيه ابي اتطلق وارجع زي اول فري وما اسال عن احد ولا احد اهتم فيه لاني حسيت ان في فرق بيني وبين خواتي وصديقاتي
لكن شئ واحد باقوله ((( اذاكان الشخص طيب وحنون وماهو بخيل استمري معه )))

n

n_riadh

عروس مبدعة

11-10-2004 | 01:47 AM

:up::up::up::up::up:

ع

عروس الجنة

عروس مشرقة

11-10-2004 | 07:11 AM

هلا خواتي..

الحمدلله انه عجبكم.. لأنه في جزء ثالث بس كا حطيته لأنه الموضوع بيطلع طويل.. ويمكن البعض يحس انه ملل ..

فقسمته بالهشكل وان شاء الله يكون مناسب لكم :)..

والقسم الأول راح احطه فيالموضوع ان شاء الله كرابط :up:...

ادعولي بنات :smile:

وبعدين هالكلام اكيد البعض راح يشوفه غلط.... لأن كل واحد مختلف ونظرته مختلفة .. بس كمجتمعنا والأغلبية اشوف هذا هو السائد.. عدا عن النصايح اللي ما يختف عليها اثنين :up:

ولكم مني التحية.. :smile:

أختكم في الله
عروس الجنة(a)

و

وردة جده

عروس مبدعة

11-10-2004 | 07:23 AM

:clap:

تسلمين عيوني

M

MissAnGeL

عروس متألقة

11-10-2004 | 07:27 AM

جزاج الله الف خير

ا

الملاك الحزين

عروس برونزية

11-10-2004 | 07:41 AM

السلام عليكم ورحمة الله وبركاته

:clap:

ع

عروس الجنة

عروس مشرقة

11-10-2004 | 11:05 AM

مشكورين حبيباتي عالمرور..

تواصلكم اثلج صدري.. :up:

ع

عروس الجنة

عروس مشرقة

12-10-2004 | 05:29 PM

وينكم يا بنات :(,,, ترا فيه جزء ثالث,,

شكل الموضوع ما عجب الأغلبية :confused:

ان شاء الله نثاب عليه :up:

ع

عروس الجنة

عروس مشرقة

12-10-2004 | 05:36 PM

وينكم يا بنات :(,,, ترا فيه جزء ثالث,,

شكل الموضوع ما عجب الأغلبية :confused:

ان شاء الله نثاب عليه :up:

ع

عروسة03

عروس مشرقة

13-10-2004 | 01:31 AM

سلام من الله عليكم و رحمته و بركاته..

أخيتي عروس الجنه.. تسلمين عمري على هالنصائح.. أني صج صار لي سنة تقريباً متزوجة.. بس حسيت ان كلامج فعلاً في محله.. و استفدت منه بعد..:up:
تسلمين حبيبتي يا ربي (يهديش) و(يجعلش) عروس الجنه .. :smile:

انتظر مزيدك.. فلا تطيلي..

ا

الغــــــلا

عروس متألقة

13-10-2004 | 09:55 AM

:up:

ا

اسور

عروس متألقة

13-10-2004 | 10:16 AM

شكرا حبيبتي على النصائح الحلوة لو اني ما شفت الجزء الاول.
بس كلامك بمحلة . انا صاري سنة خاطبة وعخذت خطيبي عن حب . لكن الان امر بمرحلة اني كارهتو وافكر كتير بالانفصال عنو . ما اعرف ليش مع انو مسافر في بلد اخر.

b

business_girl

عروس ذهبية

14-10-2004 | 11:43 PM

تسلمين عزيزتي

:clap:

يا ريت تحطين لنا رابط الجزء الأول
وبانتظار الجزء الثالث

ن

نوووسهUAE

عروس ماسية

15-10-2004 | 09:26 AM

:up::up: مشكورة اختي ونتريا الجزء الثالث

ع

عروس الجنة

عروس مشرقة

15-10-2004 | 02:02 PM

أهلين خواتي :)

هذا رابط الجزء الأول :)

<<للعرايس وخاصة المالكات>>