رسايل رومنسية, غرام * وحب * وعتاب

احبك لو تسافر بي على درب التعب وأمشيك
حبيبي في زمان البعد قلبي اصدق أصحابك

احبك جرح مايبرى عسى بعض الألم يرضيك
وألوّن بالرضى عيني وأسيّـل دمعة عتـــابك

**********************************
قالوا البعــــد يخليك تشتــــــاق

قلت :

ورب الكون حتى وهو جنبي
انا ميت من الشوق !!!

**********************************
لبيه جيتك والوله سابقني
لو ما تنادي إحساس قلبي درا بك

ورفقة عيونك لو زماني منعني
لأوصلك حافي من الوله لين بابك

**********************************
كبيرة غلطة الصاحب إذا جتني بدون اسباب
تهدّ الروح وتزوّد عنا همّـي وغربالي

**********************************
ياللي تغرك ضحكتي بعض الأوقات
أحيان بعض الضحك معناه موتي

أوقات تلقاني أحاكيك بسكات
يوم الكلام يموت داخل سكوتي

يوم الحناجر تحتضر فيها الآهات
واعجز عن الشكوى ولو طال صوتي

********************************
هذا أنا حنـّيت ورجعت لعيونك
ماهو تواضع لكن الشوق أجبرني

هذا أنا حنـّيت أقول وشلونك؟
ياشيخ وش فيك يابن الناس ساحرني ؟؟؟؟

******************************
قسوة الأيام عندي تهون
ولا قــسوة اغلى أحبابي

لاقسى علي القلب الحنون
عساه يدفني ترابــي

****************************
يهزنى الشوق لــ منى تذكرتك
هز الهبايب غصون أوراق الاشجاري

محبتى لك تجدد كل ما شفتك
مثل الربيع بقدومه تنبت الازهاري

احب قربك وأطباعك تعودتك
وأبيع الدنيا لعيونك واصير لك شاري

*******************************
اقصدك اني اتنازل لك واجيك
وانحني من عقب ماقلت الوداع
مثل ما انته ماتبيني ما ابيك
المحبه مابها غش وخداع
روح دور لك على غيري شريك
وارتحل بالهم في دنيا لضياع

*******************************
لو تباعدنا غدا الكون الكبير
شارع مظلم وتبكيه البيوت
جايز ان الوضع من بعدك خطير
وجايز ان الهم في صدري يفوت
بس شي واحد محال انه يصير
ما اذل النفس لجلك لو تموت

******************************
لو تخيلت القمر من دون نور
لو تخيلت السما تمطر ضخر
والجبال تحركت مثل الطيور
والطيور بلا جبال ولا شجر
لو يصير الموج من غير البحور
والبواخر تبحر بليا بحر
مستحيل اتخيل محب يجور
لا سلام ولا كلام ولا نظر

************************
في بالي دوم ذكراك
انت حياتي وبالحيل اهواك
ليتني اعرف سبب جفاك
لجل بروحي اشري رضاك

**************************
خلك بعيد وخل الوله
في قلبك يزيد دامك
اخترت البعاد لاتنتظر
مني الوصال

*************************
اخترت حبك حسب كيفي وذوقي
واصبحت خلي بين كل العبادي
اشتاق لك ويزيد البعد شوقي
وان غبت عني صار ليلي سوادي

**************************
ان غاب عن عيني من الناس
غالين
ما اسال واقول
اللي يبيني يجيني
الا انت أبسأل عنك كل
العناوين
معقول
بنسى نور قلبي وعيني

*************************
ابكي

وانادي ليه قطع المواصيل
متى على الله ساعة الوصل تاتي

يادمعتي لاتطلبين المناديل
تكفين ياعيوني من الدمع هاتي

وينه ونيس الصبح والعصر والليل
في غيبته غابت جميع امنياتي