الكسل - منتديات عروس

ن

نجمة الفجر

عروس رائعة

10-10-2004 | 09:47 AM

السلالالالالام يااحلى بنات

زمان ما اشتكيت بهالركن:cool2:

خواتي انا مشكلتي مشكلة وماثرة على حياتي بشكل كبير

الا وهي الكسل

كله مافيني بارض اسوي شي

وكله ابغى اناااااااااام..حياتي كلها نوم بنوووووووم

اذا يوم واحد سويت مجهود اليوم الثاني اعرفي مية بالمية اني ازيد على
ساعات النوم اربع ساعات اضافية

قال شو..اريح جثتي!!!

يعني كاني بموت لو ما نمت

كل همي ما اتعب عمري باي شي

ولا لي اي مزااااااااج اسوي شي! حتى بالعمل المدير يحول لي العمل اشوف على الورقة واقول (اف)

مرات اسوي الشي ومرات لا:down:

لما اشوف على الناس رايحين وجايين اقول في نفسي:

حظكم تتحركوا! كاني انا بعيد الشر عني مشلولة

حتى بالبيت هذا الشايع عني..النوامة العجازة

حتى ابوي يقول اني اذا تزوجت بتعب:confused:

لانه الزواج مسؤليات ويبغى نشاط ..وراي بيكون زوج يبغى اكل ولبس

وعيال يبغوا سهر:confused:

اكره كلمة السهر

انا اختي والدة وبالنفاس وشي اكيد طفلتها تسهرها

تصدقوا هي تسهر وانا اعصب!!!!!!!!!

احس اني انا التعبانة مو هي

الوضع مو طبيعي ياناس ساعدووووووووووووووني:o

اختكم/نجمة الفجر والنوم:D2

ن

نسمة الحياة

مشرفة سابقة

10-10-2004 | 10:40 AM

الحال من بعضه :D2:D2

صدقيني : أنا نفس الشي أحب شي اسمه نووووووووووووووووم

آآآآآآه لو كان النوم اللحين جدامي ، ايش بسوي فيه :cool2:

يعني بس أرجع من الدوام ، أتغدى ، وأفوت أنام ... ولازم لازم أنام أكثر من ساعتين .. أحياناً توصل لثلاث ساعات ...
لو نمت ساعة ماأعتبرها نومة ، لازم ثلاث ساعات ، ياسلام لو كانوا أكثر من ثلاثة :cool2:

واذا قمت بأي مجهود في البيت ، أحس كل ثقل الدنيا على أكتافي ... حتى أمي تقول : مايسوى علينا اللي اشتغلتيه :smile:

نجمة الفجر : خذي الموضوع بكل بساطة ، ولاتكبري الموضوع ...
عادي كلنا عندنا الكسل ... ومانحب نبذل أي مجهود ...

السبب مو منا ،، من حال هالدنيا ... والتطورات اللي تخلي الواحد مايعتمد على نفسه ...

م

مذهلة البحرين

عروس فضية

10-10-2004 | 11:23 AM

انصحك تراجعين طبيبه وتسوين بعض التحالين يمكن واكيد راح تقولين ايش دخل وضعك بالتحاليل

لأنه احيانا يصير عندنا نقص او ارتفاع ببعض الأشياء بجسمنا وهي إللي تسبب كل ما ذكرتيه

ن

نجمة الفجر

عروس رائعة

10-10-2004 | 12:05 PM

اهلين omboz

صرنا اثنين:cool2:

عادي كلنا عندنا الكسل ... ومانحب نبذل أي مجهود ...

لاياختي..والله الناس اشوفهم يشتغلوا زين ويروحوا ويجوا

انا احس بخمول..وما لي رغبة اسوي شي

كثر الله خيري اروح الدوام ههه

يمكن انا وانتي حالتنا كذا..بس لو تشوفي الناس حركيين

انا لو اني معلمة..كان مت من زمان!

انا ما مكبرة الموضوع لوما احس بمشكلة كان ما كتبت الموضوع:smile:

مشكوورة على المشاركة ياكسلانة:D2:smile:

---------------------

مذهلة البحرين

تصدقي بعد ما كتبت الموضوع فكرت اروح افحص

يمكن في خلل بالغدد

الله يسامح امي كانت تتوحم يوم انها حامل فيني بالنوم :D2

هذا طلع فيني الحين

مشكوورة على المشاركة

ن

نسمة الحياة

مشرفة سابقة

10-10-2004 | 12:24 PM

:D2:D2:D2:D2:D2:D2

ياحليج يانجمة الفجر :smile::smile: والله دمك خفيف :smile::smile:

وتعليقاتك تضحكني :smile::D2:smile::D2

المهم عزيزتي : خلينا ندخل في الجد ...

روحي واعملي فحص .... يمكن يكون عندك خلل فعلاً ...
مع اني أشوف الكسل شي طبيعي وعادي ... بس علشان تطمأني ، روحي للدكتور واتأكدي ...

م

مرموم

نائبة المشرفة العامة

10-10-2004 | 02:53 PM

السلام عليكم ورحمة الله وبركاته

يا هلا بيكي يا نجمة الفجر...

كيف حالك ؟ و كيف حال شهد العزيزة و بنوتتها الحلوة ؟ ما قلتي لي شو سميتها ؟

كل عام و إنتوا بخير يا رب..

شوفي...كان دايما خالي يقول لي : الكسل يجر كسل...و النوم يجر نوم...

و لما في يوم أقول له : راح أنام العصر لأني ليلة أمس نمت بس 5 ساعات...كان يقول لي : النوم لا يتحوّش ...نمتي 5 ساعات...خلاص...خلصت فترة بالليل...و مش ممكن تعويضها بأي شكل...

لذلك...عودي نفسك على النشاط...و الحين رمضان فرصة...يعني قولي لنفسك : الحين رمضان شهر و راح يخلص...لذلك لازم أستغله...فرصة شهد صاحية...اقعدي معاها و مع بنوتتها اقرأي قرآن بالليل...صلّي قيام...و اتسحري...بعدين نامي...

و اصحي الصبح نشيطة على الدوام...بعد الدوام نامي ساعتين...بعدين اصحي ساعديهم بعمل الفطور...و بعد الفطور صلاة تروايح...بعدين تقعدي شوية مع أهلك...صدقيني استغلال الوقت شيء رائع...

عن نفسي في رمضان الماضي كنت متزوجة من 3 شهور...و احترت كيف أنظم وقتي...و كيف أنام في رمضان...حسيت إني راح أتعب...شوفي شو عملت...كنت أصحي الصبح الساعة 7:30 و أروح شغلي على 8...و بعدين أرجع من شغلي 2:30...أنام لحد 4...و أصحى أحوس في المطبخ...و أحضر الإفطار ( و ساعات تكون عزايم )...بعدين نفطر على 6...و بعدها نروح الترايح...نرجع من التراويح...نقعد شوية...و يا إما نتسحر قبل ما ننام...أو ننام الساعة 12 مثلا...و نصحى على السحور...و نقرأ قرآن للفجر..و ننام بعد الفجر ساعتين...

لذلك...تحسي الجسم صار نشيط...و ما صار كسول...و صار يحب الحركة...صدقيني هذا كله بالتعوّد...و راح تلاقي نفسك ما تحبي النوم كتير بعدين لأنه وراكي أشياء تعمليها,...

أتمنى تكون فكرتي عجبتك..:smile:

ن

نجمة الفجر

عروس رائعة

11-10-2004 | 09:15 AM

هلا مرموووم:shy:

انا بخير الله يسلم حالك ياااااااارب

واختي بخير وبنوتتها بخير وسمتها سارة:smile:

على فكرة راح ارسل لك صورتها انتظري علي شوية كم يوم

نرجع لموضوعنا

الظاهر انه الكسل صار عندي بالتعود

لاني بكل صراحة ما اسوي بالبيت..كله جالسة بغرفتي

اختي بعد لا تنسي الفراغ

مرة ما ادري كيف بالغلط سجلت بنادي رياضي:D2

وواظبت معاهم شهر علشان يروح الكسل
والحمدلله تحسنت..[س رجعت كسولة مرة ثانية!

الله كريم

وفكرتك لرمضان رائعة..انا مسوتلي نظام ان شاءالله اقدر امشي عليه

ومبروك عليكم الشهر الفضيل اسال الله ان يتقبل منا ومنكم صلاته وقيامه

:smile::smile::smile:

م

مملكة القلوب

مشرفة سابقة

11-10-2004 | 11:37 PM

السلام عليكم ورحمة الله وبركاته

هلا بيك أختي نجمة الفجر كيف حال أختي شهد وكيف بنوتتها وبلغتي سلامي لها :smile:

أختي الكسل هذا موضة العصر يمكن لأن عندك فراغ ومو عارفه كيف تستقلين وقتك لذلك تميلين للنوم والخمول

حاولي ترسمين لك جدول يومي يعني فترة الصباح أيش تسوين وكذلك فترة الظهر والعصر ... الخ

أنا مرات لما أحس بكسل وخمول وبالأخص بفترة العطله أشغل نفسي بأي شئ يكسر الروتين أطلع أزور أهلي أنشط نفسي بأي شئ

وحاولي تحددين لك ساعات معينه للنوم مو تاخذين اليوم كله نوم :smile:

ولكم مني كل التقدير والأحترام

مملكـــة القلوب

ن

نجمة الفجر

عروس رائعة

12-10-2004 | 10:06 AM

هلا اختي مملكة القلوب:smile:

اسعدتني مشاركتك جدا

اختي بخير الحمدلله..وسارونة الحلوة بعد بخير

ان شاءالله ببلغها السلام:smile:

مشكوورة على المشاركة..وهالايام جالسة اشغل وقتي بالمطبخ:o

يوم كيك..ويوم معجنات

الله يستر من الوزن

تسلمي:smile:

م

مرموم

نائبة المشرفة العامة

12-10-2004 | 01:45 PM

السلام عليكم ورحمة الله وبركاته

سلامي لســـارة و لأم ســــارة....:smile:

و بانتظار الصورة الحلوة :cool2:

و كل عام و إنتي و أختك و عيلتك كلها يا نجمة بخير إن شاء الله....(u)

ا

ام ربى

عروس مبدعة

12-10-2004 | 06:07 PM

هلا والله بالزين كله...وحده بكاشه:D2

على العموم يالكسلانه:D2

ألحين انت تقولين ما ودك بالشغل وبس تبين تنامين...

راح اقول السبب ...مستعده:smile:

السبب ياعزيزتي هو(الهروب من الواقع)

يوجد شيء ما بنفسك تحاولين الهروب منه بالنوم..وهذا تعاني منه اغلبية

الاخوات ولستي وحدك...

وعلاجه عزيزتي عندك..اتخيلتي مره كم هي الحياة جميله بمن حولنا..

اوضعتي لنفسكي برنامجا معين للأستفاده من وقتك وترك التفكير

باللي بالي بالك..اطلب لك من الله الستر في الدنيا والاخره..

نجمة الفجر..

ابحثي عن الشيء الذي ينسيك حلمك الجميل ويبعث في نفسك الطمانينه

لا تتركي لنفسك العنان لتموتي ببطء..ازرعي في نفسك الامل والتفائل..

اجربتي ان تكتبي جميع احزانك وامانيك في دفتر تلجائي ليه وقت الحاجه

وقبل هذا وذاك "اللجوء الى رب العالمين"

ايضا عزيزتي لاتنسي التحاليل ..ابعدكي الله عن كل مكروه..

تقبلي فائق حبي واحترامي...(u)

ا

ام ميرال

عروس متألقة

12-10-2004 | 10:28 PM

عزيزتي

جربي الحجامة في مستشفى طبي لها تاثير خيالي في اتزان ساعات النوم زميلتي قبل فترة سوتها عند دكتوره ومشاء الله صارت تنام زين وتقوم لصلاه الفجر بوقتها لان اول نومها ثقيييل وتحس بخموول وكسل شديد وحست الفرق من اول حجامه

وان شالله انا ناوية اسويها

تحياتي

وبالتوفيق