الله يخلي لكم عيالكم افيدوا اختكم:(

وعليكم السلام ورحمة الله وبركاته

الله يخلي لك عيالك أختي حباري ويبارك لك فيهم.

بجاوبك على أسئلتك باللي يجي على بالي أول شي.

بالنسبة كيف تخلي ولدك يترك الحفاظ أول شي لازم الصبح من يقوم من النوم توديه الحمام وخلال النهار من تمضي كمين ساعة لازم بنفسك تشيليه وتوديه الحمام وتسأليه بالغة اللي انتي وطفلك تتفاهمو عليها مثلا تقولي له حبيبي تبي تروح حمام ومن هالسوالف وقبل النوم أبعدي عنه السوائل عوديه يروح الحمام ويغسل أسنانه وبعدها مافي أكل ولا شرب حتى ولو طلبك ماي عطيه شويه بس . في البداية بتشوفي الحفاظ من الصبح لحد الليل مافيه شي فهذاك الوقت بيني له فرحتك وخلي بعد أبوه يعرف المهم بينو نفسكم أنكم بقمة السعادة (وهو أصلا هذا الشي اللي يفرح الأهل) بس لازم تبينو فرحتكم قدامه عشان يتشجع وشوي شوي خليه ينام بدون حفاظ وبتشوفيه يتعود من نفسة.
أنا هذه هي تجربتي مع بنتي. بس هو عموما الطفل لحد 3 سنوات يكون ما في داعي للقلق بأن الطفل ما ترك الحفاظ .



بالنسبة لسؤالك بهز الطفل يعتمد على حسب ما عودتي طفلك علية وهو الهز بمنزه وهذي عادة قديمة الهز بالمنز بس أنا بصراحة بكل أطفالي ما عملت هالحركة لأنها بتكون تعب للأهل بعدين بتظلي طول الوقت وانتي أيدك تهز بس ولدك أبو سنتين الله يخليه لك المفروظ خلاص ما تهزيه خليه ينام بروحه وبقصة جميلة تحكيها له. أما الصغير بإمكانك تخليه بحضنك لحد ما ينام وبعدين خليه بسريرة أو تنسدحي جنبه وترضعية لحد ما ينام الصغير ممكن الحين تعوديه من حيث النوم ومن حيث أنك تتركي عنه اللهاية بس كل شي يبي له صبر.

بالنسبة للكبير أن بصراحة أحس بتكون صعبة شوي تتركي عنه اللهاية لأنه خلاص تعود عليها بس حاولي أتلهيه عنها بشي ثاني مثلا تقولي له ضاعت أو تجلسي أدوريها وما تحصليها ومن هاالسوالف.

وعموما اطفالك بعدهم صغار الله يخليهم لك ومافي داعي لهالقلق كله بس لازم تبدتي تعوديهم وخاصة الطفل الكبير.

سلااااااااااام


حتى أأأأنا بعد ولدي عمره سنتين وثلاث شهور


ويمص المصاصه وماااارضي يتركهاااااا :confused::confused:


إإإإلي عنده حل يخبرناااااا