الجوع الشديد في فترات متقاربة اول اشهر الحمل !!

اختي ام حمد أنا مثلك في الثلاث الأشهر الاولى ما كان عندي أي مقاومة للجوع وما ابغي اشيل الاكل من ايدي وإلا :down: راح احس بالغثيان

بس ولله الحمد أنا الحين في نهاية الشهر السادس وصايره احسن من أول

الله يسهل عليك وتحملي بس عندي لك نصيحة استغلي هذا الجوع واكلي فواكه وخضروات علشان البيبي يستفيد

والله يوفقك

[ALIGN=RIGHT]انا بعد في بدايه الشهور الاوى كنت احس اني بموت من الجوع بس ما عندي شهيه للاكل و لا ادري شنو اكل:down: و كنت دايما فيني النوم بس ما كنت اقدر انام لاني ولدي ما يخليني انام و اتعذبت و ايد بس الحين الحمد لله صرت احسن من قبل و اكلي بعد احسن ...... و اعتقد هذا شي طبيعي :smile: لا اتخافين بس حاولي انك تاكلين اشياء خفيفه و مفيدة مثل الفواكه و الخضروات و العصائر :up: الله يسهل عليج و اتقومين بالسلامه .

هلا عزيزتي ..

من الطبيعي تحس الحامل بهذي الأعراض..

والظاهر كلنا في الهوا سوا :D2

والله أنا نفسج.. أكون ميته من الجوع ..

وأروح المطبخ وأفتح الثلاجه .. وأسكرها :D2

وهذي هي حالتي .. جان كلت شي . . الحمد الله والشكر..

بس هذا رابط إن شاء الله بفيدج ..

في بعض المعلومات عن غذاء الحامل ..

إن شاء الله يفيدج

http://www.islamonline.net/iol-arabic/dowalia/adam-44/parent-1.asp

انا كنت العكس طوااااااااااال الاشهر الثلاث وما احب شي اسمة اكل
وبس صرت في الشهر الثامن وانا مب طبيعية اكل العشاء مرتين وبعد كأني ما اكلت شي :o

هلا و الله بالغالية (u)أم حمد:shy:

تمرين بحالة طبيعية و ما تخوف:up:

و هو نوع من أنواع الوحم:cool2:

بدخولك الشهر الرابع ان شاء الله الوحم بيخف لدرجة كبير:up:

السلام عليكم ورحمة الله وبركاته

(bodoor- سحر المودة - بشاير- DarkStar - فوانيس )


هلا والله خواتي ...فديت عماركن والله طمنتوني ...بس بصراحه حاله لا تطاق ...

عموما مشكورين والله وتسلمون على الردود ...البارحه ما اكلت وقلت بشوف لين وين بتوصلني حالة الجوع هذي ....الله لا يراويكم والله حالتي ...رجعت كل الي ماكلته اليوم الي قبله ....بس الحمدلله على كل حال ...


انا كنت خايفه انه يكون سكري ولا شي من هالقبيل ..بس دام انه طبيعي الحمدلله ...

جزاكن الله الف خير على ردودكن وان شالله ما اخلى ...

انا بعد اعاني من هالشي ..

الصراحة مب عارفة شو اسوي ..

احس بجوع شديد يوم الاكل مب جدامي بس اسير صوب الاكل جبدي اتلوع .. واحيانا احس بآلام في البطن مثل الالام الدورة ..فالنهاية اكتشف انها من الجوع ..

:down:









:up: لكني مسيطرة عالوضع

انا كنت في الاشهر الاولى ما اشتهي اكل ولا اشتهي ريحة الاكل احس اني برجع من ريحة الاكل مع اني يوعانة .. بس بعد ما عديت الخمس اشهر اكل و اشبع و بعد ساعة احسن اني يووووعااااااانة

كلنا في الهوى سوى..انا اموت من الجوع وآكل مااترك نفسي واحاول اني اكل اشياء مفيده لان الاشهر الاولى مرحله تكون لازم شىء مفيد..عاد اتصدقين اتشهوى على اشياء مب مفيده ابد..:smile:..وعلى قولة سحر الموده انا احس اني ابي انام كل شوي بس ولدي انا بعد مايخليني وانا الحين بدايه الشهر الثالث وشايله هم الصيام في رمضان ..لاني مااتحرك من مكاني لين اكل..الله يعين

:up::smile::smile: